ന​ന്മ​യു​ടെ പാ​ലാ​ഴി: സം​ഗീ​ത​വും ഭ​ക്തി​യും ഹൃ​ദ​യ നൈ​ർ​മ​ല്യ​വും ലാ​ളി​ത്യ​വും സ്നേ​ഹ​വും കൂ​ടി​ച്ചേ​രു​ന്ന സ​മ​ഗ്ര​ത​യാ​യി​രു​ന്നു ചെ​ന്പൈ സ്വാ​മി

മ​റ്റു​ള്ള സം​ഗീ​ത​ജ്ഞ​രി​ൽ നി​ന്നും വ​ള​രെ വ്യ​ത്യ​സ്ത​നാ​യി​രു​ന്നു ചെ​ന്പൈ വൈ​ദ്യ​നാ​ഥ ഭാ​ഗ​വ​ത​ർ. ഒ​രാ​ളി​ൽ അ​ല്പം ക​ലാ​വാ​സ​ന​ക​ണ്ടാ​ൽ പ്രാ​യ​മോ, അ​നു​ഭ​വ​മോ ഒ​ന്നും നോ​ക്കാ​തെ ത​ന്നെ യാ​തൊ​രു മ​റ​യു​മി​ല്ലാ​തെ വാ​നോ​ളം പ്ര​ശം​സി​ക്കും. ആ ​അ​നു​ഗ്ര​ഹ​ത്തി​ൽ ന​ക്ഷ​ത്ര​പ്ര​ഭ പൂ​ണ്ട​വ​ർ നി​ര​വ​ധി​യാ​ണ്.

മൃ​ദം​ഗ​ത്തി​ലെ അ​തി​കാ​യ​ന്മാ​രെ ഒ​ഴി​വാ​ക്കി​യാ​ണ് മ​ദ്രാ​സ് മ്യൂ​സി​ക് അ​ക്കാ​ദ​മി​യി​ൽ ത​ന്‍റെ ക​ച്ചേ​രി​യി​ൽ അ​ന്നു യു​വാ​വാ​യി​രു​ന്ന പാ​ല​ക്കാ​ട് മ​ണി അ​യ്യ​ർ​ക്കു ചെ​ന്പൈ അ​വ​സ​രം ന​ൽ​കു​ന്ന​ത്. ഭാ​ര​വാ​ഹി​ക​ളു​ടെ മു​ഴു​വ​ൻ എ​തി​ർ​പ്പി​നെ​യും അ​വ​ഗ​ണി​ച്ചു കൊ​ണ്ടാ​ണ് പ​യ്യ​നാ​യ മ​ണി​ അ​യ്യ​രെ സ്വാ​മി സ​ദ​സി​ലേ​ക്കു ആ​ന​യി​ക്കു​ന്ന​ത്.

മൃ​ദം​ഗ​ത്തിൽ താ​ള​മ​ഴ പെ​യ്യി​ച്ചു കൊ​ണ്ടു​ള്ള മ​ണി​അ​യ്യ​രു​ടെ ജൈ​ത്ര​യാ​ത്ര ഇ​വി​ടെ തു​ട​ങ്ങു​ന്നു. കെ.​ജെ.​ യേ​ശു​ദാ​സി​ന്‍റെ കീ​ർ​ത്ത​നം കേ​ട്ട് ആ​ഹ്ലാ​ദ​വാ​നാ​യ ചെ​ന്പൈ “ഗാ​ന​ഗ​ന്ധ​ർ​വ​ൻ’ എ​ന്നു​റ​ക്കെ ഉ​റ​ക്കെ വി​ളി​ച്ചു പ​റ​ഞ്ഞ് അ​നു​മോ​ദി​ച്ച​ത് ഇ​ന്നും പ​ല സം​ഗീ​ത ആ​രാ​ധ​ക​രും ഓ​ർ​മി​ക്കു​ന്നു.

യേ​ശു​ദാ​സി​നോ​ട് വ​ലി​യ വാ​ത്സ​ല്യ​മാ​യി​രു​ന്നു ചെ​ന്പൈ സ്വാ​മി​ക്ക്. ഗു​രു​വാ​യൂ​ർ ക്ഷേ​ത്ര​ത്തി​നു പു​റ​ത്തി​രു​ന്ന് സം​ഗീ​ത ക​ച്ചേ​രി ന​ട​ത്തു​ന്പോ​ൾ ശി​ഷ്യ​നാ​യ യേ​ശു​ദാ​സി​നെ​യും ഒ​പ്പം കൂ​ട്ടി​യി​രു​ന്നു. ചെ​ന്പൈ ഗ്രാ​മ​ത്തി​ലെ വീ​ട്ടി​ൽ ചെ​ന്പൈ സ്വാ​മി ഒ​രി​ക്ക​ൽ നാ​രാ​യ​ണീ​യം വാ​യി​ച്ചു കൊ​ണ്ടി​രു​ന്ന അ​വ​സ​ര​ത്തി​ലാ​ണ് ശി​ഷ്യ​ന്മാ​രാ​യ ജ​യ​വി​ജ​യ​ന്മാ​രു​മാ​യി യേ​ശു​ദാ​സ് ആ​ദ്യം ചെ​ന്പൈ​യു​ടെ വീ​ട്ടി​ലെ​ത്തു​ന്ന​ത്.

യേ​ശു​ദാ​സ​നാ​ണോ? എ​ന്നു സ​ന്തോ​ഷാ​ധി​ക്യം മ​റ​ച്ചു വ​യ്ക്കാ​തെ ചോ​ദി​ച്ച ചെ​ന്പൈ യേ​ശു​ദാ​സി​നു ആ​ദ്യം ന​ൽ​കി​യ​ത് ഗു​രു​വാ​യൂ​രി​ലെ പ​ഞ്ച​സാ​ര​യും പ്ര​സാ​ദ​വു​മാ​ണ്. യേ​ശു​ദാ​സി​നെ നി​ര​വ​ധി കീ​ർ​ത്ത​ന​ങ്ങ​ൾ പ​ഠി​പ്പി​ക്കു​ക​യും കേ​ര​ള​ത്തി​ലും മും​ബൈ​യി​ലും ന​ട​ന്ന ത​ന്‍റെ ക​ച്ചേ​രി​ക​ളി​ൽ അ​ന്നു സ​നി​മാ ഗാ​യ​ക​നാ​യി കൂ​ടു​ത​ൽ അ​റി​യ​പ്പെ​ട്ടി​രു​ന്ന യേ​ശു​ദാ​സി​നെ ഒ​പ്പം പാ​ടി​ക്കു​ക​യും ചെ​യ്ത​തും ചെ​ന്പൈ സ്വാ​മി ത​ന്നെ.

ചെ​ന്പൈ​യു​ടെ മ​ഹാ​മ​ന​സ്ക​ത​യെ​ക്കു​റി​ച്ചു​ള്ള ധാ​രാ​ളം അ​നു​ഭ​വ​ങ്ങ​ൾ പ്ര​ശ​സ്ത​രാ​യ പ​ല സം​ഗീ​ത​ജ്ഞ​രും പ​ക്ക​മേ​ള ക​ലാ​കാ​ര​ന്മാ​രും പ​റ​യാ​റു​ണ്ട്. മൃ​ദം​ഗപ​ണ്ഡി​ത​ൻ അന്തരിച്ച പ്ര​ഫ. മാ​വേ​ലി​ക്ക​ര വേലുക്കുട്ടി നായർ പ​റ​ഞ്ഞ അ​നു​ഭ​വം കു​റി​ക്കാം.
“ചെ​ന്പൈ സ്വാ​മി​യെ പോ​ലെ മ​നു​ഷ്യ​സ്നേ​ഹി​യാ​യ മ​റ്റൊ​രു സം​ഗീ​ത​ജ്ഞ​നെ ഞാ​ൻ ക​ണ്ടി​ട്ടി​ല്ല. പ്ര​തി​ഭ​യു​ള്ള ക​ലാ​ക​ര​ന്മാ​രെ വ​ള​രെ​യ​ധി​കം പ്രോ​ത്സാ​ഹി​പ്പി​ക്കു​മാ​യി​രു​ന്നു സ്വാ​മി.

ഇനി ഒരുപക്ഷെ ക​ച്ചേ​രി​ക്കി​ട​യി​ൽ ഒ​രു പ​ക്കമേ​ള​ ക​ലാ​കാ​ര​ൻ ചെ​ന്പൈ​യു​ടെ സം​ഗീ​ത​ത്തി​നു അ​നു​സ​രി​ച്ച് മു​ന്നേ​റു​ന്നി​ല്ലെ​ങ്കി​ലും വേ​ദ​നി​പ്പി​ക്കു​ന്ന ഒ​രു വാ​ക്കും സ്വാ​മി പ​റ​യി​ല്ല. ക​ച്ചേ​രി ക​ഴി​ഞ്ഞ ഉ​ട​നെ ക​ലാ​കാ​ര​നെ വി​ളി​ച്ച സ്വ​കാ​ര്യ​മാ​യി പ​റ​യും…”നി​ന്‍റെ വാ​യ​ന​കൊ​ള്ളാം, കു​റെ​കൂ​ടി സാ​ധ​കം ചെ​യ്താ​ൽ ഇ​നി​യും ന​ന്നാ​വും…’

ചെ​ന്പൈ സ്വാ​മി​യു​ടെ ക​ച്ചേ​രി​ക്കു മൃ​ദം​ഗം വാ​യി​ക്കു​ന്പോ​ൾ വ​ള​രെ ചെ​റു​പ്പ​മാ​യി​രു​ന്നു ഞാ​ൻ. ക​ച്ചേ​രി ക​ഴി​ഞ്ഞ​പ്പോ​ൾ പു​ഞ്ചി​രി​യോ​ടെ ചു​റ്റും നി​ന്ന​വ​രോ​ട് സ്വാ​മി പ​റ​ഞ്ഞു “ഇ​വ​നെ കൊ​ണ്ട് പോ​യി മ​ദ്രാ​സ് ആ​കാ​ശ​വാ​ണി​യി​ലെ എ​ന്‍റെ ക​ച്ചേ​രി​ക്കു മൃ​ദം​ഗം വാ​യി​പ്പി​ക്കും…’

സാ​ധാ​ര​ണ ഇ​ങ്ങ​നെ പ​റ​യു​ന്ന​വ​രി​ൽ ഭൂ​രി​ഭാ​ഗ​വും വാ​ക്കു പാ​ലി​ക്കാ​റി​ല്ല. എ​ന്നാ​ൽ പി​ന്നീ​ട് മ​ദ്രാ​സ് ആ​കാ​ശ​വാ​ണി​യി​ൽ സ്വാ​മി​യു​ടെ ക​ച്ചേ​രി ന​ട​ന്ന​പ്പോ​ൾ എ​ന്നെ ക്ഷ​ണി​ച്ച് കൊ​ണ്ടു പോ​യി മൃ​ദം​ഗം വാ​യി​പ്പി​ച്ചു. ചെ​ന്പൈ സ്വാ​മി​യു​ടെ ഹൃ​ദ​യന​ന്മ​ ഞാ​ൻ നേ​രി​ട്ട​റി​ഞ്ഞ ഒ​രു സം​ഭ​വ​വു​ണ്ട്. കൊ​ല്ലം ജി​ല്ല​യി​ലെ കു​ണ്ട​റ​യി​ലെ ഒ​രു ക്ഷേ​ത്ര ഉ​ത്സ​വ​ത്തി​നു ക​ച്ചേ​രി അ​വ​ത​രി​പ്പി​ക്കു​വാ​ൻ ചെ​ന്പൈ സ്വാ​മി​യെ ഞാ​ൻ ക്ഷ​ണി​ച്ചി​രു​ന്നു.

വൈ​കി​ട്ട് ക​ച്ചേ​രി തു​ട​ങ്ങു​മെ​ന്ന് സം​ഘാ​ട​ക​ർ അ​റി​യി​ച്ച​തി​നെ​ത്തു​ർ​ന്ന് കൃ​ത്യ​സ​മ​യ​ത്തി​നു മു​ൻ​പേ സ്വാ​മി എ​ത്തി. എ​ന്നാ​ൽ തീ​രെ പ്ര​തീ​ക്ഷി​ക്കാ​തെ സം​ഘാ​ട​ക​രും നാ​ട്ടു​കാ​രും ത​മ്മി​ൽ എ​ന്തോ ഒ​രു പ്ര​ശ്ന​ത്തെ ചൊ​ല്ലി ത​ർ​ക്കം തു​ട​ങ്ങി. ത​ർ​ക്ക​ങ്ങ​ളും വാ​ഗ്വാ​ദ​ങ്ങ​ളും നീ​ണ്ടു നീ​ണ്ടു പോ​യി. മ​ണി എ​ട്ടാ​യി,ഒ​ന്പ​താ​യി, പ​ത്താ​യി ഇ​രു​കൂ​ട്ട​രും ത​യാ​റാ​കാ​ത്ത​തി​നാ​ൽ ക​ച്ചേ​രി തു​ട​ങ്ങു​വാ​ൻ ക​ഴി​യു​ന്നി​ല്ല.

ഞാ​നാ​കെ വി​ഷ​മ​ത്തി​ലാ​യി. മ​ദ്രാ​സി​ൽ നിന്ന് നൂ​റു​ക​ണ​ക്കി​നു കി​ലോ​മീ​റ്റ​ർ താ​ണ്ടി ക​ച്ചേ​രി​ക്കാ​യി കു​ണ്ട​റ​യി​ൽ വ​ന്നി​രി​ക്കു​ന്ന മ​ഹാസം​ഗീ​ത​ജ്ഞ​ൻ എ​ന്നോ​ടു​ള്ള സ്നേ​ഹം ഒ​ന്ന് കൊ​ണ്ടു​മാ​ത്ര​മാ​ണ് എ​ല്ലാ തി​ര​ക്കു​ക​ളും മാ​റ്റി​വ​ച്ച് ഇ​ങ്ങ​നെ ക്ഷേ​ത്രമു​റ്റ​ത്ത് വ​ന്നി​രി​ക്കു​ന്ന​ത്. സ്വാ​മി​യെ നേ​രി​ടാ​നാ​വാ​തെ ഞാ​ൻ വി​ഷ​മി​ച്ചു. ഇ​ട​യ്ക്ക് ഇ​ട​യ്ക്ക് സ്വാ​മി​യോ​ട് ക​ച്ചേ​രി ഇ​പ്പോ​ൾ തു​ട​ങ്ങു​മെ​ന്ന് ഞാ​ൻ വെ​റു​തെ പ​റ​ഞ്ഞ് കൊ​ണ്ടി​രു​ന്നു.

എ​ന്നെ ആ​ശ്വ​സി​പ്പി​ക്കാ​നെ​ന്നോ​ണം സ്വാ​മി പു​ഞ്ചി​രി​ച്ചു ത​ല​കു​ലു​ക്കി. രാ​ത്രി പ​ന്ത്ര​ണ്ടി​നും വ​ഴ​ക്കും ബ​ഹ​ള​വും തു​ട​ർ​ന്നു. ക​ണ്ണി​മ പൂ​ട്ടാ​തെ കാ​ത്തി​രി​ക്കു​ന്ന ചെ​ന്പൈ സ്വാ​മി​ക്കു മു​ന്നി​ൽ എ​ന്ത് ചെ​യ്യ​ണം എ​ന്ന​റി​യാ​തെ ഞാ​ൻ നി​ന്നു. സ​ങ്കോച​വും വേ​ദ​ന​യും ആ​ശ​ങ്ക​യും ചേ​ർ​ന്ന മ​ന​സു​മാ​യി നി​മി​ഷ​ങ്ങ​ൾ എ​ണ്ണി എ​ണ്ണി… എ​ന്‍റെ ജീ​വി​ത​ത്തി​ൽ ഇ​ത്ര​യും വി​ഷ​മി​ച്ച ഒ​രു സ​മ​യം വേ​റെ​യി​ല്ല. ഒ​ടു​വി​ൽ രാ​ത്രി ഒ​ന്നി​നാ​ണ് പ്ര​ശ്ന​ങ്ങ​ൾ​ക്കു അ​വ​സാ​ന​മാ​യ​ത്.

സം​ഗീ​ത ക​ച്ചേ​രി​ക്കാ​യി ഓ​ഡി​റ്റോ​റി​യ​ത്തി​ന്‍റെ തി​ര​ശീ​ല ഉ​യ​രു​ന്പോ​ൾ പു​ഞ്ചി​രി​ച്ചു​കൊ​ണ്ട് ചെ​ന്പൈ വേ​ദി​യി​ലു​ണ്ടാ​യി​രു​ന്നു. വൈ​കി​ട്ട് ഏ​ഴി​നെന്ന പോ​ലെ ചെ​ന്പൈ സ്വാ​മി പ്ര​സ​ന്ന​വ​ദ​ന​നാ​യി​രു​ന്നു. അ​ർ​ധ​രാ​ത്രി വ​രെ ക​ണ്ണ​ട​യ്ക്കാ​തെ നി​സാ​ര കാ​ര്യ​ങ്ങ​ൾ​ക്കാ​യു​ള്ള മ​നു​ഷ്യ​രു​ടെ ഭി​ന്ന​ത​ക​ൾ​ക്കു സാ​ക്ഷി​യാ​യി​രു​ന്ന ചെ​ന്പൈ വൈ​ദ്യ​നാ​ഥ ഭാ​ഗ​വ​ത​ർ എ​ല്ലാം മ​റ​ന്ന് കീ​ർ​ത്ത​ന​ങ്ങ​ൾ ആ​ല​പി​ക്കു​ന്ന​ത് ഞാ​ൻ അ​ദ്ഭു​ത​ത്തോ​ടെ നോ​ക്കി നി​ന്നു. ക​ർ​ണാ​ട​ക സം​ഗീ​ത ലോ​ക​ത്തെ അ​ട​ക്കി​വാ​ണി​രു​ന്ന മ​ഹാ​സം​ഗീ​ത​ജ്ഞ​നാ​ണ് ഇ​ങ്ങ​നെ എ​ല്ലാം ക്ഷ​മി​ച്ച് സ​ഹി​ച്ച് ഒ​രു രാ​ത്രി മു​ഴു​വ​ൻ ക​ർ​ട്ട​ൻ ഉ​യ​രു​ന്ന​ത് കാ​ത്തി​രു​ന്ന​ത് എ​ന്ന് ഓ​ർ​ക്ക​ണം.”

എ​സ്.​മ​ഞ്ജു​ളാ​ദേ​വി