‘പ്ര​ശ്നം തീ​ർ​ക്ക​ണം അ​ല്ലെ​ങ്കി​ൽ നാ​റ്റി​ക്കും’..! സെ​യി​ൽ​സ് ഗേ​ൾ​സി​നെ മു​ന്നിൽനി​ർ​ത്തി  “ബ്ലാ​ക്ക് മെ​യി​ലിം​ഗ് ”;  ഇരകൾ വ്യാപാരികൾ ‌; സം​സ്ഥാ​ന​ത്തു​ടനീ​ളം ക​ണ്ണി​കളുമായി തട്ടിപ്പുസംഘം

സ്വ​ന്തം ലേ​ഖ​ക​ൻ

ത​ല​ശേ​രി: കെ​ടു​കാ​ര്യ​സ്ഥ​തകൊ​ണ്ടും സ്വ​ഭാ​വദൂ​ഷ്യംകൊ​ണ്ടും സ്വ​കാ​ര്യ സ്ഥാ​പ​ന​ങ്ങ​ളി​ൽനി​ന്നു പി​രി​ച്ചു വി​ടു​ന്ന വ​നി​താ ജീ​വ​ന​ക്കാ​രി​ക​ളെ ഉ​പ​യോ​ഗി​ച്ച് സ്ഥാപന ഉടമകൾക്കെതിരേ ലൈം​ഗി​കകു​റ്റം ആ​രോ​പി​ച്ച് ബ്ലാ​ക്ക്മെ​യി​ലിം​ഗി​ലൂ​ടെ കോ​ടി​ക​ൾ ത​ട്ടി​യെ​ടു​ക്കു​ന്ന സം​ഘം സം​സ്ഥാ​ന​ത്ത് സ​ജീ​വം.

കോ​ഴി​ക്കോ​ടും മ​ല​പ്പു​റ​ത്തും വ​യ​നാ​ട്ടി​ലും ത​ട്ടി​പ്പ് ന​ട​ത്തി​യ സം​ഘം ക​ണ്ണൂ​ർ ജി​ല്ല​യി​ലും കെ​ണി​യൊ​രു​ക്കി. ക​ണ്ണൂ​ർ ജി​ല്ല​യി​ലെ പ്ര​മു​ഖ സ്വ​കാ​ര്യ സ്ഥാ​പ​ന ഉ​ട​മ​യോ​ട് സം​ഘം ആ​വ​ശ്യ​പ്പെ​ട്ട​ത് ഒ​രു കോ​ടി രൂ​പ.

പ​ണം ആ​വ​ശ്യ​പ്പെ​ട്ടു കൊ​ണ്ടു​ള്ള ഫോ​ൺ സം​ഭാ​ഷ​ണ​ത്തി​ന്‍റെ ശ​ബ്ദ രേ​ഖ​യും പ​ണം ന​ൽ​കി​യി​ല്ലെ​ങ്കി​ൽ സം​സ്ഥാ​ന​ത്തു​ടെ​നീ​ളം പോ​സ്റ്റ​ർ പ​തി​ക്കു​മെ​ന്ന ഭീ​ഷ​ണി​യോ​ടെ അ​യ​ച്ച പോ​സ്റ്റ​റി​ന്‍റെ കോ​പ്പി​യും രാ​ഷ്‌​ട്ര​ദീ​പി​ക​യ്ക്ക് ല​ഭി​ച്ചു.

സ്ഥാ​പ​ന​ങ്ങ​ളി​ൽനി​ന്നു പു​റ​ത്താ​ക്ക​പ്പെ​ടു​ന്ന വ​നി​ത​ക​ളെകൊ​ണ്ട് പീ​ഡ​ന പ​രാ​തി ന​ൽ​കി പ​ണം ത​ട്ടു​ക​യാ​ണ് ഈ ​സം​ഘം ചെ​യ്തു വ​രു​ന്ന​ത്.

ക​ണ്ണൂ​രി​ൽ ത​ട്ടി​പ്പി​നെ​ത്തി​യ സം​ഘം ആ​ദ്യം മൂ​ന്ന് ല​ക്ഷ​വും പി​ന്നീ​ട് പ​ത്ത് ല​ക്ഷ​വും ഒ​ടു​വി​ൽ ഒ​രു കോ​ടി രൂ​പ​യു​മാ​ണ് ആ​വ​ശ്യ​പ്പെ​ട്ട​ത്.

മോ​ഷ​ണ​ക്കേ​സി​ലെ പ്ര​തി ഉ​ൾ​പ്പെ​ടെ​യു​ള്ള​വ​ർ ഈ ​സം​ഘ​ത്തി​ൽ ഉ​ണ്ടെ​ന്നാ​ണ് പോ​ലീ​സ് ന​ൽ​കു​ന്ന സൂ​ച​ന. ലൈം​ഗി​ക പീ​ഡ​ന ആ​രോ​പ​ണം ഉ​യ​രു​ന്ന​ത് ഭ​യ​ന്ന് പ​ല സ്ഥാ​പ​ന ഉ​ട​മ​ക​ളും വ​ൻ തു​ക ഈ ​സം​ഘ​ത്തി​ന് ന​ൽ​കേ​ണ്ടി വ​ന്ന​താ​യും റി​പ്പോ​ർ​ട്ടു​ണ്ട്.

ഏ​തെ​ങ്കി​ലും സ്ഥാ​പ​ന​ത്തി​ൽനി​ന്നു വ​നി​താ ജീ​വ​ന​ക്കാ​രെ പു​റ​ത്താ​ക്കി​യി​ട്ടു​ണ്ടോ എ​ന്ന അ​ന്വേ​ഷി​ച്ച് ക​ണ്ടെ​ത്തി അ​വ​രെ പ്ര​ലോ​ഭ​ന​ങ്ങ​ളി​ൽ വീ​ഴ്ത്തി​യാ​ണ് ത​ട്ടി​പ്പി​ന് മു​ന്നി​ൽ നി​ർ​ത്തു​ന്ന​ത്.

ഭീ​ഷ​ണി​യി​ലൂ​ടെ വ​യ​നാ​ട്ടി​ൽ റി​സോ​ർ​ട്ട് ഉ​ട​മ​യി​ൽനി​ന്ന് 25 ല​ക്ഷം ഈ ​സം​ഘം വാ​ങ്ങി​യ​താ​യു​ള്ള വി​വ​ര​വും പു​റ​ത്തു വ​ന്നി​ട്ടു​ണ്ട്.

ക​ണ്ണൂ​ർ ജി​ല്ല​യി​ൽ ഭീ​ഷ​ണി നേ​രി​ടു​ന്ന വ്യാ​പാ​ര സ്ഥാ​പ​ന ഉ​ട​മ​ക​ൾ നീ​തി തേ​ടി ഉ​ന്ന​ത പോ​ലീ​സ് ഉ​ദ്യാ​ഗ​സ്ഥ​ർ​ക്കും അ​വ​ർ അം​ഗ​മാ​യ വ്യാ​പാ​ര സം​ഘ​ട​നയ്​ക്കും പ​രാ​തി ന​ൽ​കി​യി​രി​ക്കു​ക​യാ​ണ്.

ആ​ദ്യം മാ​ന​സി​ക പീ​ഡ​ന പ​രാ​തി; പി​ന്നെ, പീ​ഡ​ന പ​രാ​തി
ജോ​ലി​യി​ലെ അ​നാ​സ്ഥ​യെ തു​ട​ർ​ന്ന് സ്ഥാ​പ​ന​ത്തി​ൽനിന്ന് പു​റ​ത്താ​ക്കി​യ യു​വ​തി​യെ മു​ൻ നി​ർ​ത്തി​യാ​ണ് ക​ണ്ണൂ​ർ ജി​ല്ല​യി​ൽ ഈ ​സം​ഘം കെ​ണി ഒ​രു​ക്കി​യത്.

സ്ഥാ​പ​ന​ത്തി​ന്‍റെ അ​ന്ത​സി​നെ ചോ​ദ്യം ചെ​യ്യു​ന്ന ത​ര​ത്തി​ലു​ള സം​ഭ​വ​ങ്ങ​ൾ ക​ണ്ടെ​ത്തി​യ​തോ​ടെ​യാ​ണ് യു​വ​തി​യെ സ്ഥാ​പ​ന​ത്തി​ൽനി​ന്നു പു​റ​ത്താ​ക്കി​യ​ത്.

പി​ന്നീ​ടു​ള്ള ദി​വ​സ​ങ്ങ​ളി​ൽ ന​ട​ന്ന​ത് നാ​ട​കീ​യ രം​ഗ​ങ്ങ​ളാ​ണ്. ആ​ദ്യം ജോ​ലി തി​രി​ച്ച് ല​ഭി​ക്ക​ണ​മെ​ന്നാ​വ​ശ്യ​പ്പെ​ട്ടു. ജോ​ലി ന​ഷ്ട​പ്പെ​ട്ട​തി​നെ തു​ട​ർ​ന്നു​ള്ള മാ​ന​സി​ക പീ​ഡ​ന​ത്തി​ന് ന​ഷ്ട​പ​രി​ഹാ​ര​മാ​യി മൂ​ന്ന് ല​ക്ഷ​വു​ം ആ​വ​ശ്യ​പ്പെ​ട്ടു.

ഇ​ത് സം​ബ​ന്ധി​ച്ച് പോ​ലീ​സ് സ്റ്റേ​ഷ​നി​ൽ പ​രാ​തി​യും ന​ൽ​കി. ഈ ​പ​രാ​തി​യി​ൽ പോ​ലീ​സ് അ​ന്വേ​ഷ​ണം ന​ട​ത്തു​ന്ന​തി​നി​ട​യി​ൽ ലൈം​ഗി​ക പീ​ഡ​ന പ​രാ​തി​യു​മാ​യി യു​വ​തി വീ​ണ്ടും എ​ത്തു​ക​യാ​യി​രു​ന്നു.

ലൈം​ഗി​ക പ​രാ​തി പി​ൻ​വ​ലി​ക്കാ​ൻ ആ​ദ്യം ആ​വ​ശ്യ​പ്പെ​ട്ട​ത് പ​ത്ത് ല​ക്ഷം രൂ​പ​യാ​യി​രു​ന്നു.ര​ണ്ട് ദി​വ​സം പി​ന്നി​ട്ട​പ്പോ​ൾ ആ​വ​ശ്യ​പ്പെ​ട്ട​ത് അ​ര​ക്കോ​ടി. പി​ന്നെ​യ​ത് ഒ​രു കോ​ടി രൂ​പ​യാ​യി.

പ്ര​ശ്നം തീ​ർ​ക്കാം എ​ന്ന വാ​ഗ്ദാ​ന​വു​മാ​യി മ​ധ്യ​സ്ഥ​രു​ടേ​താ​യ നി​ര​വ​ധി ഫോ​ൺ കോ​ളു​ക​ളാ​ണ് ഉ​ട​മ​ക​ൾ​ക്ക് ല​ഭി​ച്ചി​ട്ടു​ള്ള​ത്. ‘പ്ര​ശ്നം തീ​ർ​ക്ക​ണം അ​ല്ലെ​ങ്കി​ൽ നാ​റ്റി​ക്കും’ ഇ​താ​യി​രു​ന്നു മു​ന്ന​റി​യി​പ്പ്.

ഉ​ട​മ​ക​ൾ വീ​ഴു​ന്നി​ല്ലെ​ന്ന തോ​ന്ന​ലി​ൽ ഇ​ന്ന​ലെ രാ​ത്രി​യി​ലാ​ണ് സം​സ്ഥാ​ന​ത്തു​ടനീ​ളം പോ​സ്റ്റ​ർ പ​തി​ക്കു​മെ​ന്ന ഭീ​ഷ​ണി​യോ​ടെ പോ​സ്റ്റ​റി​ന്‍റെ കോ​പ്പി​യും ഉ​ട​മ​യു​ടെ വാ​ട്സാ​പ്പി​ൽ എ​ത്തി​യ​ത്.

സം​ഭ​വ​ത്തി​ൽ യു​വ​തി ആ​ദ്യം ന​ൽ​കി​യ പ​രാ​തി​യു​ടെ കോ​പ്പി​യും രാ​ഷ്‌​ട്ര​ദീ​പി​ക​യ്ക്ക് ല​ഭി​ച്ചി​ട്ടു​ണ്ട്. ആ​ദ്യ പ​രാ​തി സ്റ്റേ​ഷ​നി​ൽ ത​ല​ത്തി​ൽ ന​ൽ​കി​യ​പ്പോ​ൾ ര​ണ്ടാ​മ​ത്തെ പീ​ഡ​ന പ​രാ​തി സ്റ്റേ​ഷ​നി​ലും മ​റ്റ് ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ർ​ക്കും ന​ൽ​കി.

പോ​ലീ​സി​ന്‍റെ പ്രാ​ഥ​മി​കാ​ന്വേ​ഷ​ണ​ത്തി​ൽ ത​ന്നെ യു​വ​തി​യു​ടെ നീ​ക്ക​ത്തി​ൽ ദു​രൂ​ഹ​ത ക​ണ്ടെ​ത്തി​യി​രു​ന്നു. യു​വ​തി​യെ സ​ഹാ​യി​ക്കാ​നെ​ന്ന പേ​രി​ൽ മോ​ഷ​ണ​ക്കേ​സി​ലെ പ്ര​തി​യും ഭാ​ര്യ​യും പോ​ലീ​സ് സ്റ്റേ​ഷ​നി​ൽ എ​ത്തി​യ​തോ​ടെ​യാ​ണ് ജോ​ലി ന​ഷ്ട​പ്പെ​ട്ട​തി​ലു​ള്ള സ​ങ്ക​ടം മാ​റി പീ​ഡ​ന ക​ഥ​ക​ൾ വ​ന്ന​തെ​ന്നാ​ണ് ഇ​പ്പോ​ൾ പു​റ​ത്തു വ​രു​ന്ന റി​പ്പോ​ർ​ട്ട്.