അശ്രദ്ധമായി റെയില്‍വേ ട്രാക്ക് മുറിച്ചു കടന്ന കാര്‍ ട്രെയിന്‍ ഇടിച്ചു തകര്‍ക്കുന്നതിന്‍റെ ദൃശ്യങ്ങള്‍ പുറത്ത്. സൗത്ത് ലോസ് ആഞ്ചല്‍സിലാണ് സംഭവം. ബിഎംഡബ്ല്യു കാര്‍ ആണ് അപകടത്തില്‍പ്പെട്ടത്.
അശ്രദ്ധയോടെ കാര്‍ ഇദ്ദേഹം റെയില്‍വേ ട്രാക്കിലേക്ക് കയറ്റിയപ്പോള്‍ നിമിഷങ്ങള്‍ക്കകം മെട്രോ ട്രെയിന്‍ കാര്‍ ഇടിച്ച് തകര്‍ത്ത് പോകുകയായിരുന്നു. അപകടത്തില്‍ കാര്‍ പൂര്‍ണമായും തകര്‍ന്നുവെങ്കിലും ഡ്രൈവര്‍ നിസാരപരിക്കുകളോടെ രക്ഷപെട്ടു.
ലോസ ആഞ്ചല്‍സ് പോലീസ് ഡിപ്പാര്‍ട്ട്‌മെന്‍റാണ് അപകടത്തിന്‍റെ ദൃശ്യങ്ങള്‍ സോഷ്യല്‍മീഡിയയില്‍ പങ്കുവച്ചത്. ഏറെ ഞെട്ടിക്കുന്ന വീഡിയോ വൈറലായി മാറിയിരിക്കുകയാണ്.
