വെഞ്ഞാറമൂട്: ഗ്രില്ലിൽ തല കുടുങ്ങിയ പൂച്ചയെ ഫയർഫോഴ്സ് രക്ഷപ്പെടുത്തി.
വാമനപുരം മുത്തുമാരി അമ്മൻ കോവിലിന് സമീപമുള്ള പൂജ,കൊച്ചിളമ്പ വീടിന്‍റെ ഗേറ്റിൽ രണ്ടു ദിവസമായി തല കുടുങ്ങിക്കിടന്ന പൂച്ചയെയാണ് വെഞ്ഞാറമൂട് ഫയർഫോഴ്സ് രക്ഷപ്പെടുത്തിയത്.
വീട് അടച്ചിട്ടിരിക്കയായിരുന്നതിനാൽ ഇന്നലെ രാവിലെയാണ് സംഭവം ഉടമസ്ഥന്‍റെ ശ്രദ്ധയിൽപ്പെട്ടത്. തുടർന്ന് വെഞ്ഞാറമൂട് ഫയർഫോഴ്സിനെ വിവരം അറിയിക്കുകയായിരുന്നു.
ഗ്രേഡ് അസിസ്റ്റന്‍റ് സ്റ്റേഷൻ ഒാഫീസർ രാജേന്ദ്രൻ നായരുടെ നേതൃത്വത്തിൽ ഫയർ ഓഫീസർമാരായ സന്തോഷ്, ലിനു,അബ്ബാസി,അരവിന്ദ് എന്നിവർ എത്തിയാണ് രക്ഷാപ്രവർത്തനം നടത്തിയത്.
