കോട്ടയം: ലോക് ഡൗണ്‍ കാലത്ത് രക്തത്തിന്‍റെ ലഭ്യത ഉറപ്പാക്കുന്നതിനായി ജനമൈത്രി പോലീസിന്‍റെ നേതൃത്വത്തിൽ സന്നദ്ധ രക്തദാന പരിപാടിക്ക് തുടക്കം കുറിച്ചു.
കോട്ടയം മെഡിക്കൽ കോളജിൽ ജില്ലാ പോലീസ് ചീഫ് ജി. ജയദേവ് രക്തദാനം നടത്തി ഉദ്ഘാടനം ചെയ്തു. പാലാ ബ്ലഡ് ഫോറം അംഗങ്ങളും രക്തം ദാനം ചെയ്തു.
ആരോഗ്യ കേരളം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, മെഡിക്കൽ കോളേജ് ആർഎംഒ ഡോ. ആർ.പി. രഞ്ജിൻ, ജില്ലാ മാസ് മീഡിയ ഓഫീസർ ഡോമി ജോണ്, ജനമൈത്രി ജില്ലാ നോഡൽ ഓഫീസർ ഡിവൈഎസ്പി വിനോദ് പിള്ള, അസിസ്റ്റന്‍റ് നോഡൽ ഓഫീസർ എൻ.വി. സരസൻ, പാലാ ബ്ലഡ് ഫോറം ജനറൽ കണ്‍വീനർ ഷിബു തെക്കേമറ്റം, ഡോ. രാജേഷ് പവിത്രൻ, ബ്ലഡ് ബാങ്ക് മെഡിക്കൽ ഓഫീസർ ഡോ. ചിത്ര ജെയിംസ് തുടങ്ങിയവർ സന്നിഹിതരായി.
ജില്ലയിലെ എല്ലാ രക്തബാങ്കുകളിലും ജനമൈത്രി പോലീസിന്‍റെ നേതൃത്വത്തിൽ വിവിധ സംഘടനകളുമായി ചേർന്ന് രക്തദാന ക്യാന്പുകൾ സംഘടിപ്പിക്കുന്നുണ്ട്. 9447043388
