ആയിരം കോടി ബജറ്റിൽ എംടിയുടെ ഭീമനായി മോഹൻലാൽ എത്തുകയാണ്. സിനിമ പ്രഖ്യാപിച്ചപ്പോൾ മുതൽ ഭീമന്‍റെ വേഷത്തിൽ മോഹൻലാൽ എങ്ങനെയായിരിക്കുമെന്ന ആകാംക്ഷയിലാണ് ഇന്ത്യൻ സിനിമാലോകം. ഇന്ത്യയിലെ ഏറ്റവും വലിയ സിനിമയായി രണ്ടാമൂഴം വരുന്പോൾ ഭീമനാകുന്നതിന്‍റെ ത്രില്ലിലാണ് മലയാളത്തിന്‍റെ മഹാനടൻ. ഭീമനെക്കുറിച്ചുള്ള സങ്കൽപങ്ങൾ ബ്ലോഗിലൂടെ പങ്കുവയ്ക്കുകയാണ് താരം.
ഭീമൻ കുട്ടിക്കാലം മുതൽ തന്‍റെ കഥകളിൽ നിറഞ്ഞുനിന്നിരുന്നു. ഭീമനെന്നാൽ വലിയ ശരീരമായിരുന്നു. എന്നാൽ എംടിയുടെ രണ്ടാമൂഴം വായിച്ചതിനു ശേഷമാണ് പെരുത്ത ശരീരത്തിനപ്പുറം ഭീമന് നനുത്ത ഒരു മനസുണ്ടെന്ന് ലോകത്തിനു മനസിലായതെന്നും മോഹൻലാൽ പറയുന്നു.
എംടിയുടെ ഭീമൻ ഒരേസമയം മനസും ശരീരവുമാണ്. പല യുദ്ധമുറകളും അഭ്യസിക്കേണ്ടതായുണ്ട്. അതാത് ആയോധനകലകളിലെ ഗുരുക്ക·ാരുടെ കീഴിൽ ഇവയെല്ലാം അഭ്യസിക്കേണ്ടിവരും. അതിനാൽ അടുത്ത ഒന്നോ ഒന്നരയോ വർഷം ഇതിനായി മാറിനില്ക്കേണ്ടിവരും. ഇതെല്ലാം മഹത്തായ സ്വപ്നത്തിന്‍റെ സാക്ഷാത്കാരം ആവശ്യപ്പെടുന്ന ത്യാഗങ്ങളാണെന്നും മോഹൻലാൽ പറയുന്നു.
രണ്ടാമൂഴം സംഭവിക്കുമോ ഇല്ലയോ എന്ന ആശങ്കകൾ പങ്കുവയ്ക്കുന്ന ഒരുപാട് പേരുണ്ട്. സംഭവിച്ചാലും ഇല്ലെങ്കിലും ഒരു വലിയ സ്വപ്നത്തിന്‍റെ ഭാഗമായി സഞ്ചരിക്കുന്നതുതന്നെ ആനന്ദകരമാണെന്നും ആ യാത്രയിൽ തന്നോടൊപ്പം എപ്പോഴും ഭീമനുമുണ്ടെന്നും മോഹൻലാൽ പറയുന്നു.
മോഹൻലാലിന്റെ ബ്ലോഗ് വായിക്കാം:
