ചെന്നൈ: ശമ്പളവർധനയടക്കം ആറിന ആവശ്യങ്ങൾ മുന്നോട്ടുവച്ച് തമിഴ്നാട്ടിലെ ഒരു വിഭാഗം സർക്കാർ ബസ് ജീവനക്കാർ പ്രഖ്യാപിച്ച പണിമുടക്ക് ആരംഭിച്ചു. ഇന്നലെ രാത്രി 12 മുതൽ ഇന്നു രാത്രി 12 വരെയാണു പണിമുടക്ക്. സിഐടിയു, എഐഎഡിഎംകെ യൂണിയൻ ആയ എടിപി എന്നിവയിലെ അംഗങ്ങളാണു പണിമുടക്കുന്നത്.
ഡിഎംകെ അനുകൂല യൂണിയൻ ആയ എല്‍പിഎഫ്, എഐടിയുസി തുടങ്ങിയവർ പണിമുടക്കിൽ പങ്കെടുക്കുന്നില്ല. യൂണിയനുകളുടെ ആവശ്യം പൊങ്കലിനു മുൻപ് അംഗീകരിക്കില്ലെന്ന് സർക്കാർ വ്യക്തമാക്കിയതോടെയാണു പണിമുടക്കിലേക്കു സംഘടനകൾ കടന്നത്.
കേരളത്തിലേക്ക് ഉൾപ്പടെയുള്ള ദീർഘദൂര ബസ് സർവീസുകളെ പണിമുടക്കു ബാധിക്കും. ജോലിക്ക് വരുന്നവരുടെ സുരക്ഷയ്ക്കായി 21,000 പോലീസുകാരെ നിയോഗിച്ചിട്ടുണ്ട്. പൊങ്കലിനോടനുബന്ധിച്ച് 19,000 ബസുകൾ സർവീസ് നടത്തുമെന്നു ഗതാഗതമന്ത്രി വ്യക്തമാക്കി.
