കൊല്ലം: ബുള്ളറ്റുകൾ മോഷ്ടിച്ച് ഓണ്‍ലൈൻ വഴി വിൽപ്പന നടത്തുന്ന സംഘത്തിലെ രണ്ടുപേർ പിടിയിൽ. മലപ്പുറം, കല്ലന്പലം സ്വദേശികളാണ് പിടിയിലായത്. റോയൽ എൻഫീൽഡ് ബുള്ളറ്റുകളാണ് സംഘം മോഷ്ടിച്ചുവന്നത്. സെൽഫ് സ്റ്റാർറ്റിംഗ് വിഭാഗത്തിലുള്ളവയാണ് ബുള്ളറ്റുകളിലേറെയും .ഇവയുടെ വയറുകൾ അറുത്തുമാറ്റിയാണ് മോഷ്ടിച്ചുവന്നിരുന്നത്. നിരവധി ബുള്ളറ്റുകൾ മോഷണം പോയതുമായി ബന്ധപ്പെട്ട് ജില്ലയുടെ വിവിധ ഭാഗങ്ങളിൽകേസുകളുള്ളതായാണ് വിവരം.
ഓണ്‍ലൈൻവഴി കച്ചവടം ഉറപ്പിച്ചശേഷം ആവശ്യക്കാർക്ക് വാഹനം എത്തിക്കുകയാണ് പതിവ്. ഒന്നരലക്ഷത്തോളം വിലവരുന്ന ബുള്ളറ്റ് 40,000 രൂപയ്ക്കാണ് വിറ്റുവന്നിരുന്നത്. 12 ബുള്ളറ്റുകൾ കണ്ടെടുത്തു. മൂന്നു ബുള്ളറ്റുകളെ കുറിച്ച് പോലീസിന് വിവരവും ലഭിച്ചിട്ടുണ്ട്. സംസ്ഥാനത്തിന് പുറത്തായിരുന്നു കൂടുതലായി ബുള്ളറ്റ് വിറ്റുവന്നത്. കസ്റ്റഡിയിലെടുത്ത പ്രതികളെ ചോദ്യം ചെയ്തുവരികയാണ്.
