ജീവനാണോ ലക്ഷങ്ങളാണോ വലുതെന്ന ചോദ്യത്തിന് കണ്ണുംപൂട്ടി ജീവന്‍ എന്ന് ഉത്തരം കൊടുക്കാന്‍ സാധിക്കുന്ന ചില നിമിഷങ്ങളുണ്ടാവും. ഏതൊരാളുടെയും ജീവിതത്തില്‍. അതിന് സമാനമായ ഒരു സംഭവത്തിന്റെ വീഡിയോയാണ് ഇപ്പോള്‍ വൈറലായിരിക്കുന്നത്. ഉത്തരാഖണ്ഡില്‍ പ്രളയത്തില്‍ പെട്ട ഒരു കാറിന്റെയും അതിന്റെ ഉള്ളിലുണ്ടായിരുന്ന ആളുകളുടെയും അവസ്ഥയാണ് ഞെട്ടിക്കുന്ന ഈ വീഡിയോയിലുള്ളത്.
ഉത്തരഖണ്ഡിലെ പ്രളയത്തിന്റെ ഭീകരത തുറന്നുകാട്ടുന്ന ദൃശ്യങ്ങളിലൊന്നാണിത്. കനത്തമഴയെത്തുടര്‍ന്ന് ഹല്‍ദാനി ജില്ലയില്‍ വെള്ളംപൊങ്ങിയിരിക്കുകയാണ്. അപ്രതീക്ഷിതമായി കുത്തിയൊലിച്ചെത്തിയ വെള്ളത്തില്‍ കാര്‍ ഒഴുകിപോകുന്ന ദൃശ്യങ്ങളാണ് വൈറലാകുന്നത്.
വെള്ളംനിറഞ്ഞ റോഡില്‍ അകപ്പെട്ട രണ്ടുകാറുകളില്‍ നിന്നും ഓട്ടോറിക്ഷയില്‍ നിന്നും ഡ്രൈവറും യാത്രക്കാരും രക്ഷപ്പെട്ടത് ഭാഗ്യം ഒന്നുകൊണ്ടുമാത്രമാണ്. വെള്ളനിറത്തിലുള്ള കാറിന്റെ സമീപത്തായി മറ്റൊരു ചുവപ്പ് കാറും ഒപ്പം ഓട്ടോറിക്ഷയും ദൃശ്യങ്ങളില്‍ കാണാം. ഇതില്‍ നിന്നുമാണ് യാത്രക്കാര്‍ പ്രാണന്‍ കൈയില്‍പിടിച്ച് രക്ഷപെട്ടത്.
വെള്ളം കുത്തിയൊലിച്ചുവന്നതോടെ വെള്ളക്കാര്‍ ചുവന്ന വണ്ടിയുടെ സമീപത്തേക്ക് നീങ്ങി, ഡ്രൈവര്‍ക്ക് കാറുതുറക്കാന്‍ സാധിക്കാത്തവിധം അകപ്പെട്ടുപോയി. എങ്കിലും കാറിന്റെ ജനാലയിലൂടെ അടുത്ത കാറിന്റെ മുകളിലേക്ക് കയറി. ഡ്രൈവര്‍ കയറിയ അതേനിമിഷം വെള്ളനിറത്തിലുള്ള കാര്‍ മലവെള്ളപാച്ചിലിനൊപ്പം ഒഴുകിയും പോയി.
#WATCH: Passengers in 2 cars & auto rickshaw escape just before 1 of the cars on flooded street gets washed away in water in Haldwani. The second car was also washed away after some time. #Uttarakhand pic.twitter.com/9C9J7nZadH
— ANI (@ANI) July 30, 2018
