ന്യൂഡൽഹി: കനേഡിയൻ ടിക് ടോക് താരം മേഘ താക്കൂർ (21) അന്തരിച്ചു. രക്ഷിതാക്കളാണ് മരണ വാർത്ത പുറത്തു വിട്ടത്.
കാനഡയിലായിരുന്നു അന്ത്യം. 9,30,000 ൽ അധികം ഫോളോവേഴ്സ് ഉള്ള ടിക് ടോക് താരമാണ് മേഘ.
ശരീരത്തിനും മനസിനും ഉണർവ് നൽകുന്ന ഉള്ളടക്കങ്ങളാണ് മേഘ പങ്കുവച്ചിരുന്നത്. നിരന്തരം നൃത്ത വീഡിയോകളും പങ്കുവച്ചു.
രക്ഷിതാക്കൾ മേഘയുടെ ഇൻസ്റ്റഗ്രാം പോസ്റ്റിലാണ് മരണവാർത്ത അറിയിച്ചത്. മേഘയ്ക്ക് ഒരു വയസുള്ളപ്പോഴാണ് മാതാപിതാക്കൾ കാനഡയിലേക്ക് താമസം മാറിയത്.
2019 ൽ മേഫീൽഡ് സെക്കൻഡറി സ്കൂളിൽ നിന്ന് പാസായ ശേഷം വെസ്റ്റേൺ യൂണിവേഴ്സിറ്റിയിൽ ചേർന്നു. കോളജിൽ പഠിക്കുമ്പോൾ അവൾ ടിക് ടോക് വീഡിയോകൾ ചെയ്തു തുടങ്ങി.
