ചങ്ങലയിട്ട കടുവയുമായി നടക്കുന്ന ഒരു കൊച്ചുകുട്ടിയുടെ വീഡിയോയാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. പാക്കിസ്ഥാനിൽ നിന്നുള്ള വീഡിയോയാണിത്. വലിയ ഒരു കടുവയുടെ കഴുത്തിൽ ചങ്ങല ഇട്ടുകെട്ടിയതിന് ശേഷം അതിനോടൊപ്പം ഒരു കൊച്ചുകുട്ടി നടക്കുന്നതാണ് വീഡിയോയിൽ കാണിക്കുന്നത്.
നൗമാൻ ഹസൻ എന്നയാളാണ് ഇൻസ്റ്റാഗ്രാമിൽ ഈ വീഡിയോ പങ്ക് വച്ചിരിക്കുന്നത്. നാല് ദിവസം കൊണ്ട് ആയിരക്കണക്കിന് ലൈക്കുകളാണ് വീഡിയോ നേടിയത്. ചിലർ ആൺകുട്ടിയുടെ ധീരതയെ പുകഴ്ത്തുമ്പോൾ മറ്റുള്ളവർ ഈ കൊച്ചുകുട്ടി ഇങ്ങനെ ചെയ്യുന്നതിൽ രോഷാകുലരായിരിക്കുകയാണ്.
കടുവ, പാമ്പ്, മുതല എന്നിവയുൾപ്പെടെയുള്ള തന്‍റെ സ്വകാര്യ ശേഖരത്തിന്‍റെ വീഡിയോ ഹസ്സൻ പതിവായി സമൂഹ മാധ്യമങ്ങളിൽ പോസ്റ്റ് ചെയ്യാറുണ്ട്. വീഡിയോയിലെ ആൺകുട്ടിയെക്കുറിച്ച് ഒന്നും പറഞ്ഞിട്ടില്ലെങ്കിലും ചിലർ ആ കുട്ടി അയാളുടെ അനന്തരവനാണെന്ന് വീഡിയോയ്ക്ക് താഴെ കമന്‍റ് ചെയ്തിട്ടുണ്ട്. ഇത് വളർത്തുമൃഗമാണോ എന്ന് ചോദിച്ചുള്ള കമന്‍റുകളും വന്നിട്ടുണ്ട്.
കഴിഞ്ഞ വർഷം ലാഹോർ സഫാരി മൃഗശാല നടത്തിയ ലേലത്തിൽ നിന്ന് വാങ്ങിയ ഹസ്സന്‍റെ സ്വകാര്യ ശേഖരത്തിൽ സിംഹങ്ങളുമുണ്ട്. സ്ഥലം ശൂന്യമാക്കാനും ഇറച്ചി ചെലവ് കുറയ്ക്കാനും മൃഗശാല ഒരു ഡസൻ സിംഹങ്ങളെ ലേലം ചെയ്തിരുന്നു. താൻ സിംഹങ്ങളെ വാങ്ങിയിരുന്നെന്ന് ഹസ്സൻ തന്നെയാണ് പറഞ്ഞത്.
മൃഗങ്ങളുടെ ക്ഷേമം സംരക്ഷിക്കുന്നതിനുള്ള നിയമനിർമ്മാണങ്ങൾ കുറവായതിനാൽ, പാക്കിസ്ഥാനിലുടനീളമുള്ള മൃഗശാലകൾ അവയുടെ മോശം സൗകര്യങ്ങൾക്ക് കുപ്രസിദ്ധമാണ്. 2020 ഏപ്രിലിൽ രാജ്യത്തിന്‍റെ തലസ്ഥാനത്തെ ഏക മൃഗശാലയിലെ മോശം സൗകര്യങ്ങളും മൃഗങ്ങളോടുള്ള മോശമായ പെരുമാറ്റവും വെളിപ്പെട്ടതിനെത്തുടർന്ന് അടച്ചുപൂട്ടാൻ കോടതി ഉത്തരവിട്ടു.
വീഡിയോ കാണാൻ ഇവിടെ ക്ലിക്ക് ചെയ്യുക
