ബ്രെസ്റ്റ് മാഗ്നറ്റിക് റെസണൻസ് ഇമേജിംഗ് (എംആർഐ)
ബ്രെസ്റ്റ് എംആർഐ- കാന്തങ്ങളും റേഡിയോ തരംഗങ്ങളും ഉപയോഗിച്ച് സ്തനത്തിന്‍റെ ചിത്രങ്ങൾ എടുക്കുന്നു. സ്തനാർബുദസാധ്യത കൂടുതലുള്ള സ്ത്രീകളെ പരിശോധിക്കാൻ മാമോഗ്രാമിനൊപ്പം ബ്രെസ്റ്റ്
എംആർഐയും ഉപയോഗിക്കുന്നു
സമഗ്ര വിലയിരുത്തൽ
മാമോഗ്രാഫിയിലൂടെയോ ക്ലിനിക്കൽ ബ്രെസ്റ്റ് പരിശോധനയിലൂടെയോ ഒരു അസ്വാഭാവികത തിരിച്ചറിയപ്പെടുമ്പോൾ, ഡോക്ടർ പലപ്പോഴും ട്രിപ്പിൾ അസസ്മെന്‍റ് സമീപനം ഉപയോഗിക്കുന്നു. ഈ സമഗ്രമായ വിലയിരുത്തലിൽ മാമോഗ്രഫി, അൾട്രാസൗണ്ട്, ബയോപ്സി എന്നിവ ഉൾപ്പെടുന്നു.
ഇങ്ങനെ ചെയ്താണ് ചികിത്സാ രീതികൾ തീരുമാനിക്കുന്നത് .
ചികിത്സാരീതികൾ
സ്തനാർബുദത്തിനുള്ള ചികിത്സ സങ്കീർണമാണ്. രോഗത്തിന്‍റെ ഘട്ടം, രോഗിയുടെ പ്രായം, മൊത്തത്തിലുള്ള ആരോഗ്യം, വ്യക്തിഗത മുൻഗണനകൾ തുടങ്ങിയ ഘടകങ്ങളാൽ രൂപപ്പെട്ടതാണ് ചികിത്സാ രീതികൾ.
ശസ്ത്രക്രിയ
ശസ്ത്രക്രിയയാണ് ഏറ്റവും സാധാരണമായ സ്തനാർബുദ ചികിത്സ. മുഴുവൻ സ്തനവും നീക്കം ചെയ്യൽ (മാസ്റ്റെക്ടമി) അല്ലെങ്കിൽ ട്യൂമർ (ലംപെക്ടമി) എന്നിവ ഇതിൽ ഉൾപ്പെടാം.
റേഡിയേഷൻ തെറാപ്പി
കാൻസർ കോശങ്ങളെ ഉന്മൂലനം ചെയ്യാൻ ഹൈ-എനർജി റേഡിയേഷൻ ബീമുകൾ ഉപയോഗിക്കുന്നു. റേഡിയേഷൻ തെറാപ്പി ശസ്ത്രക്രിയയ്ക്ക് മുമ്പോ ശേഷമോ ആകാം.
കീമോതെറാപ്പി
കാൻസർ കോശങ്ങളുടെ വളർച്ച തടയുന്നതിനോ അവയെ ഇല്ലാതാക്കുന്നതിനോ ഉള്ള മരുന്നുകൾ നൽകുന്നു. ശസ്ത്രക്രിയയ്ക്ക് മുമ്പോ ശേഷമോ കീമോതെറാപ്പി നൽകാം.
ഹോർമോൺ തെറാപ്പി
ചില സ്തനാർബുദങ്ങൾ ഹോർമോൺ-സെൻസിറ്റീവ് ആണ്. കൂടാതെ ഹോർമോൺ റിസപ്റ്ററുകളെ തടയാൻ ഹോർമോൺ തെറാപ്പി ഉപയോഗിക്കുന്നു.
ടാർഗെറ്റഡ് തെറാപ്പി
കാൻസർ വികസനത്തിലും പുരോഗതിയിലും ഉൾപ്പെട്ടിരിക്കുന്ന പ്രത്യേക തന്മാത്രകളെ ആക്രമിക്കുന്നതിനാണ് ടാർഗെറ്റഡ് മരുന്നുകൾ രൂപകൽപ്പന ചെയ്തിരിക്കുന്നത്. (തുടരും)
ഡോ. ദീപ്തി ടി. ആർ.
സ്പെഷലിസ്റ്റ് ഇൻ ഏർലി കാൻസർ ഡിറ്റക്ഷൻ ആൻഡ് പ്രിവൻഷൻ, ഓൺ ക്യുയർ ബയോ സൊല്യൂഷൻസ്, കണ്ണൂർ.
ഫോൺ – 6238265965
