യാ​തൊ​രു​വി​ധ ബാ​രി​ക്കേ​ഡു​മി​ല്ലാ​തെ പാലം പ​ണി! അ​ന്ധ​കാ​ര​ത്തോ​ട്ടി​ൽ യു​വാ​ക്ക​ൾ ബൈ​ക്കു​മാ​യി വീ​ണു; സംഭവം ഇന്ന് പുലര്‍ച്ചെ…

തൃ​പ്പൂ​ണി​ത്തു​റ: യു​വാ​ക്ക​ൾ സ​ഞ്ച​രി​ച്ച ബൈ​ക്ക് മാ​ർ​ക്ക​റ്റ് റോ​ഡി​ലെ അ​ന്ധ​കാ​ര​ത്തോ​ട്ടി​ൽ പാ​ലം പ​ണി ന​ട​ക്കു​ന്ന ഭാ​ഗ​ത്ത് വീ​ണു.

യാ​തൊ​രു​വി​ധ ബാ​രി​ക്കേ​ഡു​മി​ല്ലാ​തെ പ​ണി ന​ട​ത്തി​യി​രു​ന്ന പാ​ല​ത്തി​ന്‍റെ തെ​ക്കു​ഭാ​ഗ​ത്താ​ണ് യു​വാ​ക്ക​ൾ വീ​ണ​ത്.

എ​രൂ​ർ വ​ട​ക്കേ വൈ​മീ​തി സ്വ​ദേ​ശി​ക​ളാ​യ വാ​ല​ത്ത് മാ​ധ​വ​ന്‍റെ മ​ക​ൻ വി​ഷ്ണു, സു​ഹൃ​ത്ത് ആ​ദ​ർ​ശ് എ​ന്നി​വ​രാ​ണ് ബൈ​ക്കു​മാ​യി തോ​ട്ടി​ൽ വീ​ണ​ത്.

ഇ​ന്ന് പു​ല​ർ​ച്ചെ 2.30 ഓ​ടെ​യാ​യി​രു​ന്നു അ​പ​ക​ടം. പു​തി​യ​കാ​വ് ഭാ​ഗ​ത്തു​നി​ന്നു തൃ​പ്പൂ​ണി​ത്തു​റ​യി​ലേ​ക്ക് വ​രി​ക​യാ​യി​രു​ന്നു ഇ​വ​ർ.

സ​മീ​പ​ത്തെ ക​ട​യി​ൽ ഉ​റ​ങ്ങി​യി​രു​ന്ന​വ​രാ​ണ് ശ​ബ്ദം കേ​ട്ട് അ​പ​ക​ട​സ്ഥ​ല​ത്തേ​യ്ക്ക് എ​ത്തി​യ​ത്.

ഇ​വ​ർ പോ​ലീ​സി​ൽ വി​വ​ര​മ​റി​യി​ച്ച​തി​നെ​തു​ട​ർ​ന്ന് യു​വാ​ക്ക​ളെ ര​ണ്ട് ആം​ബു​ല​ൻ​സു​ക​ളി​ലാ​യി എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഇ​തി​ൽ ആ​ദ​ർ​ശി​ന്‍റെ ന​ട്ടെ​ല്ലി​ന് പ​രു​ക്കു​ണ്ട്. വീ​തി കു​റ​ഞ്ഞ പാ​ല​ത്തി​ന് വീ​തി കൂ​ട്ടാ​നാ​യി പ​ഴ​യ​പാ​ലം പൊ​ളി​ച്ച് പു​തി​യ പാ​ലം മേ​യ് 31 ന​കം തീ​ർ​ക്കു​മെ​ന്നാ​യി​രു​ന്നു പ​റ​ഞ്ഞി​രു​ന്ന​ത്.

എ​ന്നാ​ൽ പ​ണി​ക​ൾ മെ​ല്ലെ​പ്പോ​ക്കാ​യ​തോ​ടെ പാ​ലം പ​ണി നീ​ളു​ക​യാ​യി​രു​ന്നു. ഉ​ദ​യം​പേ​രൂ​ർ, കു​രീ​ക്കാ​ട് ഭാ​ഗ​ത്തു​നി​ന്നു തൃ​പ്പൂ​ണി​ത്തു​റ​യ്ക്ക് വ​രു​ന്ന​വ​ർ പ്ര​ധാ​ന​മാ​യും ആ​ശ്ര​യി​ച്ചി​രു​ന്ന റോ​ഡാ​ണ് മാ​ർ​ക്ക​റ്റ് റോ​ഡ്.

ഇ​ന്ന​ലെ പാ​ല​ത്തി​ന് താ​ഴെ ഭാ​ഗ​ത്ത് കോ​ൺ​ക്രീ​റ്റ് ഇ​ട്ടി​രു​ന്നു. പ​ണി​ക്ക് ശേ​ഷം റോ​ഡി​ൽ ത​ട​സ​ങ്ങ​ൾ വെ​യ്ക്കാ​തി​രു​ന്ന​താ​ണ് യു​വാ​ക്ക​ൾ​ക്ക് വി​ന​യാ​യ​ത്.

സം​ഭ​വ​ത്തി​ന് ശേ​ഷം ഇ​ന്ന് രാ​വി​ലെ ക​രാ​റു​കാ​ർ റോ​ഡി​ൽ ത​ട​സ​ങ്ങ​ൾ വ​ച്ചെ​ങ്കി​ലും രോ​ഷാ​കു​ല​രാ​യ നാ​ട്ടു​കാ​ർ അ​വ എ​ടു​ത്തു​മാ​റ്റി.