സോഷ്യൽ മീഡിയയിൽ ദിവസേന പല തരത്തിലുള്ള വീഡിയോകൾ വെെറലാകാറുണ്ട്. ചിലതി ഏറെ രസകരമായവയും കൗരുകമുണർത്തുന്നവയും ഉണ്ട്. അത്തരത്തിൽ രസകരമായൊരു വീഡിയോ ആണിപ്പോൾ വെെറലാകുന്നത്.
വീഡിയോ കടലിൽ നിന്നുള്ളതാണെങ്കിൽ കൗതുകം വീണ്ടും കൂ‌ടും. കൊടുങ്കാറ്റ് വീശുമ്പോള്‍ കാറ്റിൽ ബോട്ടിനുള്ളില്‍ നിന്ന് ഭക്ഷണം പാചകം ചെയ്യുന്നതാണ് വീഡിയോ.
ബോട്ടിലെ കാബിനുള്ളില്‍ അടുക്കള പോലെ തോന്നിക്കുന്ന സ്ഥലത്താണ് ആളുടെ പാചകം.
ആടിയുലയുന്ന ബോട്ടില്‍ വീഴാതിരിക്കാൻ ബാലൻസ് ചെയ്ത് നില്‍ക്കുന്നതും വീഡിയോയിൽ കാണാൻ സാധിക്കും.
ബോട്ട് ആടുന്നതിന് അനുസരിച്ച് സ്റ്റൗവും അനങ്ങുന്നു. എങ്കിലും ബാലൻസ് ചെയ്ത് പാചകം ചെയ്യുന്ന ആളുടെ വെെഭവത്തെ സമ്മതിക്കാതെ വയ്യെന്നാണ് വീഡിയോ കണ്ടവർ കമന്‍റ് ചെയ്തത്.
പാലം കുലുങ്ങിയാലും കേളൻ കുലുങ്ങില്ലെന്ന പഴഞ്ചൊല്ല് യഥാർഥമാകുന്നെന്ന് തോന്നിക്കും വിധമാണ് അദ്ദേഹത്തിന്‍റെ പാചകം.
കൊടുങ്കാറ്റത്ത് ഒരു ബോട്ടിനകത്ത് ഇങ്ങനെ ആരെങ്കിലും പാചകം ചെയ്തുനോക്കിയിട്ടുണ്ടോ എന്ന ചോദ്യവുമായാണ് വീഡിയോ പങ്കുവച്ചിരിക്കുന്നത്.
എന്തായാലും ഇങ്ങനെയുള്ള സാഹചര്യത്തില്‍ ബ്രഡും പീനട്ട് ബട്ടറും കഴിച്ചിരിക്കൂ എന്നാണ് എനിക്ക് ഉപദേശിക്കാനുള്ളതെന്നും അദ്ദേഹം പറഞ്ഞു.വീഡിയോ കാണാൻ ഇവിടെ ക്ലിക് ചെയ്യുക.
