ഓമനിച്ച് വളർത്തുന്ന പൂച്ചകളെയും നായ്ക്കളെയുമൊക്കെ അണിയിച്ചൊരുക്കുന്നതും അവയെക്കൊണ്ട് ഓരോന്നു ചെയ്യിക്കുന്നതും ചിലർക്കു ഹരമാണ്. ഇത്തരത്തിലുള്ള നിരവധി ദൃശ്യങ്ങൾ സമൂഹമാധ്യമങ്ങളിൽ പ്രത്യക്ഷപ്പെടാറുമുണ്ട്.
സാരിയുടുത്ത് നൃത്തച്ചുവടുകൾ വയ്ക്കുന്ന ഒരു പൂച്ചയുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറൽ. നർത്തകിയായ പൂച്ച പക്ഷേ, യാഥാർഥ പൂച്ചയല്ല. “എഐ പൂച്ച’ ആണ്. എ.ആർ. റഹ്മാൻ സംഗീതത്തിൽ 1999ൽ പുറത്തിറങ്ങിയ “താൽ’ എന്ന ചിത്രത്തിലെ “താൽ സേ താൽ…’ എന്ന ഗാനത്തിനാണു പൂച്ച ചുവടുവയ്ക്കുന്നുത്. ആരെയും വിസമയിപ്പിക്കുന്ന അതിമനോഹര ഡാൻസ്.
ആധിയും ചിത്രും എന്നു പേരുള്ള എഐ വീഡിയോ ക്രിയേറ്റർമാരാണ് ഓൺലൈനിൽ ഇതു പോസ്റ്റ് ചെയ്തത്. ലക്ഷക്കണക്കിനാളുകൾ ഇതിനകം വീഡിയോ കണ്ടുകഴിഞ്ഞു. ആർട്ടിഫിഷൽ ഇന്‍റലിജൻ‌സിന്‍റെ കാലമാണിത്. എന്തെല്ലാം കാണാനിരിക്കുന്നു..!
