മധ്യപ്രദേശ്: തെരഞ്ഞെടുപ്പിൽ നാലിൽ മൂന്ന് സംസ്ഥാനത്തും ബിജെപി മികച്ച ലീഡ് നേടി വീജയം സ്വന്തമാക്കി. നാടെങ്ങും ബിജെപി പ്രവർത്തരകർ വിജയാഘോഷത്തിലാണ്. 230ൽ 163 സീറ്റുകൾ നേടിയാണ് മധ്യപ്രദേശിൽ ബിജെപി വിജയ രഥത്തിലേറിയത്.
ബിജെപിയുടെ വിജയത്തിനു പിന്നാലെ മധ്യപ്രദേശിലെ ഇൻഡോറിൽ നടന്ന വിജയ യാത്രയ്ക്കിടെ പ്രവർത്തകർക്ക് നേരെ തിളച്ച വെള്ളം ഒഴിച്ചു. ഞായറാഴ്ച രാത്രി ഖജ്രാനയിലാണ് സംഭവം. സംഭവത്തിൽ ഒരു കുടുംബത്തിലെ നാല് പേർക്കെതിരെ കേസെടുത്തു.
ഖജ്രാനയിൽ വക്കീൽ പത്താൻ എന്നയാളുടെ വീട്ടിന് മുന്നിലൂടെ ബിജെപി പ്രവർത്തകരുടെ വിജയജാഥ കടന്നുപോകുകയായിരുന്നു. ആ സമയം പത്താൻ ഘോഷയാത്രയെ എതിർക്കുകയും പ്രവർത്തകരുമായി വാക്ക് തർക്കം ഉണ്ടാക്കുകയും ചെയ്തു.
തുടർന്ന് ഇയാൾ പ്രവർത്തകരുമായി ഏറ്റുമുട്ടി. ഇതിനിടെ പത്താന്‍റെ ഭാര്യ ശബ്‌നം വീടിനു മുകളിൽ നിന്ന് ബിജെപി പ്രവർത്തകർക്ക് നേരെ തിളച്ച വെള്ളം ഒഴിക്കുകയായിരുന്നു. സംഭവത്തിൽ വിശദമായ അന്വേഷണം നടന്നുവരികയാണെന്ന് ഖജ്രാന പോലീസ് അറിയിച്ചു.
ഇന്ത്യൻ ശിക്ഷാനിയമം 294, 323, 324, 506 വകുപ്പുകൾ പ്രകാരം പത്താനും ഭാര്യയ്ക്കും രണ്ട് ആൺമക്കൾക്കും എതിരെ കേസെടുത്തു.
