മു​ക്കു​പ​ണ്ടം പ​ണ​യം​വ​ച്ച് തട്ടിയെുത്തത്‌ 40 ല​ക്ഷം; ര​ണ്ട് സ​ഹ​ക​ര​ണ ബാ​ങ്ക് ജീ​വ​ന​ക്കാ​ർ​ക്കെ​തി​രെ ന​ട​പ​ടി; സംഭവം മൂ​ടി​വ​യ്ക്കാ​ൻ ശ്ര​മം ന​ട​ന്നി​രു​ന്നു…

തി​രു​വ​ല്ല: മു​ക്കു​പ​ണ്ട​മ​ട​ക്കം പ​ണ​യം​വ​ച്ച് 40 ല​ക്ഷ​ത്തോ​ളം രൂ​പ ത​ട്ടി​യെ​ടു​ത്ത സം​ഭ​വ​ത്തി​ൽ തി​രു​വ​ല്ല അ​ർ​ബ​ൻ സ​ഹ​ക​ര​ണ ബാ​ങ്കി​ലെ ര​ണ്ട് ജീ​വ​ന​ക്കാ​ർ​ക്ക് സ​സ്പെ​ൻ​ഷ​ൻ.

ഓ​ഡി​റ്റ് വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ ത​ട്ടി​പ്പ് മ​ന​സി​ലാ​യെ​ങ്കി​ലും ഇ​തു മൂ​ടി​വ​യ്ക്കാ​ൻ ശ്ര​മം ന​ട​ന്നി​രു​ന്നു. എ​ന്നാ​ൽ സം​ഭ​വം പു​റം​ലോ​ക​ത്ത് അ​റി​ഞ്ഞ​തോ​ടെ​യാ​ണ് ന​ട​പ​ടി​ക​ളി​ലേ​ക്കു ക​ട​ന്ന​ത്.

ബാ​ങ്കി​ന്‍റെ തി​രു​വ​ല്ല പ്ര​ധാ​ന ശാ​ഖ​യി​ലെ സീ​നി​യ​ർ ക്ലാ​ർ​ക്കും കാ​വും​ഭാ​ഗം സ്വ​ദേ​ശി​നി​യു​മാ​യ പ്രീ​ത ഹ​രി​ദാ​സ്, പൊ​ടി​യാ​ടി ശാ​ഖ​യി​ലെ ക്ലാ​ർ​ക്കും വൈ​ക്ക​ത്തി​ല്ലം സ്വ​ദേ​ശി​നി​യു​മാ​യ പു​ഷ്പ​ല​ത എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി.

സ്വ​ർ​ണ​പ്പ​ണ​യ ഇ​ട​പാ​ടി​ൽ 40 ല​ക്ഷ​ത്തോ​ളം രൂ​പ​യു​ടെ ത​ട്ടി​പ്പ് ന​ട​ന്ന​താ​യി ബാ​ങ്ക് ഭ​ര​ണ മി​തി ന​ട​ത്തി​യ അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. ഇ​തേ തു​ട​ർ​ന്നാ​ണ് ന​ട​പ​ടി​യെ​ന്ന് പ​റ​യു​ന്നു.

സ​സ്പെ​ൻ​ഷ​നി​ലാ​യ ജീ​വ​ന​ക്കാ​രു​ടെ​യും ബ​ന്ധു​ക്ക​ളു​ടെ​യും പേ​രി​ലാ​ണ് സ്വ​ർ​ണ​പ്പ​ണ​യം വ​ച്ചി​രു​ന്ന​ത്.

ബാ​ങ്കി​ന്‍റെ ക​റ്റോ​ട്, തി​രു​വ​ല്ല, പൊ​ടി​യാ​ടി ശാ​ഖ​ക​ളി​ലെ സ്ഥി​ര നി​ക്ഷേ​പ​ക​രു​ടെ അ​ക്കൗ​ണ്ടി​ൽ നി​ന്നും വ്യാ​ജ വൗ​ച്ച​ർ ഉ​പ​യോ​ഗി​ച്ച് ബാ​ങ്ക് ജീ​വ​ന​ക്കാ​ര​ട​ങ്ങു​ന്ന സം​ഘം ല​ക്ഷ​ക്ക​ണ​ക്കി​ന് രൂ​പ ത​ട്ടി​യ​താ​യും ബാ​ങ്ക് അ​ധി​കൃ​ത​ർ ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്.

ഇ​ത് സം​ബ​ന്ധി​ച്ച കൂ​ടു​ത​ൽ അ​ന്വേ​ഷ​ണം ന​ട​ന്നു വ​രി​ക​യാ​ണെ​ന്ന് ബാ​ങ്ക് അ​ധി​കൃ​ത​ർ പ​റ​ഞ്ഞു.

സ്വ​ർ​ണ​പ്പ​ണ​യ​വും വ്യാ​ജ വൗ​ച്ച​ർ ഉ​പ​യോ​ഗി​ച്ച് പ​ണം ത​ട്ടി​യ​തു​മാ​യ സം​ഭ​വ​ങ്ങ​ളി​ൽ മൂ​ന്ന് ബ്രാ​ഞ്ചു​ക​ളി​ലെ ഉ​ദ്യോ​ഗ​സ്ഥ​ർ അ​ട​ക്ക​മു​ള്ള ഏ​താ​നും ജീ​വ​ന​ക്കാ​ർ​ക്ക് മെ​മ്മോ ന​ൽ​കി​യ​താ​യും തി​രു​വ​ല്ല അ​ർ​ബ​ൻ സ​ഹ​ക​ര​ണ ബാ​ങ്ക് പ്ര​സി​ഡ​ന്‍റ് ആ​ർ. സ​ന​ൽ കു​മാ​ർ പ​റ​ഞ്ഞു.