മു​തി​ര്‍​ന്ന പൗ​ര​ന് സീ​റ്റ് ന​ല്കാ​തെ ഇ​റ​ക്കി​വി​ട്ട ക​ണ്ട​ക്ട​ര്‍​ക്ക് പി​ഴ​ശി​ക്ഷ; യാത്രക്കാരോട് എ​ങ്ങ​നെ പെ​രു​മാ​റ​ണം എ​ന്ന് പ​ഠി​ക്കാൻ ഐ​ഡി​ടി​ആ​റിൽ ട്രെയിനിംഗ്

പാ​ല​ക്കാ​ട്: മു​തി​ര്‍​ന്ന പൗ​ര​ന് സീ​റ്റ് ന​ല്കാ​തെ ബ​സി​ൽ നി​ന്ന് ഇ​റ​ക്കി​വി​ട്ട ക​ണ്ട​ക്ട​ര്‍​ക്ക് പി​ഴ​ഗു​രു​വാ​യൂ​ര്‍-​മ​ണ്ണാ​ര്‍​ക്കാ​ട് റൂ​ട്ടി​ല്‍ സ​ര്‍​വീ​സ് ന​ട​ത്തു​ന്ന പു​ണ്യാ​ള​ന്‍ ബ​സി​ലെ ക​ണ്ട​ക്ട​ര്‍ മു​ഹ​മ്മ​ദ് ഷി​ബി​ലി​യ്ക്ക് പി​ഴ​ശി​ക്ഷ.

ചാ​ലി​ശേ​രി സ്വ​ദേ​ശി​യാ​യ മൊ​യ്തു​ണ്ണി എ​ന്ന മു​തി​ര്‍​ന്ന പൗ​ര​ന് നി​യ​മ​പ്ര​കാ​രം റി​സ​ര്‍​വ് ചെ​യ്തി​ട്ടു​ള്ള സീ​റ്റ് ന​ല്‍​കാ​തെ ബു​ദ്ധി​മു​ട്ടി​ക്കു​ക​യും ബ​സി​ല്‍ നി​ന്നും ഇ​റ​ക്കി വി​ടു​ക​യു​മാ​യി​രു​ന്നു.

മൊ​യ്തു​ണ്ണി പാ​ല​ക്കാ​ട് ആ​ര്‍​ടി​ഒ ടി.​എം. ജേ​ഴ്‌​സ​ന് ന​ല്കി​യ പ​രാ​തി​യി​ലാ​ണ് ന​ട​പ​ടി​യു​ണ്ടാ​യ​ത്. പ​രാ​തി ല​ഭി​ച്ച് ഒ​രു മ​ണി​ക്കൂ​റി​നു​ള്ളി​ല്‍ ന​ട​പ​ടി എ​ടു​ത്തു.

ക​ണ്ട​ക്ട​ര്‍​ക്ക് 1000 രൂ​പ പി​ഴ ചു​മ​ത്തു​ക​യും യാ​ത്ര​ക്കാ​രോ​ട് എ​ങ്ങ​നെ പെ​രു​മാ​റ​ണം എ​ന്ന് പ​ഠി​ക്കാ​നാ​യി എ​ട​പ്പാ​ളി​ലെ ഐ​ഡി​ടി​ആ​റി​ലേ​ക്ക് ഒ​രാ​ഴ്ച​ത്തെ ട്രെ​യി​നിം​ഗി​ന് വി​ടാ​നാ​യി തീ​രു​മാ​നി​ക്കു​ക​യും ചെ​യ്തു.

ഭാ​വി​യി​ല്‍ ഈ ​ക​ണ്ട​ക്ട​ര്‍ ഇ​ത്ത​ര​ത്തി​ലു​ള്ള പെ​രു​മാ​റ്റം തു​ട​രു​ക​യാ​ണെ​ങ്കി​ല്‍ ലൈ​സ​ന്‍​സ് റ​ദ്ദു ചെ​യ്യു​മെ​ന്നും ആ​ര്‍​ടി​ഒ അ​റി​യി​ച്ചു. പാ​ല​ക്കാ​ട് ആ​ര്‍​ടി​ഒ ഓ​ഫീ​സി​ലെ അ​സി​സ്റ്റ​ന്‍റ് മോ​ട്ടോ​ര്‍ വെ​ഹി​ക്കി​ള്‍ ഇ​ന്‍​സ്‌​പെ​ക്ട​ര്‍ ആ​യ പി.​വി. ബി​ജു ആ​ണ് പ​രാ​തി ല​ഭി​ച്ച് ഒ​രു മ​ണി​ക്കൂ​റി​നു​ള്ളി​ല്‍ കു​റ്റ​ക്കാ​ര​നെ​തി​രെ അ​ന്വേ​ഷ​ണം ന​ട​ത്തി കേ​സെ​ടു​ത്ത് ആ​ര്‍​ടി​ഒ​യ്ക്ക് റി​പ്പോ​ര്‍​ട്ട് സ​മ​ര്‍​പ്പി​ച്ച​ത്.

സീ​നി​യ​ര്‍ സി​റ്റി​സ​ണ്‍​സി​നും ഭി​ന്ന​ശേ​ഷി​ക്കാ​ര്‍​ക്കും വി​ദ്യാ​ര്‍​ഥി​ക​ള്‍​ക്കും പ്രൈ​വ​റ്റ് ബ​സു​ക​ളി​ല്‍ ഉ​ണ്ടാ​കു​ന്ന ഇ​ത്ത​ര​ത്തി​ലു​ള്ള അ​വ​ഗ​ണ​ന​ക​ളെ കു​റി​ച്ച് പ​രാ​തി ല​ഭി​ച്ചാ​ല്‍ ക​ര്‍​ശ​ന ന​ട​പ​ടി​യു​ണ്ടാ​കു​മെ​ന്നും ഉ​ദ്യോ​ഗ​സ്ഥ​ർ പ​റ​ഞ്ഞു.

ഇ​ത്ത​ര​ത്തി​ലു​ള്ള സം​ഭ​വ​ങ്ങ​ള്‍ ആ​വ​ര്‍​ത്തി​ക്കു​ന്ന​വ​ര്‍​ക്കെ​തി​രെ​യും ബ​സു​ക​ളി​ല്‍ സീ​റ്റ് സം​വ​ര​ണ​ത്തെ സം​ബ​ന്ധി​ച്ച അ​റി​യി​പ്പ് കൃ​ത്യ​മാ​യി വാ​യി​ക്കാ​വു​ന്ന രീ​തി​യി​ല്‍ പ്ര​ദ​ര്‍​ശി​പ്പി​ക്കാ​ത്ത​വ​ര്‍​ക്കെ​തി​രെ​യും ന​ട​പ​ടി​യെ​ടു​ക്കു​മെ​ന്ന് ആ​ര്‍​ടി​ഒ അ​റി​യി​ച്ചു.