ബംഗളൂരു: മകന്‍ ആര്യന്‍ ഖാന്‍ മയക്കുമരുന്നുകേസില്‍ അറസ്റ്റിലായതിനെത്തുടര്‍ന്ന് ബോളിവുഡ് താരം ഷാരൂഖ് ഖാന്‍ അഭിനയിക്കുന്ന പരസ്യങ്ങള്‍ ഓണ്‍ലൈന്‍ വിദ്യാഭ്യാസ സംവിധാനമായ ബൈജൂസ് ആപ്പ് നിര്‍ത്തിവച്ചു.
സമൂഹമാധ്യമങ്ങളില്‍ വിമര്‍ശനം ഉയര്‍ന്ന പശ്ചാത്തലത്തിലാണ് മുന്‍കൂട്ടി ബുക്ക്‌ ചെയ്ത പരസ്യങ്ങള്‍ ഉള്‍പ്പെടെ പിന്‍വലിച്ചതെന്ന് ബൈജൂസ് ആപ്പുമായി അടുപ്പമുള്ള കേന്ദ്രങ്ങള്‍ അറിയിച്ചു.
ഇക്കാര്യത്തില്‍ പ്രതികരണത്തിന് കമ്പനി തയാറായിട്ടില്ല. 2017 മുതല്‍ ബൈജൂസ് ആപ്പിന്‍റെ ബ്രാന്‍ഡ് അംബാസഡറാണ് ഷാരൂഖ്.
