ബ്ലൂ ​ഗ്രീ​ൻ ആ​ൽ​ഗ; ഛര്‍​ദി, ഓ​ക്കാ​നം, പേ​ശി​ക​ള്‍​ക്ക് ബ​ലം കു​റ​യു​ക തുടങ്ങി‍യ രോഗങ്ങൾക്ക് ആ​ൽ​ഗ കാരണമാകുന്നു; ക​ണ്ടി​ല്ലെ​ന്നു ന​ടി​ച്ച് ആ​രോ​ഗ്യ​വ​കു​പ്പും ജി​ല്ലാ ഭ​ര​ണ​കൂ​ട​വും.

മു​ക്കം: ജി​ല്ല​യി​ലെ പു​ഴ​ക​ളി​ൽ ബ്ലൂ ​ഗ്രീ​ൻ ആ​ൽ​ഗ പ​ട​രു​മ്പോ​ഴും ക​ണ്ടി​ല്ലെ​ന്നു ന​ടി​ച്ച് ആ​രോ​ഗ്യ​വ​കു​പ്പും ജി​ല്ലാ ഭ​ര​ണ​കൂ​ട​വും. ജി​ല്ല​യി​ൽ ക​ടു​ത്ത ജ​ല​ക്ഷാ​മ​വും വ​ര​ൾ​ച്ച​യും അ​നു​ഭ​വ​പ്പെ​ടു​ന്ന​തി​നി​ട​യി​ൽ പു​ഴ​ക​ളി​ൽ ബ്ലൂ ​ഗ്രീ​ൻ ആ​ൽ​ഗ​ക​ൾ നി​റ​യു​ന്ന​ത് ജ​ന​ങ്ങ​ളി​ൽ ആ​ശ​ങ്ക പ​ട​ർ​ത്തി​യി​ട്ടും ഉ​ത്ത​ര​വാ​ദി​ത്ത​പ്പെ​ട്ട​വ​ർ ഇ​തു​വ​രെ യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.

ചാ​ലി​യാ​ർ പു​ഴ​യി​ൽ ബ്ലൂ ​ഗ്രീ​ൻ ആ​ൽ​ഗ​യു​ടെ സാ​ന്നി​ധ്യം ക​ണ്ടെ​ത്തി​യ ഉ​ട​ൻ ത​ന്നെ മ​ല​പ്പു​റം ജി​ല്ലാ ഭ​ര​ണ​കൂ​ട​വും ആ​രോ​ഗ്യ​വ​കു​പ്പും ദ്രു​ത​ഗ​തി​യി​ൽ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ക​യും പു​ഴ​യെ ആ​ശ്ര​യി​ച്ച് ക​ഴി​യു​ന്ന ജ​ന​ങ്ങ​ൾ​ക്ക് മ​റ്റു വ​ഴി​ക​ളി​ലൂ​ടെ ജ​ല വി​ത​ര​ണം ന​ട​ത്തു​ക​യും ചെ​യ്തി​രു​ന്നു.

എ​ന്നാ​ൽ കോ​ഴി​ക്കോ​ട് ജി​ല്ല​യി​ലെ ഇ​രു​വ​ഴി​ഞ്ഞി​പ്പു​ഴ​യി​ല​ട​ക്കം ബ്ലൂ ​ഗ്രീ​ൻ ആ​ൽ​ഗ​യു​ടെ സാ​ന്നി​ധ്യം ക​ണ്ടെ​ത്തി​യി​ട്ടും ജി​ല്ലാ ഭ​ര​ണ​കൂ​ട​ത്തി​നോ ആ​രോ​ഗ്യ​വ​കു​പ്പി​നോ മി​ണ്ടാ​ട്ട​മി​ല്ല. ഇ​രു​വ​ഴി​ഞ്ഞി​പ്പു​ഴ​യി​ലെ ആ​ൽ​ഗ​യു​ടെ സാ​ന്നി​ധ്യം സ്ഥി​രീ​ക​രി​ക്കാ​ൻ കാ​ര​ശ്ശേ​രി ഗ്രാ​മ​പ​ഞ്ചാ​യ​ത്ത് നേ​രി​ട്ട് ഇ​ട​പെ​ട്ട​തി​നെ തു​ട​ർ​ന്നാ​ണ് കോ​ഴി​ക്കോ​ട് സി​ഡ​ബ്ല്യു​ആ​ർ​ഡി​എ​മ്മി​ലെ ശാ​സ്ത്ര​ജ്ഞ​ർ സ്ഥ​ല​ത്തെ​ത്തി പു​ഴ​യി​ലെ ജ​ലം പ​രി​ശോ​ധി​ച്ച​ത്.

ചാ​ലി​യാ​റി​ൽ ആ​ൽ​ഗ​യു​ടെ സാ​ന്നി​ധ്യം ക​ണ്ടെ​ത്തി​യ​തി​നെ തു​ട​ർ​ന്ന് പു​ഴ​യു​ടെ തീ​ര​ത്തു​ള്ള കു​ടി​വെ​ള്ള പ​ദ്ധ​തി​ക​ളും ജ​ല​സേ​ച​ന പ​ദ്ധ​തി​ക​ളും മ​ല​പ്പു​റം ജി​ല്ലാ ഭ​ര​ണ​കൂ​ട​വും ആ​രോ​ഗ്യ​വ​കു​പ്പും ഇ​ട​പെ​ട്ട് നി​ർ​ത്തി വെ​പ്പി​ച്ചി​രു​ന്നു. ഇ​തു മൂ​ലം ബു​ദ്ധി​മു​ട്ടി​ലാ​യ ജ​ന​ങ്ങ​ൾ​ക്ക് വെ​ള്ള​മെ​ത്തി​ക്കാ​നു​ള്ള സം​വി​ധാ​ന​വും അ​വ​ർ ഒ​രു​ക്കി​യി​രു​ന്നു.

എ​ന്നാ​ൽ ഇ​രു​വ​ഴി​ഞ്ഞി​പ്പു​ഴ​യി​ൽ അ​ട​ക്കം അ​വ​യു​ടെ സാ​ന്നി​ധ്യം ക​ണ്ടെ​ത്തി ദി​വ​സ​ങ്ങ​ൾ പി​ന്നി​ട്ടി​ട്ടും പു​ഴ​യു​മാ​യി ബ​ന്ധ​പ്പെ​ട്ട കു​ടി​വെ​ള്ള പ​ദ്ധ​തി​ക​ളോ ജ​ല​സേ​ച​ന പ​ദ്ധ​തി​ക​ളോ നി​ർ​ത്തി​വ​യ്ക്കാ​നോ ജ​ന​ങ്ങ​ൾ​ക്ക് ആ​വ​ശ്യ​മാ​യ ബോ​ധ​വ​ൽ​ക്ക​ര​ണ​ങ്ങ​ൾ ന​ൽ​കാ​നോ ഇ​തു​വ​രെ അ​ധി​കൃ​ത​ർ ത​യ്യാ​റാ​യി​ട്ടി​ല്ല.

ബ്ലൂ ​ഗ്രീ​ൻ ആ​ൽ​ഗ​യു​ടെ സാ​ന്നി​ധ്യം വ്യാ​പ​ക​മാ​യി ക​ണ്ടെ​ത്തി​യ മു​ക്കം ന​ഗ​ര​സ​ഭ, കാ​ര​ശ്ശേ​രി, കൊ​ടി​യ​ത്തൂ​ർ, മാ​വൂ​ർ, ഗ്രാ​മ​പ​ഞ്ചാ​യ​ത്തു​ക​ളി​ൽ നി​ര​വ​ധി പ​മ്പി​ങ് സ്റ്റേ​ഷ​നു​ക​ൾ പ്ര​വ​ർ​ത്തി​ക്കു​ന്നു​ണ്ട്. ഇ​പ്പോ​ഴും ജ​ന​ങ്ങ​ൾ ഇ​തി​ൽ നി​ന്നാ​ണ് വെ​ള്ളം ശേ​ഖ​രി​ക്കു​ന്ന​ത്. ചൊ​റി​ച്ചി​ല്‍ , ക​ണ്ണി​നു രോ​ഗം, ഛര്‍​ദി, ഓ​ക്കാ​നം, പേ​ശി​ക​ള്‍​ക്ക് ബ​ലം കു​റ​യു​ക എ​ന്നി​വ​യാ​ണ് ആ​ൽ​ഗ ക​ല​ർ​ന്ന വെ​ള്ളം ഉ​പ​യോ​ഗി​ച്ചാ​ലു​ണ്ടാ​കു​ന്ന രോ​ഗ​ങ്ങ​ള്‍.

അ​ന്യ​സം​സ്ഥാ​ന തൊ​ഴി​ലാ​ളി​ക​ൾ അ​ട​ക്ക​മു​ള്ള​വ​ർ ഇ​പ്പോ​ഴും ഈ ​ഭാ​ഗ​ങ്ങ​ളി​ൽ കു​ളി​ക്കാ​നും അ​ല​ക്കാ​നും മ​റ്റ് ആ​വ​ശ്യ​ങ്ങ​ൾ​ക്കു​മാ​യി പു​ഴ​യി​ൽ ഇ​റ​ങ്ങാ​റു​ണ്ട്. പു​ഴ​യു​ടെ സ്വാ​ഭാ​വി​ക​മാ​യ നീ​രൊ​ഴു​ക്ക് ത​ട​സ്സ​പ്പെ​ട്ട​തും വ്യാ​പ​ക​മാ​യ രീ​തി​യി​ലു​ള്ള മാ​ലി​ന്യ നി​ക്ഷേ​പ​വു​മാ​ണ് വി​ഷ പാ​യ​ലു​ക​ൾ നി​റ​യാ​ൻ കാ​ര​ണ​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. ഇ​ത് പ്ര​തി​രോ​ധി​ക്കാ​നു​ള്ള മാ​ർ​ഗ്ഗം പോ​ലും ആ​രോ​ഗ്യ വ​കു​പ്പ് ജി​ല്ലാ ഭ​ര​ണ​കൂ​ട​മോ ഇ​തു​വ​രെ ആ​വി​ഷ്ക​രി​ച്ചി​ട്ടി​ല്ല.