കൊച്ചി: വില്‍പനയ്ക്കായി ചാരായം വാറ്റിയ യുവാക്കള്‍ പിടിയില്‍. ചിറ്റൂര്‍ ഫെറിക്ക് സമീപം അറക്കപ്പറമ്പില്‍ വിഷ്ണു (29), കടേപറമ്പില്‍ റിക്‌സണ്‍ (27) എന്നിവരെയാണ് ചേരാനെല്ലൂര്‍ പോലീസ് പിടികൂടിയത്.
യൂ ട്യൂബ് നോക്കി പ്രഷര്‍ കുക്കര്‍ ഉപയോഗിച്ചാണ് ഇവര്‍ ചാരായം വാറ്റിയിരുന്നത്. വാറ്റാന്‍ ഉപയോഗിച്ച സാമഗ്രികളും പോലീസ് പിടിച്ചെടുത്തു.
ഡിസിപി പൂങ്കുഴലിക്ക് ലഭിച്ച രഹസ്യവിവരത്തിന്‍റെ അടിസ്ഥാനത്തില്‍ എസിപി ലാല്‍ജിയുടെ നിര്‍ദേശാനുസരണം ചേരാനെല്ലൂര്‍ എസ്‌ഐമാരായ രൂപേഷ്, എല്‍ദോ, എഎസ്‌ഐ ഷിബു ജോര്‍ജ്, സീനിയര്‍ സിപിഒ ഷുക്കൂര്‍, സിപിഒമാരായ ഷമീര്‍, സുമേഷ്, സീബിന്‍, ലിജോ എന്നിവര്‍ ചേര്‍ന്നാണ് പ്രതികളെ പിടികൂടിയത്.
കോടിതിയല്‍ ഹാജരാക്കിയ പ്രതികളെ റിമാന്‍ഡ് ചെയ്തു.
