കാ​യ​ലി​ൽ ഒ​ഴു​കി വ​ന്ന ബ​ക്ക​റ്റി​ൽ ന​വ​ജാ​ത ശി​ശു​വി​ന്‍റെ മൃ​ത​ദേ​ഹം; പൊ​ക്കി​ൾ​കൊ​ടി നീ​ക്കം ചെ​യ്യാ​ത്ത നി​ല​യി​ൽ; കുട്ടിയുടെ ദേഹത്തെ സ്ലിപ്പിൽ പ്രസവ തീയതിയും; അന്വേഷണം തുടങ്ങി

കൊ​ച്ചി: എ​റ​ണാ​കു​ളം പു​തു​ക്ക​ല​വ​ട്ട​ത്ത് കാ​യ​ലി​ൽ ഒ​ഴു​കി വ​ന്ന ബ​ക്ക​റ്റി​ൽ ന​വ​ജാ​ത ശി​ശു​വി​ന്‍റെ മൃ​ത​ദേ​ഹം ക​ണ്ടെ​ത്തി. ലൂ​ർ​ദ്മാ​താ പ​ള്ളി​ക്കു സ​മീ​പം പേ​ര​ണ്ടൂ​ർ ക​നാ​ലി​ൽ ഞായറാഴ്ച വൈ​കി​ട്ട് അ​ഞ്ച​ര​യോ​ടെ​യാ​ണ് ബ​ക്ക​റ്റി​ൽ കു​ഞ്ഞി​നെ ക​ണ്ടെ​ത്തി​യ​ത്.

പൊ​ക്കി​ൾ​കൊ​ടി നീ​ക്കം ചെ​യ്യാ​ത്ത നി​ല​യി​ലാ​ണ്. ആ​ശു​പ​ത്രി അ​ധി​കൃ​ത​ർ കു​ഞ്ഞി​നെ പു​റ​ത്തെ​ടു​ത്ത ദി​വ​സം അ​ട​യാ​ള​പ്പെ​ടു​ത്തി​ക്കൊ​ണ്ടു​ള്ള സ്ലി​പ്പും ബ​ക്ക​റ്റി​ലു​ണ്ടാ​യി​രു​ന്നു. 2020 ജ​നു​വ​രി 30 എ​ന്ന തീ​യ​തി​യാ​ണ് സ്ലി​പ്പി​ലു​ള്ള​ത്. സ​മീ​പ​ത്ത് ക​ളി​ച്ചു​കൊ​ണ്ടി​രു​ന്ന കു​ട്ടി​യാ​ണ് ആ​ദ്യം മൃ​ത​ദേ​ഹം ക​ണ്ട​ത്.

പാ​വ​യെ​ന്ന് ക​രു​തി കു​ട്ടി​ക​ൾ ഇ​തെ​ടു​ക്കാ​ൻ ശ്ര​മി​ച്ചു. ഈ ​സ​മ​യം മു​തി​ർ​ന്ന ആ​ളു​ക​ളെ​ത്തി നോ​ക്കി​യ​പ്പോ​ഴാ​ണ് ന​വ​ജാ​ത ശി​ശു​വാ​ണെ​ന്ന് മ​ന​സി​ലാ​യ​ത്. ഇ​തോ​ടെ നാ​ട്ടു​കാ​ർ പോ​ലീ​സി​നെ വി​വ​രം അ​റി​യി​ക്കു​ക​യാ​യി​രു​ന്നു. പോ​ലീ​സ് സ്ഥ​ല​ത്തെ​ത്തി മേ​ൽ​ന​ട​പ​ടി​ക​ൾ സ്വീ​ക​രി​ച്ചു.

വ​ള​ർ​ച്ച​യെ​ത്താ​തെ പ്ര​സ​വം ന​ട​ന്ന​ശേ​ഷം കു​ഞ്ഞി​ന്‍റെ മൃ​ത​ദേ​ഹം മ​റ​വ് ചെ​യ്യാ​തെ കാ​യ​ലി​ൽ ഉ​പേ​ക്ഷി​ച്ച​താ​കാ​മെ​ന്നാ​ണ് പോ​ലീ​സ് നി​ഗ​മ​നം.