കോയന്പത്തൂർ: ചന്ദനമരം മുറിച്ചുകടത്താൻ ശ്രമിച്ചയാളെ വനപാലകർ പിടികൂടി. മണ്ണാർക്കാട് സ്വദേശി രാമനാണ് (65) അറസ്റ്റിലായത്. പോലുവംപട്ടി വനമേഖലയിൽനിന്നാണ് ചന്ദനമരങ്ങൾ മുറിച്ചത്.കഴിഞ്ഞ ഏതാനും ദിവസങ്ങളിലായി ശിരുവാണി, കുറ്റാലം, പോളുവംപട്ടി പ്രദേശങ്ങളിൽ ചന്ദനമോഷണം പതിവായിരുന്നു.
ഇതേ തുടർന്ന് വനപാലകർ നടത്തിയ പരിശോധനയിലാണ് ചന്ദനമരം മുറിച്ചിരുന്ന രാമനെ പിടികൂടിയത്.കൂടെയുണ്ടായിരുന്ന അഞ്ചുപേർ ഓടിരക്ഷപ്പെട്ടു.ഇവർക്കായി അന്വേഷണം ഉൗർജിതമാക്കി. ഇയാളുടെ പക്കൽനിന്നും അറുപതുകിലോ ചന്ദനം പിടികൂടി.
