വ്യാ​ജ ചാ​പ്പ കു​ത്ത​ൽ; വ്യാജകഥ ഉണ്ടാക്കാൻ സൈനികനെ പ്രേരിപ്പിച്ചതെന്ത്; കൂ​ടു​ത​ൽ അ​ന്വേ​ഷ​ണ​ത്തി​ന് പോ​ലീ​സും മി​ലി​ട്ട​റി​യും

കൊ​ല്ലം: അജ്ഞാത സംഘം ആക്രമിച്ച ശേഷം മു​തു​കി​ൽ പി​എ​ഫ്ഐ (പോ​പ്പു​ല​ർ ഫ്ര​ണ്ട് ഓഫ് ഇന്ത്യ) എ​ന്ന് ചാ​പ്പ കു​ത്തി​യെ​ന്ന് പ​റ​ഞ്ഞ് വ്യാ​ജ പ​രാ​തി ന​ൽ​കി​യ​തി​ന് അ​റ​സ്റ്റി​ലാ​യ​വ​രെ പോ​ലീ​സും മി​ലി​ട്ട​റി ഇ​ന്‍റ​ലി​ജ​ൻ​സും കൂ​ടു​ത​ൽ ചോ​ദ്യം ചെ​യ്യും.

ഇ​തി​നാ​യി ഇ​പ്പോ​ൾ പു​ന​ലൂ​ർ കോ​ട​തി​യി​ൽ റി​മാ​ൻഡിൽ ക​ഴി​യു​ന്ന സൈ​നി​ക​ൻ ഷൈ​ൻ (35), സൃ​ഹൃ​ത്ത് ജോ​ഷി (40) എ​ന്നി​വ​രെ ക​സ്റ്റ​ഡി​യി​ൽ വാ​ങ്ങി വി​ശ​ദ​മാ​യി ചോ​ദ്യം ചെ​യ്യാ​ൻ പോ​ലീ​സ് തീ​രു​മാ​നി​ച്ചു. ഇ​തി​ന് അ​ടു​ത്ത ദി​വ​സം ത​ന്നെ കോ​ട​തി​യി​ൽ അ​പേ​ക്ഷ ന​ൽ​കും.

ഈ ​സം​ഭ​വ​ത്തി​ൽ മി​ലി​ട്ട​റി ഇ​ന്‍റലി​ജ​ൻ​സ് ന​ട​ത്തു​ന്ന അ​ന്വേ​ഷ​ണ​വും തു​ട​രു​ക​യാ​ണ്. ഒ​രു മാ​സം മു​മ്പാ​ണ് ഷൈ​ൻ രാ​ജ​സ്ഥാ​നി​ലെ ആ​ർ​മി ക്യാ​മ്പി​ൽ നി​ന്ന് ക​ട​യ്ക്ക​ലി​ലെ വീ​ട്ടി​ൽ എ​ത്തി​യ​ത്. തി​ങ്ക​ളാ​ഴ്ച മ​ട​ങ്ങി പോ​കാ​ൻ ടി​ക്ക​റ്റും ബു​ക്ക് ചെ​യ്തി​രു​ന്നു.

മ​ട​ക്ക യാ​ത്ര നി​ശ്ച​യി​ച്ച് ഉ​റ​പ്പി​ച്ച സാ​ഹ​ച​ര്യ​ത്തി​ൽ തി​ടു​ക്ക​ത്തി​ൽ ഇ​ങ്ങ​നെ ഒ​രു വ്യാ​ജ​ക്ക​ഥ ഉ​ണ്ടാ​ക്കാ​ൻ എ​ന്താ​ണ് പ്രേ​ര​ണ എ​ന്ന കാ​ര്യ​ത്തി​ൽ പോ​ലീ​സി​ന് ഇ​തു​വ​രെ ഉ​ത്ത​രം കി​ട്ടി​യി​ട്ടി​ല്ല.

പ്ര​ശ​സ്തി ല​ഭി​ക്കാ​ൻ വേ​ണ്ടി​യാ​ണ് ചെ​യ്ത​തെ​ന്ന ഷൈ​നി​ന്‍റെ മൊ​ഴി അ​ന്വേ​ഷ​ണ ഉ​ദ്യോ​ഗ​സ്ഥ​ർ മു​ഖ​വി​ല​യ്ക്ക് എ​ടു​ത്തി​ട്ടു​മി​ല്ല.
ഗൂ​ഢാ​ലോ​ച​ന​യി​ൽ കൂ​ടു​ത​ൽ പേ​ർ ഉ​ൾ​പ്പെ​ട്ടി​ട്ടു​ണ്ടോ എ​ന്ന സം​ശ​യ​വും പോ​ലീ​സി​നു​ണ്ട്.

ഇ​തി​നാ​യി ഇ​രു​വ​രെ​യും ഒ​രു​മി​ച്ച് ഇ​രു​ത്തി ചോ​ദ്യം ചെ​യ്യും. പോ​പ്പു​ല​ർ ഫ്ര​ണ്ടി​ന്‍റെ പ്രാ​ദേ​ശി​ക നേ​തൃ​ത്വ​വു​മാ​യി ഷൈ​നി​ന് എ​ന്ത​ങ്കി​ലും മു​ൻ വി​രോ​ധം ഉ​ണ്ടാ​യി​രു​ന്നോ എ​ന്ന കാ​ര്യ​വും പോ​ലീ​സ് പ​രി​ശോ​ധി​ച്ച് വ​രി​ക​യാ​ണ്.

ഇ​രു​വ​രെ​യും ക​സ്റ്റ​ഡി​യി​ൽ വാ​ങ്ങു​മ്പോ​ൾ പോ​ലീ​സ് സാ​ന്നി​ധ്യ​ത്തി​ൽ മി​ലി​ട്ട​റി ഇ​ന്‍റ​ലി​ജ​ൻ​സ് ചോ​ദ്യം ചെ​യ്യു​മെ​ന്നാ​ണ് വി​വ​രം. അ​തി​ന് സാ​ധി​ച്ചി​ല്ല​ങ്കി​ൽ കോ​ട​തി​യി​ൽ നി​ന്ന് അ​നു​മ​തി വാ​ങ്ങി ജ​യി​ലി​ൽ എ​ത്തി ചോ​ദ്യം ചെ​യ്യു​മെ​ന്നാ​ണ് അ​റി​യു​ന്ന​ത്.

പോ​പ്പു​ല​ർ ഫ്ര​ണ്ടി​ന്‍റെ പേ​രി​ൽ ന​ട​ത്തി​യ സം​ഭ​വം എ​ന്ന​തി​ന്‍റെ അ​ടി​സ്ഥാ​ന​ത്തി​ൽ എ​ൻ​ഐ​എ​യും ക​ഴി​ഞ്ഞ ദി​വ​സം ഇ​തു സം​ബ​ന്ധി​ച്ച പ്രാ​ഥ​മി​ക വി​വ​ര ശേ​ഖ​ര​ണം ന​ട​ത്തി​ക്ക​ഴി​ഞ്ഞു.