നഗ്ന​നാ​യ മു​ഖംമൂ​ടി​ രാത്രി വാ​തി​ലി​ൽ മുട്ടും; കതക് തുറന്നുവരുന്നവരെ പേടിപ്പിച്ചിട്ട് ഓടിമറയും; ക​ണ്ണൂ​രി​ലെ ഗ്രാ​മ​ങ്ങ​ൾ “ബ്ലാ​ക്ക്മാ​ൻ” ഭീ​തി​യി​ൽ

ചെ​റു​പു​ഴ: ഒ​രു നാ​ടി​നെ മു​ഴു​വ​ൻ ഭീ​തി​യി​ലാ​ക്കി ബ്ലാ​ക്ക്മാ​ന്‍റെ ശ​ല്യം തു​ട​രു​ന്നു. തേ​ർ​ത്ത​ല്ലി കോ​ടോ​പ്പ​ള്ളി​യി​ലാ​ണ് രാ​ത്രി​സ​ഞ്ചാ​രി​യാ​യ ന​ഗ്ന​നാ​യ മു​ഖംമൂ​ടി​യെ ആ​ദ്യം ക​ണ്ട​ത്.’

പ്രാ​പ്പോ​യി​ൽ ഭാ​ഗ​ത്ത് തു​ട​ർ​ച്ച​യാ​യ മൂ​ന്നാം ദി​വ​സ​വും ബ്ലാ​ക്ക്മാ​നെ​ത്തി​. രാത്രിയിൽ വാ​തി​ലി​ലും ജ​ന​ലു​ക​ളി​ലും ത​ട്ടി ശ​ബ്ദ​മു​ണ്ടാ​ക്കി​യശേ​ഷം ക​ട​ന്നു​ക​ള​യു​ന്നതാണ് രീതി. ആളുകൾ പുറത്തിറങ്ങി നോക്കിയായൽ ആരെയും കാണില്ല.

ര​യ​രോം, മൂ​ന്നാം​കു​ന്ന്, പെ​രു​വ​ട്ടം, എ​യ്യ​ൻ​ക​ല്ല്, തി​രു​മേ​നി, കോ​ക്ക​ട​വ്, മു​ള​പ്ര, പാ​റോ​ത്തും​നീ​ർ, ക​ന്നി​ക്ക​ളം, കോ​ലു​വ​ള്ളി എ​ന്നി​വി​ട​ങ്ങ​ളി​ലെ​ല്ലാം ബ്ലാ​ക്ക്മാ​നെ​ത്തി.

പ്രാ​പ്പൊ​യി​ൽ ഭാ​ഗ​ത്ത് യു​വാ​ക്ക​ളു​ടെ നേ​തൃ​ത്വ​ത്തി​ൽ മൂ​ന്നു​ദി​വ​സം തു​ട​ർ​ച്ച​യാ​യി കാ​വ​ലും തെര​ച്ചി​ലും ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. സം​ശ​യം തോ​ന്നു​ന്ന വാ​ഹ​ന​ങ്ങ​ൾ പ​രി​ശോ​ധി​ച്ച​ശേ​ഷ​മാ​ണ് ക​ട​ത്തി​വി​ട്ട​ത്.

പലയിടത്തും അവ്യക്തമായി ബ്ലാ​ക്ക്മാ​നെ കാ​ണാ​ൻ കഴിഞ്ഞെങ്കിലും കാ​മ​റ​യി​ൽ ഇതുവരെ പ​തി​ഞ്ഞിട്ടില്ല. പോ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തിയെ​ങ്കി​ലും സംശയകരമായി ആ​രെ​യും ക​ണ്ടെ​ത്താ​നായില്ല.

പ്രാ​പ്പോ​യി​ലി​ലെ ഒ​രു വീ​ടി​ന്‍റെ ഭാ​ഗ​ത്തുനി​ന്നു ര​ണ്ടു ദി​വ​സം മു​ൻ​പ് അ​ടി​വ​സ്ത്രം മാ​ത്ര​മി​ട്ട ഒ​രു രൂ​പം ഓ​ടി മ​റ​യു​ന്ന​ത് ക​ണ്ട​താ​യി വീ​ട്ടു​കാ​ർ പ​റ​ഞ്ഞു.

ബ്ലാ​ക്ക്മാ​ൻ ഒ​രാ​ൾ മാ​ത്ര​മ​ല്ല ഒ​രു സം​ഘംത​ന്നെ​യാ​ണെ​ന്നാ​ണ് വി​ല​യി​രു​ത്ത​ൽ. ഒ​രേസ​മ​യം പ​ല​യി​ട​ങ്ങ​ളി​ൽ ബ്ല​ാക്ക് മാ​ൻ പ്ര​ത്യ​ക്ഷ​പ്പെ​ടു​ന്നു.

ബ്ലാ​ക്ക്മാ​ൻ ശ​ല്യം തു​ട​രു​മ്പോ​ൾ സ്ത്രീ​ക​ളും കു​ട്ടി​ക​ളു​മൊ​ക്കെ രാ​ത്രി​യാ​കു​ന്ന​തോ​ടെ ഏ​റെ ഭ​യ​ത്തോ​ടെ​യാ​ണ് വീ​ടു​ക​ളി​ൽ ക​ഴി​യു​ന്ന​ത്.

നാട്ടിൽ‌ ഭീ​തി വി​ത​യ്ക്കു​ന്ന ബ്ലാ​ക്ക്മാ​നെ പി​ടി​കൂ​ടു​വാ​ൻ ശ​ക്ത​മാ​യ ന​ട​പ​ടി​ക​ൾ അ​ധി​കൃ​ത​രു​ടെ ഭാ​ഗ​ത്തു നി​ന്നു​മു​ണ്ടാ​ക​ണ​മെ​ന്നു നാട്ടുകാർ ആ​വ​ശ്യപ്പെട്ടു.