ഓ​ൺ​ലൈ​ൻ ഭ​ക്ഷ​ണ​വി​ത​ര​ണ​ത്തി​ന്‍റെ മ​റ​വി​ൽ ക​ഞ്ചാ​വ് വിൽപന; ര​ണ്ടു​പേ​ർ പി​ടി​യി​ൽ

കി​ഴ​ക്ക​മ്പ​ലം: പ​ള്ളി​ക്ക​ര മ​ന​ക്ക​ക​ട​വി​ൽ വ​ൻ ക​ഞ്ചാ​വ് വേ​ട്ട. 18.5 കി​ലോ ക​ഞ്ചാ​വു​മാ​യി ര​ണ്ടു​പേ​ർ പോ​ലീ​സ് പി​ടി​യി​ൽ. തൃ​ശു​ർ കൊ​ടു​ങ്ങ​ല്ലൂ​ർ ക​രു​മാ​ത്ര ക​രു​പ്പ​ട​ന്ന ഭാ​ഗ​ത്ത് ചീ​നി​ക്കാ​പ്പു​റ​ത്ത് വീ​ട്ടി​ൽ ഫാ​ദി​ൽ (23), പാ​ല​ക്കാ​ട് ശ്രീ​കൃ​ഷ്ണ​പു​രം ച​ന്ത​പ്പു​ര ല​ക്ഷം​വീ​ട്ടി​ൽ ര​തീ​ഷ് (23) എ​ന്നി​വ​രെ​യാ​ണ് ത​ടി​യി​ട്ട​പ​റ​മ്പ് പോ​ലീ​സ് പി​ടി​കൂ​ടി​യ​ത്.

ഓ​പ്പ​റേ​ഷ​ൻ ക്ലീ​നി​ന്‍റെ ഭാ​ഗ​മാ​യി ജി​ല്ലാ പോ​ലീ​സ് മേ​ധാ​വി ഡോ​ക്ട​ർ വൈ​ഭ​വ് സ​ക്സേ​ന​യു​ടെ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ഇ​വ​ർ ക​സ്റ്റ​ഡി​യി​ലാ​യ​ത്. മ​ന​ക്ക​ക്ക​ട​വ് പാ​ല​ത്തി​ന് സ​മീ​പം ക​ഞ്ചാ​വ് വി​ൽ​പ്പ​ന​യ്ക്ക് എ​ത്തി​യ​പ്പോ​ഴാ​ണ് ഫാ​ദി​ലി​നെ അ​റ​സ്റ്റ് ചെ​യ്യു​ന്ന​ത്.

ഇ​യാ​ളു​ടെ കൈ​യി​ൽ ര​ണ്ട് ബാ​ഗു​ക​ളാ​ണ് ഉ​ണ്ടാ​യി​രു​ന്ന​ത്. ഒ​രു ബാ​ഗി​ൽ അ​ഞ്ച് പാ​യ്ക്ക​റ്റി​ലും അ​ടു​ത്ത ബാ​ഗി​ൽ നാ​ല് പാ​യ്ക്ക​റ്റി​ലും ക​ഞ്ചാ​വ് പൊ​തി​ഞ്ഞ് സൂ​ക്ഷി​ച്ചി​രി​ക്കു​ക​യാ​യി​രു​ന്നു.

ര​തീ​ഷ് പ​റ​യു​ന്ന​യാ​ൾ​ക്ക് ക​ഞ്ചാ​വ് കൈ​മാ​റു​ന്ന​തി​നാ​ണ് ഫാ​ദി​ൽ എ​ത്തി​യ​ത്. ഫാ​ദി​ലി​നെ പി​ടി​കു​ടി​യ​ത​റി​ഞ്ഞ് ര​തീ​ഷ് ഒ​ളി​വി​ൽ പോ​യി. തു​ട​ർ​ന്ന് പ്ര​ത്യേ​ക അ​ന്വേ​ഷ​ണ​സം​ഘം പാ​ല​ക്കാ​ടേ​ക്ക് തി​രി​ച്ചു. ശ്രീ​കൃ​ഷ്ണ​പു​ര​ത്തു ന​ട​ന്ന പ​രി​ശോ​ധ​ന​യി​ൽ ര​തീ​ഷി​നെ സാ​ഹ​സി​ക​മാ​യി പി​ടി​കൂ​ടി.

ക​ള​മ​ശേ​രി ഭാ​ഗ​ത്തെ ലോ​ഡ്ജി​ലാ​ണ് വി​ൽ​പ്പ​ന​യ്ക്കാ​യി ക​ഞ്ചാ​വ് സൂ​ക്ഷി​ച്ചി​രു​ന്ന​ത്. ക​ഴി​ഞ്ഞ​ദി​വ​സം ബി​നാ​നി​പു​ര​ത്ത് അ​റ​സ്റ്റി​ലാ​യ യു​വ​തി ഉ​ൾ​പ്പെ​ടെ​യു​ള്ള ആ​റ് പേ​ർ ര​തീ​ഷി​ന്‍റെ സു​ഹൃ​ത്തു​ക്ക​ളാ​ണ്.

ഓ​ൺ​ലൈ​ൻ ഭ​ക്ഷ​ണ​വി​ത​ര​ണ​ത്തി​ന്‍റെ മ​റ​വി​ൽ ക​ഞ്ചാ​വ് വി​ൽ​ക്കു​ന്ന ഇ​വ​രി​ൽ​നി​ന്ന് ആ​റ​ര കി​ലോ ക​ഞ്ചാ​വാ​ണ് അ​ന്ന് ക​ണ്ടെ​ടു​ത്ത​ത്. സ്ഥി​ര​മാ​യി ക​ഞ്ചാ​വ് വി​ൽ​ക്കു​ന്ന കേ​ര​ള​ത്തി​ലെ വ​ൻ ക​ഞ്ചാ​വ് വി​ൽ​പ്പ​ന സം​ഘ​മാ​ണ് പി​ടി​യി​ലാ​യ​വ​ർ. ഇ​വ​രെ വി​ശ​ദ​മാ​യി ചോ​ദ്യം ചെ​യ്തു​വ​രു​ന്നു.