ഫ്ലൈ ഓവറിലൂടെ കത്തിക്കൊണ്ടിരിക്കുന്ന കാര്‍ നീങ്ങി വരുന്ന ഭയപ്പെടുത്തുന്ന വീഡിയോ ആണിപ്പോൾ വൈറലാകുന്നത്. ജയ്പൂരിലെ അജ്മീർ റോഡിൽ സുദർശൻപുര പുലിയയിലേക്ക് പോകുകയായിരുന്ന കാറാണ് കത്തിയത്. എന്നാൽ കാറിനുള്ളിൽ ഡ്രൈവർ ഇല്ലായിരുന്നു.
പകുതിയിൽ കൂടുതൽ കത്തിയ നിലയിലായ കാർ മുന്നോട്ട് നീങ്ങുന്പോൾ ധാരാളം ബൈക്കുകളെയും ആളുകളെയും റോഡില്‍ കാണാം. സുദർശൻപുര പുലിയയിലെ മാനസരോവറിലെ ജേണലിസ്റ്റ് കോളനിയിലുള്ള ദിവ്യ ദർശന്‍ അപ്പാർട്ട്മെന്‍റിലെ താമസക്കാരനായ ജിതേന്ദ്ര ജംഗിദ് ആണ് കാർ ഓടിച്ചിരുന്നതെന്നാണ് പുറത്തു വരുന്ന റിപ്പോർട്ട്.
വാഹനത്തിന്‍റെ എയർ കണ്ടീഷനിംഗ് യൂണിറ്റിൽ നിന്ന് പുക ഉയരുന്നത് കണ്ടതോടെ ജിതേന്ദ്രൻ സഹോദരനെ വിളിച്ചു. അദ്ദേഹം പറഞ്ഞതനുസരിച്ച് ജിതേന്ദ്രൻ കാറിന്‍റെ ബോണറ്റ് ഉയർത്തി നോക്കി. അപ്പോഴേക്കും എഞ്ചിനില്‍ നിന്നും തീ ഉയർന്നു വന്നു. ഇതിനിടെ ഹാന്‍റ് ബ്രേക്ക് ഇട്ടിരുന്ന കാര്‍ പെട്ടെന്ന് മുന്നോട്ട് നീങ്ങി. പിന്നാലെ ഫ്ലൈ ഓവറിന്‍റെ ചരിവിലൂടെ വാഹനം മൂന്നോട്ട് നീങ്ങുകയായിരുന്നു.
അഗ്നിശമന സേന എത്തി കാറിന്‍റെ തീ അണച്ചു. സേന എത്തുന്പോഴേക്കും കാർ പകുതിയിൽ കൂടുതൽ കത്തിപ്പോയിരുന്നു.
