സോഷ്യൽ മീഡിയയിൽ അശ്രദ്ധമായ ഡ്രൈവിംഗ് വീഡിയോകൾക്കൊപ്പം ശ്രദ്ധയോടെയുള്ള ഡ്രൈവിംഗിലൂടെ വലിയ അപകടങ്ങളിൽ നിന്നും ആളുകൾ രക്ഷപ്പെടുന്ന വീഡിയോകളും പ്രചരിക്കാറുണ്ട്.
അത്തരത്തിൽ മൂന്ന് പേർ അപകടത്തിൽ നിന്നും തലനാരിഴയ്ക്ക് രക്ഷപ്പെട്ട് ജീവിതത്തിലേക്ക് തിരിച്ചെത്തിയ വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്.
തെന്നിക്കിടക്കുന്ന റോഡിൽ ഒരു ബൈക്ക് യാത്രികൻ വീഴുകയും, തൊട്ടുപിന്നാലെ വന്ന മറ്റൊരു ബൈക്കും നിയന്ത്രണം വിട്ട് റോഡിലേക്ക് മറിഞ്ഞു വീഴുകയും ചെയ്തു. ആ സമയത്താണ് എതിരേ ഒരു ബസ് എത്തിയതും.
എന്നാൽ ബസ് ഡ്രൈവറുടെ സമയോചിതമായ ഇടപെടലിലൂടെ മൂവരും തലനാരിഴയ്ക്ക് രക്ഷപ്പെടുകയായിരുന്നു. ബസ് ഡ്രൈവർ മാത്രമല്ല ഒരുമിച്ച് യാത്ര ചെയ്തവനെ വാഹനത്തിനടിയിൽ പോകാതെ വലിച്ചുമാറ്റി രക്ഷിച്ച സഹയാത്രികനും കൈയടി നേടി.
സംഭവം നടന്നത് കേരളത്തിലാണെങ്കിലും കൃത്യമായി സ്ഥലം എവിടെ എന്നതിൽ വ്യക്തത വന്നിട്ടില്ല. പുറകിലൂടെ സഞ്ചരിച്ച കാറിന്‍റെ ഡാഷ് കാമറയിലാണ് അപകടത്തിന്‍റെ ദൃശ്യങ്ങൾ പതിഞ്ഞത്.
വീഡിയോ കാണാൻ ഇവിടെ ക്ലിക്ക് ചെയ്യുക
