സ്വ​ർ​ണ്ണം എ​വി​ടേ​ക്കു മാ​റ്റി​ ? സ്വർണത്തിനു പകരം മുക്കുപണ്ടം! സ്വകാര്യ പണമിടപാട് സ്ഥാപനത്തില്‍നിന്നും തിരിമറി നടത്തിയത് ഒന്നരക്കോടി രൂപ

പാ​ലാ: സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ൽ​നി​ന്നും ഒ​ന്ന​ര​ക്കോ​ടി രൂ​പ​യു​ടെ തി​രി​മ​റി ന​ട​ത്തി​യ കേ​സി​ൽ സ്ഥാ​പ​ന​ത്തി​ലെ ത​ന്നെ ര​ണ്ടു ജീ​വ​ന​ക്കാ​രെ പാ​ലാ പോ​ലീ​സ് അ​റ​സ്റ്റ് ചെ​യ്തു.

വാ​ഴൂ​ർ കൃ​ഷ്മ ​ഭ​വ​നി​ൽ അ​ഭി​ജി​ത് കെ. ​മ​നോ​ജ്, തോ​ട​നാ​ൽ പ​ന്ത​ക്കു​റ്റി​യി​ൽ ദേ​വ​ജി​ത് എ​ന്നി​വ​രാ​ണ് അ​റ​സ്റ്റി​ലാ​യ​ത്.

സ്ഥാ​പ​ന​ത്തി​ൽ പ​ണ​യ​മാ​യി വ​ച്ചി​രു​ന്ന സ്വ​ർ​ണ ഉ​രു​പ്പ​ടി​ക​ൾ തി​രി​മ​റി ന​ട​ത്തി ഒ​ന്ന​രക്കോടി രൂ​പ ത​ട്ടി​യെ​ടു​ത്തെ​ന്നാ​ണു കേ​സ്. കെ​പി​ബി നി​ധി ലി​മി​റ്റ​ഡ് എ​ന്ന സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ലെ ജീ​വ​ന​ക്കാ​രാ​ണു പി​ടി​യി​ലാ​യ​ത്.

സ്ഥാ​പ​ന​ത്തി​ന്‍റെ മാ​നേ​ജ​ർ കൂ​ത്താ​ട്ടു​കു​ളം സ്വ​ദേ​ശി വി​ജ​യ​കു​മാ​ര​ൻ നാ​യ​ർ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണു പോ​ലീ​സ് അ​ന്വേ​ഷ​ണം ആ​രം​ഭി​ച്ച​ത്.

സ്ഥാ​പ​നം ന​ട​ത്തി​യ ഓ​ഡി​റ്റിം​ഗി​ൽ ന​ഷ്ടം തി​രി​ച്ച​റി​ഞ്ഞ​തി​നെ​ത്തു​ട​ർ​ന്നാ​ണ് ഈ​ടാ​യി വാ​ങ്ങി​യ സ്വ​ർ​ണ്ണം സം​ബ​ന്ധി​ച്ചു പ​രി​ശോ​ധ​ന ന​ട​ത്തി​യ​ത്. സ്വ​ർ​ണ്ണ​ത്തി​നു പ​ക​രം മു​ക്കു​പ​ണ്ടം സൂ​ക്ഷി​ച്ചി​രു​ന്ന​താ​യി ക​ണ്ടെ​ത്തി.

ചി​ല വാ​യ്പ​ക​ൾ​ക്ക് നി​ശ്ചി​ച്ച പ​രി​ധി​യി​ലും കു​റ​ഞ്ഞ അ​ള​വി​ലാ​ണ് സ്വ​ർ​ണ്ണം ഈ​ടാ​യി സൂ​ക്ഷി​ച്ചി​രു​ന്ന​തെ​ന്ന് പോ​ലീ​സ് പ​റ​ഞ്ഞു.

ചി​ല വാ​യ്പ​ക​ൾ​ക്ക് സ്വ​ർ​ണ്ണം ഈ​ടാ​യു​ണ്ടെ​ന്ന് രേ​ഖ​ക​ളി​ൽ തി​രി​മ​റി കാ​ണി​ച്ച​താ​യും പോ​ലീ​സ് പ​റ​ഞ്ഞു.

ജീ​വ​ന​ക്കാ​ര​ല്ലാ​ത്ത​വ​രും തി​രി​മ​റി​യി​ൽ ഉ​ൾ​പ്പെ​ട്ടി​ട്ടു​ണ്ടെ​ന്നും പോ​ലീ​സ് ക​രു​തു​ന്നു. ഇ​വ​രെ ക​ണ്ടെ​ത്തു​വാ​നു​ള്ള ശ്ര​മ​ത്തി​ലാ​ണ് അ​ന്വേ​ഷ​ണ​സം​ഘം.

സ്വ​ർ​ണ്ണം എ​വി​ടേ​ക്കു മാ​റ്റി​യെ​ന്ന​തും പോ​ലീ​സ് പ​രി​ശോ​ധി​ച്ചു വ​രി​ക​യാ​ണ്. സ്ഥാ​പ​ന​ത്തി​ൽ പ​ണ​യ​മാ​യി വ​ച്ചി​രു​ന്ന മൂ​ന്ന​ര കി​ലോ സ്വ​ർ​ണ്ണ ഉ​രു​പ്പ​ടി​ക​ൾ തി​രി​മ​റി ന​ട​ത്തി​യെ​ന്നാ​ണു ക​ണ​ക്കാ​ക്കു​ന്ന​ത്. പി​ടി​യി​ലാ​യ പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

പാ​ലാ ഡി​വൈ​എ​സ്പി ഷാ​ജു ജോ​സ്, എ​സ്എ​ച്ച്ഒ കെ.​പി. ടോം​സ​ൻ, എ​സ്ഐ എം.​ഡി. അ​ഭി​ലാ​ഷ്, എ​സ്ഐ രാ​ധാ​കൃ​ഷ്ണ​ൻ, എ​സ്ഐ ഷാ​ജി കു​ര്യാ​ക്കോ​സ്, എ​എ​സ്ഐ ബി​ജു കെ. ​തോ​മ​സ്, എ​സ്‌​സി​പി​ഒ ഷെ​റി​ൻ സ്റ്റീ​ഫ​ൻ എ​ന്നി​വ​ർ ചേ​ർ​ന്നാ​ണു പ്ര​തി​കളെ അ​റ​സ്റ്റ് ചെ​യ്ത​ത്.