വി​ദ്യാ​ർ​ഥി​ക​ളെ കു​ത്തി​യ ബ​സ് ജീ​വ​ന​ക്കാ​ർ​ക്കെ​തി​രേ വ​ധ​ശ്ര​മ​ത്തി​നു കേ​സ്; ബ​സി​ൽ ക​യ​റ്റാ​ത്ത​ത് ചോ​ദ്യം ചെ​യ്തതാണ് ജീവനക്കാരെ പ്രകോപിപ്പിച്ചത്

കൊ​ച്ചി: കൊ​ച്ചി​യി​ൽ വി​ദ്യാ​ർ​ഥി​ക​ളെ കു​ത്തി​പ്പ​രി​ക്കേ​ൽ​പ്പി​ച്ച സ്വ​കാ​ര്യ ബ​സ് ജീ​വ​ന​ക്കാ​ർ​ക്കെ​തി​രേ വ​ധ​ശ്ര​മ​ത്തി​നു കേ​സ്. എ​റ​ണാ​കു​ളം-​പൂ​ച്ചാ​ക്ക​ൽ റൂ​ട്ടി​ൽ സ​ർ​വീ​സ് ന​ട​ത്തു​ന്ന മം​ഗ​ല്യ ബ​സി​ലെ മൂ​ന്നു ജീ​വ​ന​ക്കാ​ർ​ക്കെ​തി​രേ​യാ​ണ് വ​ധ​ശ്ര​മ​ത്തി​നു കേ​സ് ര​ജി​സ്റ്റ​ർ ചെ​യ്തി​രി​ക്കു​ന്ന​ത്.

മ​ര​ട് ഐ​ടി​ഐ​യി​ലെ ഏ​ഴു വി​ദ്യാ​ർ​ഥി​ക​ൾ​ക്കാ​ണു ബുധനാഴ്ച വൈ​കി​ട്ട് ബ​സ് ജീ​വ​ന​ക്കാ​രു​ടെ കു​ത്തേ​റ്റ​ത്. ബ​സി​ൽ ക​യാ​റ്റാ​ത്ത​ത് ചോ​ദ്യം ചെ​യ്ത വി​ദ്യാ​ർ​ഥി​ക​ൾ​ക്കു​നേ​രെ ബ​സ് ജീ​വ​ന​ക്കാ​ർ ക​ത്തി വീ​ശു​ക​യാ​യി​രു​ന്നു. പ​രി​ക്കേ​റ്റ വി​ദ്യാ​ർ​ഥി​ക​ളെ തൃ​പ്പൂ​ണി​ത്തു​റ താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​വ​രി​ൽ നാ​ലു പേ​രെ എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലേ​ക്കു മാ​റ്റി.

ക​ഴി​ഞ്ഞ ദി​വ​സ​ങ്ങ​ളി​ൽ ഐ​ടി​ഐ വി​ദ്യാ​ർ​ഥി​ക​ൾ ക​യ​റു​ന്ന സ്റ്റോ​പ്പി​ൽ ഈ ​ബ​സ് നി​ർ​ത്തി​യി​രു​ന്നി​ല്ല. ഇ​ത് പ​ല​പ്പോ​ഴും ത​ർ​ക്ക​ത്തി​ലേ​ക്കും വാ​ക്കേ​റ്റ​ത്തി​ലേ​ക്കും വ​ഴി മാ​റി​യി​രു​ന്നു. ഇ​തോ​ടെ വി​ദ്യാ​ർ​ഥി​ക​ൾ സം​ഘ​ടി​ച്ചെ​ത്തി ബ​സ് ത​ട​ഞ്ഞ​താ​ണ് സം​ഘ​ർ​ഷ​ത്തി​നു കാ​ര​ണ​മാ​യ​ത്. വി​ദ്യാ​ർ​ഥി​ക​ൾ ബ​സ് ത​ട​ഞ്ഞ​തോ​ടെ ക്രു​ദ്ധ​രാ​യ ജീ​വ​ന​ക്കാ​ർ ആ​യു​ധ​ങ്ങ​ളു​മാ​യി ആ​ക്ര​മി​ക്കു​ക​യാ​യി​രു​ന്നു.