ബ്ലാ​സ്റ്റേ​ഴ്സ് ജ​യി​ക്കാ​മാ​യി​രു​ന്നി​ട്ടും ജ​യി​ച്ചി​ല്ല; ബം​ഗ​ളൂ​രു തോ​ൽ​ക്കു​മാ​യി​രു​ന്നി​ട്ടും തോ​റ്റി​ല്ല

ബം​ഗ​ളൂ​രു: ക​ളി​ക്കു​ക ഗോ​ള​ടി​ക്കു​ക പി​ന്നാ​ലെ ഗോ​ൾ തി​രി​കെ മേ​ടി​ച്ച് സ​മ​നി​ല​യോ തോ​ൽ​വി​യോ ചോ​ദി​ച്ചു​വാ​ങ്ങു​ക. ആ​ശാ​നെ മാ​റ്റി നി​യ​മി​ച്ചി​ട്ടും ബ്ലാ​സ്റ്റേ​ഴ്സി​ൽ കാ​ര്യ​ങ്ങ​ളെ​ല്ലാം പ​ഴ​യ​പ​ടി. ബം​ഗ​ളൂ​രു​വി​നെ അ​വ​രു​ടെ മ​ട‍​യി​ൽ ര​ണ്ടു ഗോ​ളി​ന്‍റെ ലീ​ഡ് എ​ടു​ത്ത ശേ​ഷം കേ​ര​ള ബ്ലാ​സ്റ്റേ​ഴ്സ് സ​മ​നി​ല വ​ഴ​ങ്ങി.

ആ​ദ്യ പ​കു​തി​യി​ലെ സു​ന്ദ​ര​ൻ ക​ളി​യി​ലൂ​ടെ ആ​രാ​ധ​ക മ​നം​ക​വ​ർ​ന്ന മ​ഞ്ഞ​പ്പ​ട ര​ണ്ടാം പ​കു​തി​യി​ലെ അ​മി​ത പ്ര​തി​രോ​ധ​ത്തി​ൽ സ്വ​യം കു​ഴി​തോ​ണ്ടി അ​തി​ലൊ​ടു​ങ്ങി. സ്ലാ​വി​സ സ്റ്റൊ​വാ​നോ​വി​ച്ച്, ക​റേ​ജ് പെ​ക്കൂ​സ​ൺ എ​ന്നി​വ​രു​ടെ ഗോ​ളി​ൽ ബ്ലാ​സ്റ്റേ​ഴ്സ് മു​ന്നി​ലെ​ത്തി​യ​പ്പോ​ൾ ഉ​ദാ​ന്ത സിം​ഗ് നാ​യ​ക​ൻ സു​നി​ൽ ഛേത്രി ​എ​ന്നി​വ​രു​ടെ ഗോ​ളി​ലാ​ണ് ബം​ഗ​ളൂ​രു സ​മ​നി​ല പി​ടി​ച്ച​ത്.

ബം​ഗ​ളൂ​രു​വി​നെ​തി​രെ ഇ​തു​വ​രെ ക​ണ്ട ബ്ലാ​സ്റ്റേ​ഴ്സാ​യി​രു​ന്നി​ല്ല ക​ള​ത്തി​ൽ. ലീ​ഗി​ലെ ന​മ്പ​ർ​വ​ൺ ടീ​മി​നൊ​പ്പ​ത്തി​നൊ​പ്പ​മോ ഒ​രു പ​വ​ൻ‌ തൂ​ക്കം മു​ന്നി​ലോ ആ​യി​രു​ന്നു കൊ​മ്പ​ൻ​മാ​ർ. മ​ധ്യ​നി​ര​യി​ൽ കി​സീ​ത്തോ​യും പെ​ക്കൂ​സ​ണും നി​റ​ഞ്ഞു ക​ളി​ച്ച​തോ​ടെ ക​ളി ബ്ലാ​സ്റ്റേ​ഴ്സി​ന്‍റെ വ​രു​തി​യി​ലാ​യി. ഇ​തി​നു​ള്ള ഫ​ലം 16 ാം മി​നി​റ്റി​ൽ ല​ഭി​ച്ചു. മ​നോ​ഹ​ര​മാ​യോ​രു പ്ര​ത്യാ​ക്ര​മ​ണ​ത്തി​ൽ കേ​ര​ള​ത്തി​ന്‍റെ ആ​ദ്യ ഗോ​ൾ പി​റ​ന്നു.

ബോ​ക്സി​ലേ​ക്ക് ഓ​ടി​ക്ക​യ​റി​യ റാ​ക്കി​പ് ലൈ​നി​ൽ​നി​ന്ന് ബോ​ക്സി​ന്‍റെ മ​ധ്യ​ത്തി​ലേ​ക്ക് പ​ന്ത് മ​റി​ച്ചു. പ​ന്ത് ക്ലി​യ​ർ ചെ​യ്യാ​ൻ ശ്ര​മി​ച്ച കീ​ൻ ലൂ​യി​സി​നു പി​ഴ​ച്ചു. കൈ​യി​ൽ പ​ന്ത് ത​ട്ടി​യ​തി​നു പെ​നാ​ൽ​റ്റി സ്പോ​ട്ടി​ലേ​ക്ക് വി​ര​ൽ ചൂ​ണ്ടി റെ​ഫ​റി​യു​ടെ വി​സി​ൽ. പെ​നാ​ൽ​റ്റി എ​ടു​ത്ത സ്ലാ​വി​സ​യ്ക്കു പി​ഴ​ച്ചി​ല്ല. ഗു​ർ​പ്രീ​തി​നെ മ​റി​ക​ട​ന്ന് പ​ന്ത് വ​ല​യി​ൽ. വ​ള​രെ നാ​ളു​ക​ൾ​ക്കു ശേ​ഷം ബ്ലാ​സ്റ്റേ​ഴ്സ് ആ​രാ​ധ​ക​ർ ആ​ന​ന്ദ നൃ​ത്തം ച​വി​ട്ടി. ഒ​രു ഗോ​ൾ വീ​ണ​തോ​ടെ പ​ത​റി​യ ബം​ഗ​ളൂ​രു പ​രു​ക്ക​ൻ ക​ളി പു​റ​ത്തെ​ടു​ത്തു. അ​നാ​വ​ശ്യ ഫൗ​ളു​ക​ൾ​ക്ക് കാ​ർ​ഡ് വാ​ങ്ങി​ക്കൂ​ട്ടി.

എ​ന്നാ​ൽ കേ​ര​ളം അ​വി​ടെ​യും നി​ർ​ത്താ​ൻ ഭാ​വ​മു​ണ്ടാ​യി​രു​ന്നി​ല്ല. വീ​ണ്ടു​മൊ​രു അ​തി​വേ​ഗ കൗ​ണ്ട​ർ അ​റ്റാ​ക്കി​ലൂ​ടെ ബം​ഗ​ളൂ​രു​വി​നെ ഞെ​ട്ടി​ച്ചു. സ​ഹ​ൽ അ​ബ്ദു​ൾ സ​മ​ദി​ന്‍റെ ബു​ദ്ധി​യി​ൽ വി​രി​ഞ്ഞ​താ​യി​രു​ന്നു ര​ണ്ടാം ഗോ​ൾ. സ​ഹ​ൽ മ​ധ്യ​നി​ര​യി​ൽ​നി​ന്നും നീ​ട്ടി​യ ത്രൂ​ബോ​ൾ ഓ​ടി​പ്പി​ടി​ച്ച് ബോ​ക്സി​ലേ​ക്ക് ക​ട​ന്ന ലെ​ൻ ഡും​ഗ​ൽ ഗോ​ളി​ലേ​ക്ക് ല​ക്ഷ്യം വ​യ്ക്കാ​തെ പ​ന്ത് പി​ന്നി​ലേ​ക്ക് ക​ട്ട് ചെ​യ്തു.

ബോ​ക്സി​നു വെ​ളി​യി​ൽ ത​ളി​ക​യി​ലെ​ന്ന​വ​ണ്ണം ല​ഭി​ച്ച പ​ന്തി​നെ പെ​ക്കൂ​സ​ൺ അ​തി​ലും മ​നോ​ഹ​ര​മാ​യ ഷോ​ട്ടി​ലൂ​ടെ ബം​ഗ​ളൂ​രു​വി​ന്‍റെ വ​ല​യി​ലേ​ക്ക് അ​ടി​ച്ചു​ക​യ​റ്റി. ഇ​താ പു​തി​യൊ​രു ബ്ലാ​സ്റ്റേ​ഴ്സ് ഉ​യ​ർ​ത്തി​രി​ക്കു​ന്നു. എ​തി​രാ​ളി​ക​ളെ കൊ​ണ്ടു​പോ​ലും എ​ണീ​റ്റു​നി​ന്നു കൈ​യ​ടി​പ്പി​ക്കു​ന്ന കി​ടി​ല​ൻ ഗോ​ൾ. ബ്ലാ​സ്റ്റേ​ഴ്സ്, പു​ലി​ക​ളെ അ​വ​രു​ടെ മ​ട​യി​ൽ ക​യ​റി അ​ടി​ച്ചി​ടു​ന്ന​തി​ന്‍റെ സു​ന്ദ​ര ദൃ​ശ്യം ക​ണ്ട് ഒ​ന്നാം പ​കു​തി അ​വ​സാ​നി​ച്ചു.

ര​ണ്ടാം പ​കു​തി​യി​ൽ ബ്ലാ​സ്റ്റേ​ഴ്സ് പ​ഴ​യ ദു​ർ​ഭൂ​ത​വു​മാ​യാ​ണ് മ​ട​ങ്ങി​യെ​ത്തി​യ​ത്. ര​ണ്ടു ഗോ​ളി​ൽ തൂ​ങ്ങി ജ​യി​ക്കാ​ൻ അ​മി​ത പ്ര​തി​രോ​ധ​ത്തി​ലേ​ക്ക് വ​ലി​ഞ്ഞു. മ​ധ്യ​നി​ര​യി​ൽ ക​ളി മെ​ന​ഞ്ഞ കി​സീ​ത്തോ​യെ മാ​റ്റി സി​റി​ൾ കാ​ലി​യെ പ്ര​തി​രോ​ധ​ത്തി​ലെ​ത്തി​ച്ചു. വേ​ഗ നീ​ക്ക​ങ്ങ​ൾ ന​ട​ത്തി​യ പെ​ക്കൂ​സ​ണെ പി​ൻ​വ​ലി​ച്ച് ക്രി​ച്ച് ക​ര​മേ​വി​ച്ചി​നെ​യും കൊ​ണ്ടു​വ​ന്നു. ഇ​തോ​ടെ ബം​ഗ​ളൂ​രു ആ​ക്ര​മി​ച്ചു ക​യ​റി.

68 മി​നി​റ്റി​ൽ ഉ​ദാ​ന്ത സിം​ഗി​ലൂ​ടെ കേ​ര​ള​ത്തി​നു ആ​ദ്യ പ്ര​ഹ​ര​വും അ​വ​ർ ഏ​ൽ​പ്പി​ച്ചു. എ​റി​ക് പാ​ർ​ത്താ​ലു​വി​ന്‍റെ ലോം​ഗ് ഹൈ​ബോ​ൾ കേ​ര​ള ബോ​ക്സി​നു​ള്ളി​ൽ പി​ടി​ച്ചെ​ടു​ത്ത ഛേത്രി ​ഉ​യ​ർ​ത്തി ത​ന്നെ ഉ​ദാ​ന്ത​യ്ക്കു മ​റി​ച്ചു. ബോ​ക്സി​ലേ​ക്ക് പ​റ​ന്നെ​ത്തി​യ ഉ​ദാ​ന്ത​യു​ടെ ഹെ​ഡ്ഡ​ർ ധീ​ര​ജ് സിം​ഗി​നെ പ​രാ​ജ​യ​പ്പെ​ടു​ത്തി.

ഒ​രു ഗോ​ൾ തി​രി​കെ​ക്കി​ട്ടി​യി​ട്ടും ബ്ലാ​സ്റ്റേ​ഴ്സ് പ്ര​തി​രോ​ധ​ക്ക​ളി ഉ​പേ​ക്ഷി​ച്ചി​ല്ല. അ​വ​സാ​ന നി​മി​ഷ​ങ്ങ​ളി​ൽ ഗോ​ളി​ലേ​ക്ക് ഇ​ര​ച്ചു​ക​യ​റി​യ ബം​ഗ​ളൂ​രു​വി​നെ ത​ട​യു​ന്ന​തി​ൽ ഒ​രു ത​വ​ണ കൂ​ടി ബ്ലാ​സ്റ്റേ​ഴ്സ് പ​രാ​ജ​യ​പ്പെ​ട്ടു. ഉ​ദാ​ന്ത സിം​ഗ് ബോ​ക്സി​ന്‍റെ വ​ലു​തു​ഭാ​ഗ​ത്തു​നി​ന്നും മ​ധ്യ​ത്തി​ലേ​ക്ക് ന​ൽ​കി​യ ക്രോ​സി​നു ഇ​ത്ത​വ​ണ ത​ല​വ​ച്ച​ത് നാ​യ​ക​ൻ ഛേത്രി. ​ഒ​രു പി​ഴ​വും കൂ​ടാ​തെ പ​ന്ത് ബ്ലാ​സ്റ്റേ​ഴ്സ് ആ​രാ​ധ​ക​രു​ടെ നെ​ഞ്ചി​ൽ ത​റ​ച്ചു. ലീ​ഗി​ൽ​നി​ന്നും പു​റ​ത്തു​പോ​കേ​ണ്ടി​വ​ന്ന​തി​ന്‍റെ സ​ങ്ക​ടം ഒ​റ്റ​മ​ത്സ​രം കൊ​ണ്ടു മാ​യി​ച്ചു​ക​ള​യാ​ൻ ആ​കു​മാ​യി​രു​ന്നി​ട്ടും ബ്ലാ​സ്റ്റേ​ഴ്സ് വീ​ണ്ടും നി​രാ​ശ​പ്പെ​ടു​ത്തി.‌