പൂച്ചയ്‌ക്കെന്താ പൊന്നുരുക്കുന്നിടത്തു കാര്യമെന്ന് ചോദിക്കാറുണ്ട്. അതുപോലെ തന്നെ പൂച്ചയ്ക്ക് മേക്കപ്പ് ഇടുന്നിടത്തും പ്രത്യേകിച്ച് കാര്യമൊന്നുമില്ലെന്നാണ് കരുതുന്നതെങ്കില്‍ തെറ്റി.
തന്റെ ഉടമ മേക്കപ്പിടുന്നത് കണ്ട് തനിക്കും മേക്കപ്പ് ഇടാന്‍ ആവശ്യപ്പെടുന്ന പൂച്ചയുടെ വീഡിയോയാണ് ഇപ്പോള്‍ വൈറലാകുന്നത്.
ഒരു ചെറിയ കണ്ണാടിക്ക് മുന്നില്‍ നിന്ന് ഒരു സ്ത്രീ മേക്കപ്പ് ചെയ്യുന്നതാണ് വീഡിയോയില്‍ കാണുന്നത്. തൊട്ടടുത്തായി ഒരു പൂച്ചയും ഇരിക്കുന്നുണ്ട്.
വളരെ കൗതുകത്തോടെ മേക്കപ്പ് ചെയ്യുന്നത് നോക്കി ഇരിക്കുകയായിരുന്നു അത്. തുടര്‍ന്ന് പൂച്ച മെല്ലെ കാലുകളുയര്‍ത്തി തനിക്കും മേക്കപ്പ് ഇടാന്‍ ആവശ്യപ്പെടുകയായിരുന്നു.
തല ചൊറിഞ്ഞ് കൊണ്ട് തന്റെ മുഖത്ത് മേക്കപ്പിടാനാണ് അത് ആംഗ്യം കാണിച്ചത്. സ്ത്രീയുടെ കയ്യിലെ മേക്കപ്പ് ബ്രഷ് പിടിച്ച് വാങ്ങാനും പൂച്ച ശ്രമിക്കുന്നുണ്ട്.
ഒടുവില്‍ തന്റെ മേക്കപ്പ് നിര്‍ത്തി അവര്‍ പൂച്ചയുടെ മുഖത്ത് മേക്കപ്പ് ചെയ്യാന്‍ തുടങ്ങി. മുഖത്ത് ബ്രഷ് കൊണ്ട് ടച്ച് അപ് ചെയ്തതോടെ പൂച്ച ഹാപ്പിയായി.
