തിരുവനന്തപുരം: മോട്ടോർ തൊഴിലാളി കോ-ഓർഡിനേഷൻ കമ്മറ്റി ആഹ്വാനം ചെയ്തിരിക്കുന്ന മോട്ടോർ വാഹന പണിമുടക്ക് നാളെ. സ്വകാര്യ ബസുകൾ, ടാക്സി, ഓട്ടോ തുടങ്ങിയ വാഹനങ്ങൾ നാളെ റോഡിലിറങ്ങില്ല. എന്നാൽ, കെഎസ്ആർടിസി ബസുകൾ സർവീസ് നടത്തും.
50 ശതമാനത്തിലേറെ കൂട്ടിയ ഇൻഷ്വറൻസ് പ്രീമിയം പിൻവലിക്കണം എന്ന ആവശ്യം ഉന്നയിച്ചാണ് ഇന്ന് അർധരാത്രി മുതൽ 31 അർധ രാത്രി വരെ 24 മണിക്കൂർ മോട്ടോർ വാഹന പണിമുടക്ക് നടത്തുന്നത്. പണിമുടക്കിൽനിന്നു വിട്ടുനിൽക്കാൻ ബിഎംഎസ് മോട്ടോർ ഫെഡറേഷനുകളുടെ സംയുക്തയോഗം തീരുമാനിച്ചു.
