കൊല്ലം: ഇരവിപുരം കാക്കത്തോപ്പിൽ കാറിൽ എത്തിയ നാലംഗ സംഘം യുവാവിനെ വെട്ടിപ്പരിക്കേൽപ്പിച്ചു. ഇരവിപുരം സ്വദേശിയായ ലിബിനെ(24)യാണ് വെട്ടിയത്. കഴിഞ്ഞ രാത്രിയാണ് സംഭവം. ഉത്സവപരിപാടികൾ കണ്ടശേഷം കൂട്ടുകാരൊടൊപ്പം വരുന്നതിനിടെയാണ് യുവാവിന് നേരെ ആക്രമണമുണ്ടായത്.
തലയ്ക്ക് വെട്ടേറ്റ ഇയാളെ കൊല്ലം ജില്ലാ ആശുപത്രിയിൽ പ്രവേശിപ്പിച്ചു. ഇരവിപുരം പോലീസ് കേസെടുത്തു. ആക്രമണത്തിന്റെ കാരണം അറിവായിട്ടില്ല.
