താ​ലൂ​ക്ക് ആ​ശു​പ​ത്രിയിൽ വൻതിരക്ക്;  മു​ഴു​വ​ൻ രോ​ഗി​ക​ളേ​യും പ​രി​ശോ​ധി​ക്കാ​തെ ഡ്യൂ​ട്ടി ഡോ​ക്ട​ർ ഇ​റ​ങ്ങി​പ്പോയി;  ആശുപത്രിയിൽ സംഘർഷം

ചാലക്കുടി: താ​ലൂ​ക്ക് ആ​ശു​പ​ത്രി കാ​ഷ്വാ​ലി​റ്റി​യി​ൽ രോ​ഗി​ക​ളു​ടെ തി​ര​ക്ക്. മു​ഴു​വ​ൻ രോ​ഗി​ക​ളേ​യും പ​രി​ശോ​ധി​ക്കാ​തെ ഡ്യൂ​ട്ടി ഡോ​ക്ട​ർ ഇ​റ​ങ്ങി​പ്പോ​യ​തി​നെ തു​ട​ർ​ന്ന് ആ​ശു​പ​ത്രി​യി​ൽ സം​ഘ​ർ​ഷം. പോ​ലീ​സെ​ത്തി​യാ​ണ് സം​ഘ​ർ​ഷം ഒ​ഴി​വാ​ക്കി​യ​ത്. ഇ​ന്ന​ലെ രാ​ത്രി​യാ​ണ് ആ​ശു​പ​ത്രി​യി​ൽ സം​ഘ​ർ​ഷ​മു​ണ്ടാ​യ​ത്. ഞാ​യ​റാ​ഴ്ച ദി​വ​സ​ങ്ങ​ളി​ൽ ആ​ശു​പ​ത്രി​യി​ൽ ഒ.​പി.​വി​ഭാ​ഗം മു​ട​ക്ക​മാ​യ​തി​നാ​ൽ പ​നി​ബാ​ധി​ത​ര​ട​ക്കം നി​ര​വ​ധി രോ​ഗി​ക​ൾ കാ​ഷ്വാ​ലി​റ്റി​യി​ൽ ഡ്യൂ​ട്ടി​യി​ലു​ള്ള ഡോ​ക്ട​റെ കാ​ണാ​നെ​ത്തി. കാ​ഷ്വാ​ലി​റ്റി​യി​ൽ ഒ​രു ഡോ​ക്ട​ർ മാ​ത്ര​മാ​ണു​ള്ള​ത്.

അ​പ​ക​ടം പ​റ്റി​യ​വ​ർ​ക്കും അ​ടി​യ​ന്ത​ര ചി​കി​ത്സ ന​ൽ​കേ​ണ്ട​വ​ർ​ക്കും വേ​ണ്ടി​യു​ള്ള കാ​ഷ്വാ​ലി​റ്റി​യി​ൽ ഡോ​ക്ട​റെ കാ​ണാ​നു​ള്ള രോ​ഗി​ക​ളു​ടെ നീ​ണ്ട​നി​ര​യാ​യി​രു​ന്നു. രാ​ത്രി എ​ട്ടു​മ​ണി​യാ​യ​പ്പോ​ൾ ഡ്യൂ​ട്ടി ഡോ​ക്ട​ർ സ്ഥ​ലം വി​ട്ടു. എ​ന്നാ​ൽ പ​ക​രം ഡോ​ക്ട​ർ എ​ത്തി​യ​തു​മി​ല്ല. ഇ​തേ​തു​ട​ർ​ന്ന് ആ​ശു​പ​ത്രി​യി​ൽ രോ​ഗി​ക​ളും ബ​ന്ധു​ക്ക​ളും ബ​ഹ​ളം​വ​ച്ചു. ഉ​ച്ച​ക​ഴി​ഞ്ഞ് മൂ​ന്നു​മ​ണി മു​ത​ൽ ഡോ​ക്ട​റെ കാ​ണാ​ൻ ക്യൂ​നി​ൽ​ക്കു​ന്ന​വ​ർ ഇ​വ​രി​ലു​ണ്ടാ​യി​രു​ന്നു.

ആ​ശു​പ​ത്രി സൂ​പ്ര​ണ്ടി​നെ വി​വ​രം അ​റി​യി​ച്ച​തി​നെ തു​ട​ർ​ന്ന് സൂ​പ്ര​ണ്ട് ഗൈ​നോ​ക്ക​ള​ജി​സ്റ്റി​നെ​യാ​ണ് രോ​ഗി​ക​ളെ പ​രി​ശോ​ധി​ക്കാ​ൻ നി​യോ​ഗി​ച്ച​ത്. എ​ന്നാ​ൽ ഗൈ​ന​ക്കോ​ള​ജി​സ്റ്റ് ഇ​തി​നു ത​യാ​റാ​യി​ല്ല. ഡോ​ക്ട​ർ​മാ​ർ ത​മ്മി​ലു​ള്ള ശീ​ത​സ​മ​ര​ത്തെ തു​ട​ർ​ന്നാ​ണ് ഗൈ​ന​ക്കോ​ള​ജി​സ്റ്റി​നെ കാ​ഷ്വാ​ലി​റ്റി​യി​ലേ​ക്ക് സൂ​പ്ര​ണ്ട് നി​യോ​ഗി​ച്ച​തെ​ന്നു പ​റ​യു​ന്നു. ഏ​റെ നേ​രം കാ​ത്തു​നി​ന്നി​ട്ടും ഡോ​ക്ട​ർ​മാ​ർ എ​ത്താ​ത്ത​തി​നാ​ൽ ആ​ശു​പ​ത്രി​യി​ൽ സം​ഘ​ർ​ഷാ​വ​സ്ഥ​യു​ണ്ടാ​യി.

ഇ​തി​നെ തു​ട​ർ​ന്നാ​ണ് പോ​ലീ​സെ​ത്തി രോ​ഗി​ക​ളെ ശാ​ന്ത​രാ​ക്കി​യ​ത്. സൂ​പ്ര​ണ്ടു​മാ​യി സം​സാ​രി​ച്ച് പ​ക​രം ഡോ​ക്ട​റെ​ത്തി രോ​ഗി​ക​ളെ പ​രി​ശോ​ധി​ച്ചു തു​ട​ങ്ങി​യ​തോ​ടെ​യാ​ണ് സം​ഘ​ർ​ഷം അ​വ​സാ​നി​ച്ച​ത്.കാ​ഷ്വാ​ലി​റ്റി​യി​ൽ ഒപി ​യു​ടെ സ​മ​യം ക​ഴി​ഞ്ഞാ​ൽ എ​ല്ലാ​ദി​വ​സ​വും രോ​ഗി​ക​ളുടെ വ​ൻ​തി​ര​ക്കാ​ണ്. എ​ന്നാ​ൽ, ഇ​വി​ടെ ഡ്യൂ​ട്ടി ഡോ​ക്ട​ർ മാ​ത്ര​മേ ഉ​ണ്ടാ​കാ​റു​ള്ളൂ. കൂ​ടു​ത​ൽ ഡോ​ക്ട​ർ​മാ​രെ നി​യോ​ഗി​ക്ക​ണ​മെ​ന്നു ആ​വ​ശ്യ​പ്പെ​ട്ടി​ട്ടും അ​ധി​കൃ​ത​ർ ഇ​തി​നു ത​യാ​റാ​കു​ന്നി​ല്ല.