നാദാപുരം: കല്ലാച്ചി വാണിമേല്‍ റോഡില്‍ മൃഗാശുപത്രി പരിസരത്ത് സ്റ്റീല്‍ ബോംബ് കണ്ടെത്തിയെന്ന സന്ദേശം പോലീസിനെ വട്ടം കറക്കി. ശനിയാഴ്ച രാവിലെ ആറരയോടെയാണ് ആശുപത്രി പരിസരത്ത് അഴുക്ക് ചാലില്‍ ബോംബ് കണ്ടത്.
പോലീസില്‍ വിവരമറിയ്ച്ചതോടെ ബോംബ് സ്‌ക്വാഡ് ബോംബ് കസ്റ്റഡിയിലെടുത്ത് സ്‌റ്റേഷനിലെത്തിച്ചു. സ്റ്റീല്‍ പാത്രത്തോട് സമാനമായ സ്‌പ്രേ പാത്രമാണെന്ന് പരിശോധനയില്‍ കണ്ടെത്തി. നേരത്തെ മേഖലയില്‍ നിന്ന് വിവിധ തരത്തിലുള്ള ബോംബുകള്‍ കണ്ടെത്തിയിരുന്നു. ഇതിനാല്‍ പോലീസ് ഗൗരവത്തോടെയാണ് സംഭവത്തെ കണ്ടത്.
സ്റ്റീല്‍ കണ്ടെയ്‌നറിനു മുകള്‍ ഭാഗത്ത് ക്ലോക്ക് രൂപത്തില്‍ കാണപ്പെട്ടതും പോലീസിനെ സംശയത്തിലാക്കി. വളയം പോലീസ് സ്റ്റേഷന്‍ പരിധിയില്‍ കുറുവന്തേരി, കൊയമ്പ്രം പാലം മേഖലയില്‍ ബോംബ് സ്‌ക്വാഡും പോലീസും ആയുധങ്ങള്‍ക്കായി പരിശോധന നടത്തിയെങ്കിലും ഒന്നും കണ്ടെത്തിയില്ല.
