കോഴിക്കോട്: പെട്രോള് പമ്പില്‍ നിര്‍ത്തിയിട്ട സ്വകാര്യ ബസിന് തീപിടിച്ചു. ഗുരുവായൂര്‍ -കോഴിക്കോട് -കണ്ണൂര്‍ റൂട്ടിലോടുന്ന സെയിന്‍ ഹോളിഡേയ്‌സ് ബസിനാണ് തീപിടിച്ചത്. ഇന്ന് രാവിലെ ആറോടെയാണ് സംഭവം.
നടക്കാവ് ഗേള്‍സ് സ്‌കൂളിന് മുന്‍വശത്തുള്ള പെട്രോള് പമ്പില്‍ നിര്‍ത്തിയിട്ടതായിരുന്നു ബസ്. തീപടര്‍ന്നതിനിടെ തുടര്‍ന്ന് ബസിന് സാരമായ കേടുപാടുകള്‍ സംഭവിച്ചു.
പെട്രോള് പമ്പിന് പുറത്തുള്ള പൈപ്പിന് തീപിടിച്ചെങ്കിലും ഉടന്‍ അണച്ചു. പെട്രോള് പമ്പിലെ ജീവനക്കാരാണ് തീ ആദ്യം കണ്ടത്. ഇവര്‍ തീയണക്കുന്നതിനിടെ ബീച്ച് ഫയര്‍ഫോഴ്‌സും സ്ഥലത്തെത്തി തീയണച്ചു . സംഭവത്തില്‍ നടക്കാവ് പോലീസ് കേസെടുത്തു. ഷോര്‍ട്ട്‌സര്‍ക്ക്യൂട്ടാവാം കാരണമെന്ന് ബീച്ച്ഫയര്‍ഫോഴ്‌സ് അറിയിച്ചു.
