വീട്ടുമുറ്റത്തെ ച​പ്പു​ച​വ​റി​ൽനി​ന്നു  തീ റോഡിലേക്ക് പടർന്നു;  പാർക്ക് ചെയ്ത  കാർ  കത്തിനശിച്ചു; നാട്ടുകാരുടെ ഇടപെടലിൽ ഒഴിവായത് വൻദുരന്തം

തിരുവനന്തപുരം:  ച​പ്പു ച​വ​റു​ക​ളി​ൽ  നി​ന്നും പ്ലാ​സ്റ്റി​ക് മാ​ലി​ന്യ​ത്തി​ൽ നി​ന്നും പ​ട​ർ​ന്ന തീ ​സ​മീ​പ​ത്ത് പാ​ർ​ക്ക് ചെ​യ്തി​രു​ന്ന കാ​റി​ലേ​യ്ക്ക് വ്യാ​പി​ച്ചു.

നാ​ട്ടു​കാ​രു​ടെ സ​മ​യോ​ചി​ത​മാ​യ ഇ​ട​പെ​ട​ലി​ൽ തീ ​കെ​ടു​ത്തി​യ​തി​നാ​ൽ തൊ​ട്ട​ടു​ത്തു​ണ്ടാ​യി​രു​ന്ന മ​റ്റു കാ​റു​ക​ളി​ലേ​യ്ക്ക് പ​ട​ർ​ന്നി​ല്ല. ഇ​ന്ന​ലെ വൈ​കി ക​ണ്ണ​മ്മൂ​ല ഡ്രെ​യി​നേ​ജ് റോ​ഡി​ലാ​ണ് സം​ഭ​വം.

റോ​ഡി​നോ​ടു ചേ​ർ​ന്നു​ള്ള പു​ര​യി​ട​ത്തി​ലാ​ണ് ച​പ്പു​ച​വ​റു​ക​ൾ​ക്ക് തീ ​പി​ടി​ച്ച​ത്. തീ ​ചു​റ്റു​മ​തി​ലി​നേ​ക്കാ​ൾ ഉ​യ​ർ​ന്നു പൊ​ങ്ങു​ക​യും ഗേ​റ്റി​നി​ട​യി​ലൂ​ടെ പു​റ​ത്തേ​യ്ക്ക് വ്യാ​പി​ക്കു​ക​യും ചെ​യ്തു. 

ഗേ​റ്റി​നു സ​മീ​പം ഉ​ട​മ​സ്ഥ​നി​ല്ലാ​തെ വ​ർ​ഷ​ങ്ങ​ളാ​യി പാ​ർ​ക്ക് ചെ​യ്തി​രു​ന്ന പ​ഴ​യ കാ​റി​ലേ​യ്ക്ക് തീ​പ​ട​ർ​ന്നു. പ​ഴ​യ കാ​റി​ന്‍റെ ഡോ​ർ ഉ​ൾ​പ്പെ​ടെ ദ്ര​വി​ച്ച​തി​നാ​ൽ തീ ​വ​ള​രെ വേ​ഗം കാ​റി​നു​ള്ളി​ലേ​യ്ക്കും പ​ട​ർ​ന്നു.

തീ​യും പു​ക​യും ഉ​യ​ർ​ന്ന​തോ​ടെ സ​മീ​പ​വാ​സി​ക​ൾ പ​രി​ഭ്രാ​ന്ത​രാ​യി. ഈ ​സ​മ​യ​ത്ത് നാ​ട്ടു​കാ​ർ പ​രി​സ​ര​ത്തെ വീ​ടു​ക​ളി​ൽ നി​ന്ന് വെ​ള്ള​മെ​ത്തി​ച്ച് ഏ​റെ നേ​ര​ത്തെ പ​രി​ശ്ര​മ​ത്തി​നൊ​ടു​വി​ൽ തീ ​കെ​ടു​ത്തു​ക​യാ​യി​രു​ന്നു.

തീ ​പി​ടി​ച്ച കാ​ർ വ​ർ​ഷ​ങ്ങ​ളാ​യി മാ​ർ​ഗ​ത​ട​സ​മു​ണ്ടാ​ക്കി റോ​ഡി​ൽ ഉ​പേ​ക്ഷി​ച്ചി​രി​ക്കു​ക​യാ​ണെ​ന്ന് സ​മീ​പ വാ​സി​ക​ൾ പ​റ​ഞ്ഞു. തൊ​ട്ട​ടു​ത്ത് നി​ര​വ​ധി കാ​റു​ക​ൾ ഉ​ണ്ടാ​യി​രു​ന്നെ​ങ്കി​ലും വ​ള​രെ വേ​ഗം തീ ​കെ​ടു​ത്തി​യ​തി​നാ​ൽ വ​ലി​യ അ​പ​ക​ടം ഒ​ഴി​വാ​കു​ക​യാ​യി​രു​ന്നു.