ഗ​ജ​രാ​ജ​ൻ ചാ​ന്നാ​നി​ക്കാ​ട് വി​ജ​യ​സു​ന്ദ​റി​നെ അവസാനമായി കാണാൻ നുറുകണക്കിന് ആരാധകർ;

ചി​ങ്ങ​വ​നം: ഇ​ന്ന​ലെ ച​രി​ഞ്ഞ ഗ​ജ​രാ​ജ​ൻ ചാ​ന്നാ​നി​ക്കാ​ട് വി​ജ​യ​സു​ന്ദ​റി​ന്‍റെ പോ​സ്റ്റു​മോ​ർ​ട്ടം ന​ട​പ​ടി​ക​ൾ ആരംഭിച്ചു. ഡോ​ക്ട​ർ​മാ​ര​ട​ക്കം അ​ഞ്ചം​ഗ സം​ഘ​മാ​ണ് പോ​സ്റ്റു​മോ​ർ​ട്ടം ന​ട​ത്തു​ന്ന​ത്. തു​ട​ർ​ന്ന് ഉ​ച്ച​യോ​ടെ ചാ​ന്നാ​നി​ക്കാ​ട് മു​ള​ന്താ​ന​ത്ത് വീ​ട്ടു​വ​ള​പ്പി​ൽ സം​സ്ക​രി​ക്കും.

മു​ള​ന്താ​ന​ത്ത് പ​രേ​ത​നാ​യ രാ​ഘ​വ​ക്കു​റി​പ്പി​ന്‍റെ ചെ​റു​മ​ക​ൻ അ​രു​ണ്‍ കു​മാ​റി​ന്‍റെ ഉ​ട​മ​സ്ഥ​ത​യി​ലു​ള്ള ആ​ന​യ്ക്ക് 43 വ​യ​സ് പ്രാ​യ​മു​ണ്ടാ​യി​രു​ന്നു. ലോ​ക്ക്ഡൗ​ണി​നെ തു​ട​ർ​ന്ന് മാ​സ​ങ്ങ​ളാ​യി മു​ള​ന്താ​ന​ത്ത് പു​ര​യി​ട​ത്തി​ൽ വി​ശ്ര​മ​ത്തി​ലാ​യി​രു​ന്ന ആ​ന​ 14 ദി​വ​സം മു​ന്പു​ണ്ടാ​യ ഇ​ര​ണ്ട​ക്കെ​ട്ടി​നെ തു​ട​ർ​ന്ന് ചി​കി​ത്സ​യി​ലാ​യി​രു​ന്നു.

രോ​ഗ​ല​ക്ഷ​ണം ക​ണ്ട​തി​നെ തു​ട​ർ​ന്ന് വെ​റ്ററി​ന​റി ഡോ​ക്ട​ർ ബി​നു ഗോ​പി​നാ​ഥി​ന്‍റെ ചി​കി​ത്സ​യി​ലാ​യി​രു​ന്നു. വ​നം വ​കു​പ്പി​ന്‍റെ നി​ർ​ദേ​ശ​പ്ര​കാ​രം വി​ദ​ഗ്ദ സ​മി​തി കൂ​ടി മ​ണ്ണു​ത്തി​യി​ൽ നി​ന്ന് ഇ​ന്ന് ഡോ​ക്ട​ർ​മാ​രു​ടെ സം​ഘം എ​ത്താ​നി​രി​ക്കെ​യാ​ണ് ഇ​ന്ന​ലെ ഉ​ച്ച​യോ​ടെ ച​രി​ഞ്ഞ​ത്.

തൃ​ശൂ​ർ​പൂ​രം, നെന്മാറ, തി​രു​വ​ൻ​വ​ണ്ടൂ​ർ, ക​ല​ഞ്ഞു​ർ, തെ​ച്ചി​ക്കോ​ട്ട്കാ​വ്, ഇ​ത്തി​ത്താ​നം തു​ട​ങ്ങി​യ നി​ര​വ​ധി പേ​രെ​ടു​ത്ത പൂ​ര​ങ്ങ​ളി​ൽ തു​ട​ർ​ച്ച​യാ​യി പ​ങ്കെ​ടു​ത്തി​ട്ടു​ണ്ട്. ഗ​ജ​രാ​ജ​പ​ട്ടം, രൗ​ദ്ര​ഭീ​മ​ൻ പ​ട്ടം, ഗ​ജ​രാ​ജ കേ​സ​രി തു​ട​ങ്ങി​യ ബ​ഹു​മ​തി​ക​ളും നേ​ടി​യി​ട്ടു​ണ്ട്. ആ​ന​യു​ടെ വി​യോ​ഗം അ​റി​ഞ്ഞ് നി​ര​വ​ധി ആ​രാ​ധ​ക​രാ​ണ് മു​ള​ന്താ​ന​ത്തേ​ക്കെ​ത്തി​ക്കൊ​ണ്ടി​രി​ക്കു​ന്ന​ത്.