ആലപ്പുഴ: കേരള സ്റ്റേറ്റ് സ്‌പോര്‍ട്‌സ് കൗണ്‍സിലിന്‍റെ കീഴിലുള്ള സ്റ്റേറ്റ് ചെസ് ടെക്‌നിക്കല്‍ കമ്മിറ്റി സംഘടിപ്പിച്ച ജില്ലാ അണ്ടര്‍ 7 ചെസ് സെലക‌്ഷന്‍ ടൂര്‍ണമെന്‍റില്‍ നെയ്തല്‍ ഡി അന്‍സേര ചാമ്പ്യന്‍. കൊല്ലം ജില്ലയില്‍ നടക്കുന്ന സ്റ്റേറ്റ് ചാമ്പ്യന്‍ഷിപ്പില്‍ ജില്ലയെ പ്രതിനിധീകരിക്കും.
തുമ്പോളി മാതാ സ്‌കൂളിലെ രണ്ടാം ക്ലാസ് വിദ്യാര്‍ഥിയായ നെയ്തല്‍ ആലപ്പുഴ പ്രൈം ചെസ് അക്കാഡമിയിലാണ് പരിശീലിക്കുന്നത്. ആലപ്പുഴ പൂന്തോപ്പ് അന്‍സേര വീട്ടില്‍ ധീരേഷ് അന്‍സേരയുടെയും (അക്കൗണ്ടന്‍റ് ആര്യാട് പഞ്ചായത്ത്) ഡോ. സിമിയുടെയും (അസി. പ്രഫ. എസ്. എന്‍. കോളജ് ചേര്‍ത്തല) മകനാണ്.
