വി​വാ​ഹ ച​ട​ങ്ങി​നിടെ പാടിയ പാ​ട്ടി​നെ ചൊ​ല്ലി ത​ർ​ക്കം; വ​ധു​വി​ന്‍റെ പി​താ​വി​നെ ബ​ന്ധു​ക്ക​ൾ ത​ല്ലി​ക്കൊ​ന്നു

അ​ഗ്ര: വി​വാ​ഹ ച​ട​ങ്ങി​നി​ട​യി​ൽ മ്യൂ​സി​ക് ബാ​ൻ​ഡ് പാടിയ പാ​ട്ടി​നെ തു​ട​ർ​ന്നു​ണ്ടാ​യ ത​ർ​ക്കം അ​വ​സാ​നി​ച്ച​ത് കൊ​ല​പാ​ത​ക​ത്തി​ൽ. വ​ധു​വി​ന്‍റെ പി​താ​വി​നെ​യാ​ണ് ബ​ന്ധു​ക്ക​ൾ ചേ​ർ​ന്ന് ത​ല്ലി​ക്കൊ​ന്ന​ത്. തി​ങ്ക​ളാ​ഴ്ച രാ​വി​ലെ ആ​യി​രു​ന്നു സം​ഭ​വം. സ​ഹോ​ദ​രി ഭ​ർ​ത്താ​വും മ​റ്റ് ചി​ല​രും ചേ​ർ​ന്നാ​ണ് രാം ​ബ​രാ​ൻ സിം​ഗി​നെ(57)  ഇ​രു​മ്പ് വ​ടി​ക​ളും ക​ല്ലു​ക​ളും ഉ​പ​യോ​ഗി​ച്ച് ത​ല്ലി​ക്കൊ​ന്ന​ത്.

സം​ഭ​വ​ത്തി​ൽ രാമി​ന്‍റെ സ​ഹോ​ദ​ര​ന്‍റെ പ​രാ​തി​യി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്ന് പോ​ലീ​സ് മാ​ധ്യ​മ​ങ്ങ​ളോ​ട് പ​റ​ഞ്ഞു. എ​ന്നാ​ൽ ആ​രെ​യും ഇ​തു​വ​രെ അ​റ​സ്റ്റ് ചെ​യ്തി​ട്ടി​ല്ല.

ഞാ​യ​റാ​ഴ്ച​യാ​യി​രു​ന്നു രാം ​ബ​രാ​ൻ സിം​ഗി​ന്‍റെ മ​ക​ൾ മ​ധു​വി​ന്‍റെ വി​വാ​ഹം. വി​വാ​ഹ ശേ​ഷം തി​ങ്ക​ളാ​ഴ്ച രാ​വി​ലെ മ​ക​ളെ ഭ​ർ​തൃ​ഗൃ​ഹ​ത്തി​ലേ​ക്ക് അ​യ​യ്ക്കാ​നു​ള്ള ഒ​രു​ക്ക​ത്തി​ലാ​യി​രു​ന്നു വീ​ട്ടു​കാ​ർ. ഈ ​സ​മ​യ​ത്താ​ണ് രാ​മി​ന്‍റെ സ​ഹോ​ദ​രി ഭ​ർ​ത്താ​വ് രാ​ജു സിം​ഗ് അ​യാ​ളു​ടെ മ​ക​നും മ​രു​മ​ക്ക​ളു​മാ​യി എ​ത്തി രാ​മി​നെ ആ​ക്ര​മി​ച്ച​ത്. രാ​മി​നെ ര​ക്ഷി​ക്കാ​ൻ ശ്ര​മി​ച്ച​വ​രേ​യും സം​ഘം ആ​ക്ര​മി​ച്ചി​രു​ന്നു.

ബാ​ൻ​ഡ് സം​ഘം വി​വാ​ഹ ച​ട​ങ്ങി​ൽ പാ​ടി​യ ഒ​രു പാ​ട്ടി​നെ ചൊ​ല്ലി​യാ​ണ് രാ​ജു ത​ർ​ക്കം ആ​രം​ഭി​ച്ച​ത്. എ​ന്നാ​ൽ ഈ ​വാ​ക്കേ​റ്റം മ​റ്റ് ബ​ന്ധു​ക്ക​ൾ ചേ​ർ​ന്ന് പ​രി​ഹ​രി​ച്ചി​രു​ന്നു. ശേ​ഷം രാ​ജു വി​വാ​ഹ​വേ​ദി വി​ട്ട് പോ​യി. പി​ന്നാ​ലെ മ​ക​നും മ​രു​മ​ക്ക​ളുമായെത്തി രാ​മി​നെ ആ​ക്ര​മി​ക്കു​ക​യാ​യി​രു​ന്നു. സം​ഭ​വ​ത്തി​ൽ രാ​ജു, മ​ക​ൻ സു​നി​ൽ മ​രു​മ​ക്ക​ളാ​യ സ​ച്ചി​ൻ, പു​ഷ്പേ​ന്ദ്ര, ര​ഞ്ജി​ത്, വി​ജ​യ് എ​ന്നി​വ​രെ​യാ​ണ് പോ​ലീ​സ് തി​ര​യു​ന്ന​ത്.