ജയ്പുർ: രാജസ്ഥാനിൽ വീണ്ടും കൂട്ട ശിശു മരണം. കഴിഞ്ഞ രണ്ടു ദിവസത്തിനിടെ ഒമ്പത് നവജാത ശിശുക്കളാണ് കോട്ടയിലെ സർക്കാർ ആശുപത്രിയിൽ മരിച്ചത്.
ജെ.കെ ലോൺ ആശുപത്രിയിൽ ബുധനാഴ്ച രാത്രിയിൽ അഞ്ച് കുഞ്ഞുങ്ങളും വ്യാഴാഴ്ച നാല് കുഞ്ഞുങ്ങളുമാണ് മരിച്ചത്. ഇവർക്കെല്ലാം 1-4 ദിവസം മാത്രം പ്രായമുള്ളവരാണെന്ന് അധികൃതർ അറിയിച്ചു.
പെട്ടെന്നുണ്ടായ അണുബാധ മൂലമാകാം മരണങ്ങൾ സംഭവിച്ചതെന്നാണ് ആശുപത്രി സൂപ്രണ്ട് സുരേഷ് ദുലാരയുടെ വിശദീകരണം. സംഭവത്തിൽ സംസ്ഥാന ആരോഗ്യമന്ത്രി അന്വേഷണത്തിന് ഉത്തരവിട്ടു.
