ലണ്ടന്‍: ഇംഗ്ലീഷ് പ്രീമിയര്‍ ലീഗ് ഫുട്‌ബോളില്‍ ലിവര്‍പൂളിനു ജയം. ഹോം മത്സരത്തില്‍ ലിവര്‍പൂള്‍ 2-1ന് ബ്രൈറ്റണിനെ കീഴടക്കി.
ഒരു ഗോളിനു പിന്നില്‍ നിന്നശേഷം ലൂയിസ് ഡിയസ് (27′), മുഹമ്മദ് സല (65′) എന്നിവരുടെ ഗോളുകളിലായിരുന്നു ലിവര്‍പൂളിന്‍റെ ജയം. 67 പോയിന്‍റുമായി ഒന്നാം സ്ഥാനത്താണ് ലിവര്‍പൂള്‍.
മറ്റ് മത്സരങ്ങളില്‍ ചെല്‍സിയും മാഞ്ചസ്റ്റര്‍ യുണൈറ്റഡും ജയം കൈവിട്ടു. ചെല്‍സി 2-2ന് ബേണ്‍ലിയുമായി സമനിലയില്‍ പിരിഞ്ഞപ്പോള്‍ മാഞ്ചസ്റ്റര്‍ യുണൈറ്റഡിന്‍റെ ജയമോഹം ബ്രെന്‍റ്‌ഫോഡ് തകര്‍ത്തു, മത്സരം 1-1ന് സമനിലയില്‍ പിരിഞ്ഞു. മറ്റൊരു മത്സരത്തില്‍ ടോട്ടന്‍ഹാം 2-1ന് ലൂട്ടന്‍ ടൗണിനെ തോല്‍പ്പിച്ചു.
