കോ​ട​തി​വി​ധി​ക്കു പു​ല്ലു​വി​ല; തെ​ക്കും​ക​ര കാ​പ്പ് ബ​ണ്ട് പൊ​ളി​ച്ചു; പഞ്ചായത്തിന്‍റെ മൗന സമ്മതത്തോടെയാണ് പൊളിക്കൽ നടന്നതെന്ന ആരോപണവുമായി നാട്ടുകാർ

ക​രൂ​പ്പ​ട​ന്ന: ക​ട​ലാ​യി റോ​ഡി​ൽ തെ​ക്കും​ക​ര കാ​പ്പ് ബ​ണ്ട് പൊ​ളി​ച്ചു​നീ​ക്കി​യ​താ​യി പ​രാ​തി.

പ​രി​സ​ര പ്ര​ദേ​ശ​ങ്ങ​ളി​ലെ 400 ഓ​ളം കു​ടും​ബ​ങ്ങ​ൾ​ക്ക് കൃ​ഷി​ക്കും കു​ടി​വെ​ള്ള ജ​ല​സ്രോ​ത​സു​ക​ളി​ലേ​ക്കും ഉ​പ്പു​വെ​ള്ളം ക​യ​റാ​തെ എ​ല്ലാ വ​ർ​ഷ​വും ആ​റ് മാ​സം അ​ട​ച്ചു​കെ​ട്ടി സം​ര​ക്ഷി​ക്ക​ണ​മെ​ന്ന കോ​ട​തി​വി​ധി മ​റി​ക​ട​ന്നാ​ണ് കാ​പ്പ് ബ​ണ്ട് പൊ​ളി​ച്ചു​നീ​ക്കി​യ​ത്.

ക​ഴി​ഞ്ഞ മൂ​ന്ന് വ​ർ​ഷ​മാ​യി സ്ഥി​ര​മാ​യി ഉ​പ്പു​വെ​ള്ളം ത​ട​ഞ്ഞ് നി​ർ​ത്തി കെ​ട്ടി​പ്പോ​രു​ന്ന ബ​ണ്ട് പൊ​ളി​ച്ചു നീ​ക്കി​യ​തി​ൽ പ​ഞ്ചാ​യ​ത്ത് ഭ​ര​ണ​സ​മി​തി​യും സെ​ക്ര​ട്ട​റി​യും മൗ​നം പാ​ലി​ക്കു​ക​യാ​ണ്. ര​ണ്ടാ​ഴ്ച മു​ന്പ് ബ​ണ്ടി​ന്‍റെ ഒ​രു ക​ഴു​ക പൊ​ളി​ച്ചു നീ​ക്കി​യ​പ്പോ​ൾ ത​ന്നെ പ്ര​ദേ​ശ​വാ​സി​ക​ൾ പ​ഞ്ചാ​യ​ത്ത് ഭ​ര​ണ​സ​മി​തി​യെ​യും സെ​ക്ര​ട്ട​റി​യെ​യും പോ​ലീ​സി​നെ​യും കാ​ര്യ​ങ്ങ​ൾ അ​റി​യി​ച്ചി​രു​ന്നു.

എ​ന്നാ​ൽ ന​ട​പ​ടി ഒ​ന്നും സ്വീ​ക​രി​ക്കാ​ത്ത​തി​നെ തു​ട​ർ​ന്ന് പ്ര​ദേ​ശ​വാ​സി​ക​ൾ കോ​ട​തി​യെ സ​മീ​പി​ക്കു​ക​യും കോ​ട​തി നി​യ​മി​ച്ച ക​മ്മീ​ഷ​ൻ സ്ഥ​ലം സ​ന്ദ​ർ​ശി​ച്ച് പ​രി​ശോ​ധ​ന ന​ട​ത്തി പ​ഞ്ചാ​യ​ത്ത് സെ​ക്ര​ട്ട​റി​ക്ക് നോ​ട്ടീ​സ് ന​ൽ​കു​ന്ന​തി​നി​ടെ​യാ​ണ് ബ​ണ്ടി​ന്‍റെ ര​ണ്ടാ​മ​ത്തെ ക​ഴു​ക​യും പൊ​ളി​ച്ചു നീ​ക്കി​യ​ത്.

പ​തി​റ്റാ​ണ്ടു​ക​ളാ​യി കു​ടി​വെ​ള്ള പ്ര​ശ്നം നി​ല​നി​ന്നി​രു​ന്ന ക​ട​ലാ​യി-​ക​രൂ​പ്പ​ട​ന്ന പ്ര​ദേ​ശ​ത്ത് നി​ര​വ​ധി സ​മ​ര​ങ്ങ​ൾ​ക്കൊ​ടു​വി​ൽ കോ​ട​തി വി​ധി പ്ര​കാ​ര​മാ​ണ് ബ​ണ്ട് കെ​ട്ടി​യി​ട്ടു​ള്ള​ത്. അ​ടു​ത്ത കാ​ല​ത്ത് പു​റം നാ​ടു​ക​ളി​ൽ നി​ന്നു​ള്ള ചെ​മ്മീ​ൻ ക​ർ​ഷ​ക​ർ പാ​ട​ശേ​ഖ​ര​ങ്ങ​ൾ പാ​ട്ട​ത്തി​നെ​ടു​ത്ത് രാ​സ​വ​സ്തു​ക്ക​ൾ ഉ​പ​യോ​ഗി​ച്ച് പു​ഴ​യും പാ​ട​ശേ​ഖ​ര​വും മ​ലി​ന​മാ​ക്കു​ക​യാ​ണെ​ന്ന് ആ​ക്ഷേ​പ​മു​ണ്ട്.

ഇ​ത് പ​രി​സ​ര കി​ണ​റു​ക​ളി​ലേ​ക്ക് വ്യാ​പി​ച്ച​തോ​ടെ കു​ടി​വെ​ള്ളം ഉ​പ​യോ​ഗി​ക്കാ​ൻ ആ​വാ​ത്ത സ്ഥി​തി​യി​ലാ​ണ്. ബ​ണ്ടി​ന്‍റെ ക​ഴു​ക പൊ​ളി​ച്ച വി​വ​രം അ​റി​യി​ച്ചി​ട്ടും അ​ധി​കൃ​ത​ർ ഇ​തു​വ​രെ യാ​തൊ​രു ന​ട​പ​ടി​യും എ​ടു​ക്കാ​ത്ത​തി​ൽ സ​മ​ര​പ​രി​പാ​ടി​ക​ൾ തു​ട​ങ്ങാ​ൻ തീ​രു​മാ​നി​ച്ച​താ​യി ക​ട​ലാ​യി സ​ലീം മൗ​ല​വി, അ​ഹ​മ്മ​ദ് ഫ​സ​ലു​ള്ള, അ​ബ്ദു​ൾ​ഖാ​ദ​ർ മാ​സ്റ്റ​ർ, ടി.​ബി. മൊ​യ്തീ​ൻ എ​ന്നി​വ​ർ പ​ത്ര​കു​റി​പ്പി​ൽ അ​റി​യി​ച്ചു.