അ​ഞ്ചു​തെ​ങ്ങി​ല്‍ പി​ഞ്ചു​കു​ഞ്ഞി​നെ കൊ​ന്ന് കുഴിച്ചു മൂടിയത് അമ്മ; ഭർത്താവ് മരിച്ച യുവതി വീണ്ടും ഗർഭിണിയായത് മൂന്ന് തവണ; കാമുകൻ വിവാഹിതനും രണ്ട് കുട്ടികളുടെ പിതാവും

തി​രു​വ​ന​ന്ത​പു​രം: അ​ഞ്ചു​തെ​ങ്ങ് മാ​ന്പ​ള്ളി​യി​ൽ ന​വ​ജാ​ത​ശി​ശു​വി​ന്‍റെ മൃ​ത​ദേ​ഹം ക​ട​ൽ​തീ​ര​ത്തു ക​ണ്ടെ ത്തി​യ സം​ഭ​വം കൊ​ല​പാ​ത​ക​മെ​ന്ന് തെ​ളി​ഞ്ഞു.

കു​ഞ്ഞി​ന്‍റെ അ​മ്മ​യെ അ​ഞ്ചു​തെ​ങ്ങ് പോ​ലീ​സ് അ​റ​സ്റ്റ് ചെ​യ്തു. അ​ഞ്ചു​തെ​ങ്ങ് മാ​ന്പ​ള്ളി കൊ​ച്ചു​കി​ണ​റ്റി​ൻ​മൂ​ട് വീ​ട്ടി​ൽ ജൂ​ലി (40)യെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്.

‌വ​ർ​ഷ​ങ്ങ​ൾ​ക്ക് മു​ൻ​പ് ഭ​ർ​ത്താ​വ് മ​ര​ണ​പ്പെ​ട്ട ജൂ​ലി ഏ​താ​നും വ​ർ​ഷ​ങ്ങ​ളാ​യി അ​ഞ്ചു​തെ​ങ്ങ് സ്വ​ദേ​ശി​യാ​യ യു​വാ​വു​മാ​യി പ്ര​ണ​യ​ത്തി​ലാ​യി​രു​ന്നു.

ഇ​യാ​ൾ​ക്ക് വേ​റെ ഭാ​ര്യ​യും കു​ട്ടി​ക​ളു​മു​ണ്ടായി​രു​ന്ന​തി​നാ​ൽ ര​ഹ​സ്യ​മാ​യി പ്ര​ണ​യ​ബ​ന്ധം സൂ​ക്ഷി​ക്കു​ക​യാ​യി​രു​ന്നു. ര​ണ്ട് ത​വ​ണ ഗ​ർ​ഭി​ണി​യാ​യ​പ്പോ​ൾ അ​ബോ​ർ​ഷ​ൻ ന​ട​ത്തി​യി​രു​ന്നു. ഈ ​അ​ടു​ത്ത​കാ​ല​ത്ത് ജൂ​ലി വീ​ണ്ടും ഗ​ർ​ഭി​ണി​യാ​യി.

ഈ ​വി​വ​രം കാ​മു​ക​നെ അ​റി​യി​ച്ചി​രു​ന്നി​ല്ല. വീ​ട്ടു​കാ​രോ​ടും പ​റ​ഞ്ഞി​രു​ന്നി​ല്ല. ഇ​ക്ക​ഴി​ഞ്ഞ പ​തി​നാ​ലാം തീ​യ​തി വ​യ​റു​വേ​ദ​ന അ​നു​ഭ​വ​പ്പെ​ട്ട​തി​നെ തു​ട​ർ​ന്ന് ബാ​ത്ത് റൂ​മി​ൽ വ​ച്ച് പെ​ണ്‍​കു​ഞ്ഞി​നെ പ്ര​സ​വി​ച്ചു.

കു​ഞ്ഞി​നെ കൊ​ല​പ്പെ​ടു​ത്തി മൃ​ത​ദേ​ഹം വീ​ടി​ന് സ​മീ​പം കു​ഴി​ച്ചി​ടു​ക​യാ​യി​രു​ന്നു. നാ​ല് ദി​വ​സം ക​ഴി​ഞ്ഞ​പ്പോ​ഴാ​ണ് കു​ഴി​മാ​ടം നായകൾ തോ​ണ്ടി കു​ഞ്ഞി​ന്‍റെ മൃ​ത​ദേ​ഹം ക​ടി​ച്ചെ​ടു​ത്ത് കൊ​ണ്ടു പോ​യി ക​ട​ൽ​തീ​ര​ത്തി​ട്ട​ത്.

ഇ​ക്ക​ഴി​ഞ്ഞ പ​തി​നെ​ട്ടി​ന് പു​ല​ർ​ച്ചെ​യാ​ണ് അ​ഞ്ചു​തെ​ങ്ങ് മാ​ന്പ​ള്ളി​ക്ക് സ​മീ​പ​ത്തെ ക​ട​ൽ​തീ​ര​ത്ത് കൈ​യും കാ​ലും ന​ഷ്ട​പ്പെ​ട്ട നി​ല​യി​ൽ ന​വ​ജാ​ത​ശി​ശു​വി​ന്‍റെ മൃ​ത​ദേ​ഹം തെ​രു​വ് നാ​യ ക​ടി​ച്ച് വ​ലി​ക്കു​ന്ന​ത് നാ​ട്ടു​കാ​ർ ക​ണ്ടത്.

​പോ​ലീ​സി​ൽ വി​വ​ര​മ​റി​യി​ച്ച​തി​നെ തു​ട​ർ​ന്ന് ഫോ​റ​ൻ​സി​ക് വി​ദ​ഗ്ധ​രു​ടെ സ​ഹാ​യ​ത്തോ​ടെ കു​ഞ്ഞി​ന്‍റെ മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന് വി​ധേ​യ​മാ​ക്കി​യി​രു​ന്നു.

പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ന​വ​ജാ​ത​ശി​ശു​വി​ന്‍റെ മ​ര​ണം കൊ​ല​പാ​ത​ക​മാ​ണെ​ന്ന് തെ​ളി​ഞ്ഞ​ത്. പ്ര​തി​യെ ഇ​ന്ന് കോ​ട​തി​യി​ൽ ഹാ​ജ​രാ​ക്കും.