ന്യൂയോർക്ക്: പുരുഷ ടെന്നീസിൽ പുത്തൻ താരോദയം…! സ്പെയ്നിന്‍റെ കാർലോസ് അൽക്കാരസ്. നോർവെയുടെ കാസ്പർ റൂഡിന്‍റെ കിരീടമോഹത്തെ തല്ലിയുടച്ച് അൽക്കാരസ് യുഎസ് ഓപ്പണ്‍ പുരുഷ സിംഗിൾസ് കിരീടം ചൂടി. സ്കോർ: 6-4, 2-6, 7-6, 6-3.
മൂന്നാം സീഡായ അൽക്കാരസ് നാലു സെറ്റുകൾ നീണ്ട വാശിയേറിയ പോരാട്ടത്തിലാണ് 23കാരനായ റൂഡിനെ കീഴടക്കിയത്. ആദ്യ സെറ്റ് മികച്ച പ്രകടത്തിൽ നേടിയ അൽക്കാരസ് രണ്ടാം സെറ്റ് നഷ്ടപ്പെ ടുത്തി. പിന്നീട് മികച്ച പോരാട്ടത്തിലൂടെ മൂന്നും നാലും സെറ്റ് സ്വന്തമാക്കി വിജയം നേടി.
അൽക്കാരസിന്‍റെ ചരിത്രനേട്ടം
സ്പാനിഷ് താരത്തിന്‍റെ കന്നി ഗ്രാൻസ്‌ലാം കിരീടമാണിത്. യുഎസ് ഓപ്പണ്‍ കിരീടം നേടുന്ന ഏറ്റവും പ്രായകുറഞ്ഞ താരമാണ് 19 വയസുകാരനായ അൽക്കാരസ്. കിരീടനേട്ടത്തോടെ ലോക ഒന്നാം നന്പർ റാങ്കും അൽക്കാരസ് സ്വന്തമാക്കി.
