സ്തനാർബുദം; തുടക്കത്തിൽ കണ്ടെത്തി‌യാൽ…

ഇ​ന്ത്യ പോ​ലു​ള്ള വി​ക​സ്വ​ര രാ​ജ്യ​ങ്ങ​ളി​ല്‍ സ്താ​നാ​ര്‍​ബു​ദം മൂ​ല​മു​ള്ള മ​ര​ണം 1% – 3% വ​രെ​യാ​ണ്. 20 വ​യ​സിനു താ​ഴെ വ​ള​രെ അ​പൂ​ര്‍​വ​മാ​യി മാ​ത്ര​മേ കാ​ണു​ന്നു​ള്ളൂ. 0.5% പു​രു​ഷ​ന്മാ​രി​ലും സ്ത​നാ​ര്‍​ബു​ദം കാ​ണ​പ്പെ​ടു​ന്നു. ആ​കെ​യു​ള്ള ബ്രസ്റ്റ് കാ​ന്‍​സ​റി​ന്‍റെ ത​ന്നെ 5 ശ​ത​മാ​ന​വും ജ​നി​ത​ക കാ​ര​ണ​ങ്ങ​ളാ​ല്‍ പാ​ര​മ്പ​ര്യ​മാ​യി സം​ഭ​വി​ക്കു​ന്നു.

• സ്ക്രീനിംഗ് ടെസ്റ്റുകൾ

കാ​ന്‍​സ​റി​നെ​ക്കു​റി​ച്ചു​ള്ള വിവരങ്ങൾ ജന​ങ്ങ​ളി​ല്‍ എ​ത്തി​ക്കു​ന്ന​തി​നായി ഒ​ക്ടോ​ബ​ര്‍ ബ്രസ്റ്റ് കാ​ന്‍​സ​ര്‍ ബോധവത്കരണ മാ​സ​മാ​യി ഡ​ബ്ലുഎ​ച്ച്ഒ ​പ്ര​ഖ്യാ​പി​ച്ചി​ട്ടു​ണ്ട്. യ​ഥാ​സ​മ​യം ക​ണ്ടെ​ത്തി ചി​കി​ത്സിക്കുക, കാ​ന്‍​സ​ര്‍ രോ​ഗി​ക​ളെ മാ​ന​സി​ക​വും ശാ​രീ​രി​ക​വു​മാ​യി സ​ഹാ​യി​ക്കു​ക, അ​വ​രു​ടെ പു​ന​ര​ധി​വാ​സം, സാ​ന്ത്വ​ന ചി​കി​ത്സ, കാ​ന്‍​സ​ര്‍ പ്ര​തി​രോ​ധ പ്ര​വ​ര്‍​ത്ത​ന​ങ്ങ​ള്‍ തു​ട​ങ്ങി​യ​വ​യാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​ത്. പ്ര​ധാ​ന​മാ​യും സ്‌​ക്രീ​നിം​ഗ് ടെ​സ്റ്റു​ക​ളി​ലൂ​ടെ സ്ത​നാ​ര്‍​ബു​ദം തു​ട​ക്ക​ത്തി​ല്‍ ക​ണ്ടു​പി​ടി​ക്കു​ന്ന​തി​ലൂ​ടെ ചി​കി​ത്സി​ച്ച് ഭേ​ദ​മാ​ക്കാ​നു​ള്ള സാ​ധ്യ​ത കൂ​ടു​ന്നു. ഈ ​വ​ര്‍​ഷ​ത്തെ സ്ത​നാ​ര്‍​ബു​ദ അ​വ​ബോ​ധ മാ​സത്തി​ന്‍റെ വി​ഷ​യം ‘ആ​രും സ്ത​നാ​ര്‍​ബു​ദ​ത്തെ ഒ​റ്റ​യ്ക്ക് നേ​രി​ടേ​ണ്ട​തി​ല്ല’ എ​ന്നാ​ണ്.

• എന്തുകൊണ്ട്..?

പ്ര​ത്യേ​ക​മാ​യ ഒ​രു കാ​ര​ണം കൊ​ണ്ട​ല്ല അ​ര്‍​ബു​ദം പി​ടി​പെ​ടു​ന്ന​ത്, നി​ര​വ​ധി ജീ​വി​ത സാ​ഹ​ച​ര്യ​ങ്ങ​ളും ചി​ല ജ​നി​ത​ക കാ​ര​ണ​ങ്ങ​ളുമാ ണ് കാ​ന്‍​സ​ര്‍ ഉ​ണ്ടാ​ക്കു​ന്ന​ത്. കാ​ര​ണ​ങ്ങ​ളെര​ണ്ടാ​യി ത​രം തി​രി​ക്കാം.
1. പ്രതിരോധിക്കാവുന്നത്
2. പ്രതിരോധിക്കാനാവാത്തത്

• പ്ര​തി​രോ​ധി​ക്കാ​വു​ന്ന​ത് (Preventable)

അ​മി​ത​മാ​യി ശ​രീ​ര​ത്തി​ല്‍ അ​ടി​യു​ന്ന കൊ​ഴു​പ്പി​ല്‍ നി​ന്ന് estradiol എ​ന്ന ഹോ​ര്‍​മോ​ണ്‍ ഉ​ണ്ടാ​കു​ന്നു. ഇ​ത് മാ​റി​ലെ കാ​ന്‍​സ​റി​ന് കാ​ര​ണ​മാ​യേ​ക്കാം. എ​ന്നാ​ല്‍ കൃ​ത്യ​മാ​യ വ്യാ​യാ​മം അ​മി​ത​ കൊ​ഴു​പ്പി​നെ പ്ര​തി​രോ​ധി​ക്കു​ന്നു. അ​തേ​സ​മ​യം ത​ന്നെ മ​ന​സി​ന് അ​യ​വും സ​ന്തോ​ഷ​വും പ്ര​ദാ​നം ചെ​യ്യു​ന്നു. സ്ത്രീ​ക​ളി​ലാ​ണ് മാ​ന​സി​ക പി​രി​മു​റു​ക്കം കൂ​ടു​ത​ലാ​യി കാ​ണ​പ്പെ​ടു​ന്ന​ത്.

• സ്തനാർബുദം; തുടക്കത്തിൽ കണ്ടെത്തി‌യാൽ…

ആ​ധു​നി​ക ജീ​വി​ത സൗ​ക​ര്യ​ങ്ങ​ളും അ​മി​തഭ​ക്ഷ​ണ​വും ആ​യാ​സ​മി​ല്ലാ​ത്ത ജീ​വി​ത സാ​ഹ​ച​ര്യ​ങ്ങ​ളും മാ​ന​സി​ക സ​മ്മ​ര്‍​ദവും വി​വി​ധ​ത​രം കാ​ന്‍​സ​റി​ന് കാ​ര​ണ​മാ​കു​ന്നു​വെ​ന്ന് പ​ഠ​ന​ങ്ങ​ള്‍ തെ​ളി​യി​ച്ചി​ട്ടു​ണ്ട്.

• കീ​ട​നാ​ശി​നി​യു​ടെ സാ​ന്നി​ധ്യം

അ​ന്ത​രീ​ക്ഷ മ​ലി​നീ​ക​ര​ണം, ജ​ങ്ക് ഫു​ഡി​ല്‍ അ​ട​ങ്ങി​യി​രി​ക്കു​ന്ന കെ​മി​ക്ക​ലുകൾ, ആ​ഹാ​ര​ത്തി​ന് നി​റ​വും രു​ചി​യും ന​ല്‍​കു​ന്ന കെ​മി​ക്ക​ല്‍​സ്, ഭ​ക്ഷ്യവ​സ്തു​ക്ക​ളി​ലെ കീ​ട​നാ​ശി​നി​യു​ടെ സാ​ന്നി​ധ്യം, മ​ദ്യ​പാ​നം, പു​ക​യി​ല ഉ​ത്പ​ന്ന​ങ്ങ​ളു​ടെ ഉ​പ​യോ​ഗം, പാ​ന്‍​മാ​സാ​ല തു​ട​ങ്ങി ധാ​രാ​ളം കാ​ര​ണ​ങ്ങ​ള്‍ മു​ഖേ​ന പ​ല​വി​ധ​ത്തി​ലു​ള്ള കാ​ന്‍​സ​ര്‍ രോ​ഗ​ങ്ങ​ൾ വ​ര്‍​ധി​ച്ചുവ​രികയാണ്.

(തുടരും)
വി​വ​ര​ങ്ങ​ൾ​ക്കു ക​ട​പ്പാ​ട്:

ഡോ. ​എസ്. പ്രമീളാദേവി
ക​ൺ​സ​ൾ​ട്ടന്‍റ്,ജനറൽ സർജറി,

എസ്‌യുടി ഹോ​സ്പി​റ്റ​ൽ,പ​ട്ടം, തി​രു​വ​ന​ന്ത​പു​രം