സ​ഹോ​രി​യെ ബ​ലാ​ത്സം​ഗം​ചെ​യ്ത​യാ​ളോ​ട് പ്രതി​കാ​രം ചെ​യ്യാ​ൻ സാ​ക്കി​ർ കാത്തിരുന്നത് ആറു വർഷം; ഇ​രു​വ​രും തി​ഹാ​റി​ലെ ത​ട​വു​കാ​രാ​യി​രു​ന്നു…

ന്യൂ​ഡ​ൽ​ഹി: സ​ഹോ​രി​യെ ബ​ലാ​ത്സം​ഗം​ചെ​യ്ത​യാ​ളോ​ട് പ്ര​തി​കാ​രം ചെ​യ്യാ​ൻ കാ​ത്തി​രി​ക്കു​ക​യാ​യി​രു​ന്നു സാ​ക്കി​റെ​ന്ന് പോ​ലീ​സ്. തി​ങ്കാ​ളാ​ഴ്ച രാ​വി​ലെ​യാ​ണ് തി​ഹാ​ർ ജ​യി​ലി​ൽ വ​ച്ച് സാ​ക്കി​റി​ന്‍റെ കു​ത്തേ​റ്റ് മു​ഹ​മ്മ​ദ് മെ​ഹ്താ​ബ് മ​രി​ച്ച​ത്.

ഇ​രു​വ​രും തി​ഹാ​റി​ലെ ത​ട​വു​കാ​രാ​യി​രു​ന്നു. 2014-ൽ ​സാ​കി​റി​ന്‍റെ പ്രാ​യ​പൂ​ർ​ത്തി​യാ​കാ​ത്ത സ​ഹോ​രി​യെ ബ​ലാ​ത്സം​ഗം​ചെ​യ്ത കേ​സി​ലാ​ണ് മെ​ഹ്താ​ബ് ശി​ക്ഷി​ക്ക​പ്പെ​ട്ട​ത്. 2018-ൽ ​കൊ​ല​പാ​ത​ക​ക്കേ​സി​ൽ അ​റ​സ്റ്റി​ലാ​യ സാ​കി​ർ അ​ന്നു​മു​ത​ൽ ജ​യി​ലി​ലാ​ണ്.

ദ​ക്ഷി​ണ​പു​രി സ്വ​ദേ​ശി​യാ​യ സാ​കി​റി​നെ അ​ഞ്ചാം ന​ന്പ​ർ ജ​യി​ലി​ൽ​നി​ന്ന് അ​ടു​ത്തി​ടെ​യാ​ണ് എ​ട്ടി​ലേ​ക്ക് മാ​റ്റി​യ​ത്. സ​ഹ​ത​ട​വു​കാ​രു​മാ​യി അ​ടി​യു​ണ്ടാ​യ​തി​നെ​ത്തു​ട​ർ​ന്നാ​യി​രു​ന്നു മാ​റ്റം.

എ​ട്ടാം ന​ന്പ​റി​ലെ മു​ക​ളി​ലെ നി​ല​യി​ലാ​യി​രു​ന്നു മെ​ഹ്താ​ബ് ക​ഴി​ഞ്ഞി​രു​ന്ന​ത്. സ​ഹ​ത​ട​വു​കാ​ർ പു​ല​ർ​ച്ചെ പ്രാ​ർ​ഥ​ന​യ്ക്കാ​യി പോ​യ സ​മ​യം​നോ​ക്കി സാ​കി​ർ മു​ക​ൾ​നി​ല​യി​ലെ​ത്തി മൂ​ർ​ച്ച​യു​ള്ള ഉ​പ​ക​ര​ണം​കൊ​ണ്ട് മെ​ഹ്താ​ബി​നെ ക​ഴു​ത്തി​ലും വ​യ​റി​ലും തു​ട​രെ കു​ത്തു​ക​യാ​യി​രു​ന്നു. സാ​കി​റി​നെ​തി​രേ കൊ​ല​പാ​ത​ക​ത്തി​ന് കേ​സെ​ടു​ത്തു.