ചങ്ങനാശേരി: ചങ്ങനാശേരി ബോട്ട് ജെട്ടിക്കുളത്തില്‍ തലമൂടിക്കെട്ടിയ നിലയില്‍ അജ്ഞാത മൃതദേഹം കണ്ടെത്തിയ സംഭവം കൊലപാതകമോ… ആത്മഹത്യയോ. പോലീസ് രഹസ്യാന്വേഷണം തുടങ്ങി.
പ്ലാസ്റ്റിക് ഉപയോഗിച്ച് തല മൂടിക്കെട്ടിയിരുന്നതിനാലാണ് പോലീസിനു സംശയം ഉയരുന്നത്. തല മൂടിക്കെട്ടി വെള്ളത്തിലെ പോളക്കെട്ടിലേക്ക് ഇയാള്‍ സ്വയം ചാടിയതാണോ അതോ ആരെങ്കിലും കൊലപ്പെടുത്തി ബോട്ട്ജെട്ടിക്കുളത്തിലേക്കു തള്ളിയതാണോ എന്ന സംശയമാണ് ഉയരുന്നത്.
ആളെ തിരിച്ചറിയുന്നതിനുള്ള ശ്രമങ്ങള്‍ പോലീസ് നടത്തിവരികയാണ്. മൃതദേഹം കണ്ടെത്തിയ ചുറ്റുപാടുകളിലെ സിസിടിവി ദൃശ്യങ്ങള്‍ പോലീസ് പരിശോധിച്ചു വരികയാണ്.
രണ്ടു ദിവസത്തിലേറെ പഴക്കമുള്ള മൃതദേഹം ജീര്‍ണാവസ്ഥയിലാണ്. ഇന്നലെ രാവിലെ ബോട്ടുജെട്ടിക്കുളത്തിനു സമീപം എത്തിയവരാണ് ബോട്ട്ജെട്ടിയിലെ പോളക്കൂട്ടത്തിനിടയില്‍ മൃതദേഹം കണ്ടത്.
മൃതദേഹം പോസ്റ്റുമാര്‍ട്ടം കോട്ടയം മെഡിക്കല്‍ കോളജ് ആശുപത്രിയില്‍ പോസ്റ്റുമാര്‍ട്ടം നടത്തി ബന്ധുക്കള്‍ എത്തുമോ എത്തുമോ എന്നറിയാല്‍ ഏതാനുദിവസങ്ങള്‍ സൂക്ഷിക്കും.
ചങ്ങനാശേരി എസ്എച്ച്ഒ റിച്ചാര്‍ഡ് വര്‍ഗീസിന്‍റെ നേതൃത്വത്തിലുള്ള പോലീസ് സംഘമാണ് അന്വേഷണം നടത്തുന്നത്.
