പേരാമ്പ്ര: യാത്രക്കാരിയെ രാത്രിയില്‍ വിജനമായ സ്ഥലത്ത് ഇറക്കിവിട്ടതില്‍ പ്രതിഷേധിച്ച് നാട്ടുകാര്‍ സ്വകാര്യ ബസ് തടഞ്ഞു. ഇന്നലെ രാത്രി എട്ടോടെയാണ് സംഭവം. ബസ് ജീവനക്കാരന് മര്‍ദനമേറ്റു. പേരാമ്പ്ര പോലീസ് സ്ഥലത്തെത്തിയാണ് പ്രശ്‌നം അവസാനിപ്പിച്ചത്.
കോഴിക്കോട് നിന്ന് കുറ്റ്യാടിയിലേക്ക് പോകുന്ന ബസില്‍ യാത്ര ചെയ്ത വിദ്യാര്‍ഥിനി രാത്രിയായതിനാല്‍ വീടിന് സമീപത്ത് ബസ് നിര്‍ത്തുമോ എന്ന് കണ്ടക്ടറോട് ചോദിച്ചിരുന്നു. കടിയങ്ങാട് പാലത്തിനും വെളുത്ത പറമ്പത്ത് സ്റ്റോപ്പിനും ഇടയിലായിരുന്നു ഇറങ്ങേണ്ടിയിരുന്നത്.
കണ്ടക്ടര്‍ നിര്‍ത്താമെന്ന് പറഞ്ഞെങ്കിലും ബസ് നിര്‍ത്തിയത് ഏറെ ദൂരം മുന്നോട്ട് പോയി കയ്യേലി പാലത്തിന് സമീപം വിജനമായ സ്ഥലത്താണെന്നാണ് പരാതി. ഇതില്‍ പ്രതിഷേധിച്ചാണ് ബസ് തിരികെ ഉള്ളിയേരിയിലേക്ക് പോകുമ്പോള്‍ തടഞ്ഞതെന്നാണ് വിവരം. ഇതോടെ ബസിന്‍റെ ട്രിപ്പ് മുടങ്ങി.ഞു ന്
